Klei Yap 21:7 - Klei Aê Diê Blŭ 2015

⁷ Phung ƀuôn sang nao kơ Y-Môis leh anăn lač, “Hmei ngă soh leh, kyuadah hmei blŭ bi kdơ̆ng hŏng Yêhôwa leh anăn hŏng ih. Wah lač bĕ kơ Yêhôwa čiăng kơ ñu mă hĕ ala anei mơ̆ng hmei.” Snăn Y-Môis wah lač brei kơ phung ƀuôn sang.

Klei Yap 21:7 Iomraidhean Croise

Klei Mphŭn Dơ̆ng 20:17

Y-Abraham wah lač kơ Aê Diê, leh anăn Aê Diê bi hlao Y-Abimêlek, mô̆ gơ̆, leh anăn phung dĭng buăl mniê gơ̆, leh anăn digơ̆ dưi lŏ kkiêng kơ anak.

Klei Mphŭn Dơ̆ng 20:7

Snăn ară anei bi wĭt bĕ kơ êkei anăn mô̆ ñu, kyuadah ñu jing sa čô khua pô hưn êlâo. Ñu srăng wah lač kơ ih, leh anăn ih srăng dôk hdĭp. Ƀiădah tơdah ih amâo bi wĭt gơ̆ ôh, brei ih thâo ih srăng djiê sĭt nik, wăt jih jang mnuih hlăm sang ih.”

I Bruă Mtao 13:6

Leh anăn mtao lač kơ mnuih Aê Diê, “Kwưh bĕ kơ klei pap mơ̆ng Yêhôwa Aê Diê ih, leh anăn wah lač brei kơ kâo đa, čiăng kơ kngan kâo hlao.” Mnuih Aê Diê kwưh kơ Yêhôwa, leh anăn kngan mtao hlao, lŏ jing msĕ si êlâo.

II Bruă Mtao 13:4

Y-Jôača kwưh kơ Yêhôwa, leh anăn Yêhôwa hmư̆ ñu; kyuadah Yêhôwa ƀuh klei arăng ktư̆ juă phung Israel, klei mtao Siri ktư̆ juă digơ̆.

Y-Yôp 42:10

Yêhôwa lŏ bi wĭt klei jăk mơak kơ Y-Yôp, tơdah leh ñu wah lač brei kơ phung mah jiăng ñu; leh anăn Yêhôwa brei kơ Y-Yôp dua blư̆ lu hĭn kơ mnơ̆ng ñu mâo leh êlâo.

Y-Yôp 42:8

Snăn ară anei mă bĕ kjuh drei êmô knô leh anăn kjuh drei biăp knô, nao bĕ kơ dĭng buăl Kâo Y-Yôp, leh anăn myơr kyua diih pô sa mnơ̆ng myơr čuh. Leh anăn dĭng buăl Kâo Y-Yôp srăng wah lač brei kơ diih, leh anăn Kâo srăng tŭ klei ñu wah lač akâo kơ Kâo đăm ngă ôh kơ diih tui si klei mluk diih; kyuadah diih amâo tuôm blŭ ôh klei djŏ kơ Kâo msĕ si dĭng buăl Kâo Y-Yôp blŭ leh.”

Klei Mmuñ Hđăp 106:23

Snăn Aê Diê lač Gơ̆ srăng bi rai diñu. Ƀiădah Y-Môis, pô Gơ̆ ruah leh, dôk dơ̆ng plah wah diñu hŏng Aê Diê, čiăng bi weh klei Aê Diê ngêñ, amâo brei bi rai ôh.

Klei Mmuñ Hđăp 78:34

Tơdah Aê Diê bi mdjiê diñu, snăn diñu lŏ tui duah Aê Diê; diñu kmhal kơ klei soh, leh anăn duah Aê Diê hŏng jih ai tiê.

Klei Kbiă 10:17

Ară anei kâo kwưh kơ diih, pap brei klei soh kâo knŏng sa blư̆ anei, leh anăn wah lač bĕ kơ Yêhôwa Aê Diê diih, čiăng kơ Ñu mă hĕ mơ̆ng kâo klei knap mñai djiê anei.”

Klei Kbiă 32:11

Ƀiădah Y-Môis kwưh kơ Yêhôwa Aê Diê ñu, lač, “Ơ Yêhôwa, si ngă klei Ih ngêñ trơ̆ng hŏng phung ƀuôn sang Ih, phung Ih bi kbiă leh mơ̆ng čar Êjip hŏng klei myang prŏng leh anăn hŏng kngan ktang Ih?

Klei Kbiă 32:30

Ti hruê mgi Y-Môis lač kơ phung ƀuôn sang, “Diih ngă leh sa klei soh prŏng. Ară anei kâo srăng đĭ nao kơ Yêhôwa. Năng ai kâo dưi ngă klei bi doh kơ klei soh diih.”

Klei Kbiă 8:28

Pharaôn lač, “Kâo srăng lui diih nao, čiăng kơ diih ngă yang kơ Yêhôwa Aê Diê diih hlăm kdrăn tač, knŏng đăm diih đuĕ kbưi ôh. Wah lač bĕ kơ kâo đa.”

Klei Kbiă 8:4

Ajĭk srăng đĭ truh kơ ih, kơ phung ƀuôn sang ih, leh anăn kơ jih jang phung dĭng buăl ih”’ ”

Klei Kbiă 8:8

Pharaôn iêô Y-Môis leh anăn Y-Arôn, lač, “Kwưh bĕ kơ Yêhôwa čiăng kơ Ñu suôt hĕ ajĭk mơ̆ng kâo leh anăn mơ̆ng phung ƀuôn sang kâo; leh anăn kâo srăng lui phung ƀuôn sang đuĕ nao myơr mnơ̆ng ngă yang kơ Yêhôwa.”

Y-Êsai 26:16

Ơ Yêhôwa, êjai mâo klei knap mñai diñu duah Ih; tơdah Ih mkra diñu, diñu iêô wah lač kơ Ih hŏng jih ai tiê.

Y-Yêrêmi 15:1

Leh anăn Yêhôwa lač kơ kâo, “Wăt tơdah Y-Môis leh anăn Y-Samuel dôk dơ̆ng leh ti anăp Kâo dưn, ăt ai tiê Kâo amâo lŏ wĭt đru phung ƀuôn sang anei. Suôt bĕ diñu mơ̆ng ti anăp Kâo, leh anăn brei diñu đuĕ nao!

Y-Yêrêmi 37:3

Mtao Sêđêkia tiŏ nao Y-Jêhukal anak êkei Y-Sêlêmia leh anăn khua ngă yang Y-Sôphôni anak êkei Y-Maseya kơ khua pô hưn êlâo Y-Yêrêmi lač, “Wah lač kơ Yêhôwa Aê Diê drei đru drei đa.”

Y-Ôsê 5:15

Kâo srăng lŏ wĭt kơ anôk Kâo, tơl diñu tŭ klei soh diñu leh anăn duah ƀô̆ mta Kâo; leh anăn hlăm klei knap mñai diñu, diñu srăng duah Kâo.”

Klei Yap 11:2

Hlăk anăn phung ƀuôn sang ur kơ Y-Môis; Y-Môis wah lač kơ Yêhôwa, leh anăn pui mdei hĕ.

Y-Mathiơ 27:4

“Kâo ngă soh leh jao brei kơ diih êrah Pô amâo soh ôh.” Phung anăn lač, “Ya yuôm klei anăn kơ hmei? Klei anăn bruă ih.”

Bruă Phung Khua Ƀĭng Kna 8:24

Y-Simôn lŏ wĭt lač, “Wah lač bĕ diih pô kơ Khua Yang kyua kâo, čiăng kơ klei diih lač leh amâo truh kơ kâo ôh.”

Hră Y-Pôl Mơĭt kơ Phung Rôm 10:1

Ơ phung ayŏng adei, klei ai tiê kâo čiăng leh anăn klei kâo wah lač kơ Aê Diê kyua phung Israel jing klei čiăng kơ diñu dưi tlaih.

Klei Mtô Mñă Klei Bhiăn 9:20

Leh anăn Yêhôwa ngêñ snăk kơ Y-Arôn tơl păt čiăng bi rai ñu; ƀiădah kâo wah lač kơ Y-Arôn msĕ mơh hlăk anăn.

Y-Yakơ 5:16

Kyua anăn bi hưn bĕ klei soh hdơ̆ng diih, leh anăn đru wah lač hdơ̆ng diih, čiăng kơ diih dưi hlao. Klei sa čô mnuih kpă wah lač mâo klei myang leh anăn klei dưi.

I Y-Samuel 15:24

Y-Sôl lač kơ Y-Samuel, “Kâo ngă soh leh; kyuadah kâo gao leh klei Yêhôwa mtă, leh anăn klei ih blŭ, kyuadah kâo huĭ kơ phung ƀuôn sang leh anăn gưt asăp kơ diñu.

I Y-Samuel 15:30

Y-Sôl wĭt lač, “Kâo ngă soh leh, ƀiădah mpŭ bĕ kơ kâo ară anei ti anăp phung khua mduôn phung ƀuôn sang kâo leh anăn ti anăp phung Israel, leh anăn lŏ hriê bĕ mbĭt hŏng kâo čiăng kơ kâo dưi kkuh mpŭ kơ Yêhôwa Aê Diê ih.”