Klei Yap 21:8 - Klei Aê Diê Blŭ 2015

⁸ Leh anăn Yêhôwa lač kơ Y-Môis, “Brei ih ngă sa drei ala pui leh anăn kƀăk gơ̆ ti dlông giê ênơr; grăp čô hlei pô ala čoh leh tơdah ñu dlăng kơ dŏ anăn, ñu srăng hdĭp.”

Klei Yap 21:8 Iomraidhean Croise

II Bruă Mtao 18:4

Ñu mă hĕ anôk dlông, bi mčah hĕ gơ̆ng kŭt, leh anăn druôm hĕ sa ƀĕ gơ̆ng kŭt rup yang Asêra. Ñu bi mčah đơ điêt ala kông Y-Môis ngă leh, kyuadah hlŏng kơ hruê anăn phung ƀuôn sang Israel čuh mnơ̆ng ƀâo mngưi kơ dŏ anăn. Arăng pia dŏ anăn Nêhustan.

Klei Mmuñ Hđăp 145:8

Yêhôwa jing Pô thâo pap leh anăn Pô jăk; amâo djăl ăl ôh, leh anăn bŏ hŏng klei khăp.

Y-Êsai 14:29

Đăm diih hơ̆k ôh, Ơ jih čar Philistin, kyuadah giê čăm ih joh leh; kyuadah mơ̆ng agha ala anăn srăng kbiă sa drei ala pui, leh anăn êđai ñu srăng jing sa drei ala pui phiơr.

Y-Êsai 30:6

Klei blŭ djŏ kơ hlô dliê čar dhŭng: Mơ̆ng tar ƀar čar rŭng răng leh anăn ênguôt, mơ̆ng anăn kbiă hriê lu êmông gu ana leh anăn knô, lu ala kpơ̆ng leh anăn lu anak rai phiơr, phung mnuih Yuđa mdiăng ngăn drăp diñu hŏng lu aseh dliê leh anăn ngăn yuôm diñu ti dlông mŭr aseh samô kơ čar Êjip, kơ sa phung ƀuôn sang amâo srăng jing tŭ dưn kơ diñu ôh.

Y-Êsai 45:22

Wĭt bĕ kơ Kâo leh anăn mâo klei bi mtlaih, Ơ jih jang knhal lăn ala! Kyuadah Kâo jing Aê Diê, leh anăn amâo mâo pô mkăn ôh.

Y-Yôhan 3:14

Msĕ si Y-Môis yơr ala kông ti dlông hlăm kdrăn tač, msĕ snăn mơh arăng srăng yơr Anak Mnuih ti dlông,