Klei Yap 21:34 - Klei Aê Diê Blŭ 2015

³⁴ Ƀiădah Yêhôwa lač kơ Y-Môis, “Đăm huĭ kơ ñu ôh, kyuadah Kâo jao ñu leh, leh anăn jih jang phung ƀuôn sang ñu, wăt ala čar ñu hlăm kngan ih; brei ih ngă kơ ñu msĕ si ih ngă leh kơ Y-Sihôn mtao phung Amôrit, pô dôk ti ƀuôn Hêsbôn.”

Klei Yap 21:34 Iomraidhean Croise

II Y-Samuel 5:19

Y-Đawit êmuh kơ Yêhôwa, “Kâo srăng nao bi blah hŏng phung Philistin mơ̆? Ih srăng jao diñu hlăm kngan kâo mơ̆?” Yêhôwa lač kơ Y-Đawit, “Đĭ nao bĕ, kyuadah sĭt nik Kâo srăng jao phung Philistin kơ kngan ih.”

I Bruă Mtao 20:13

Nĕ anei sa čô khua pô hưn êlâo hriê giăm Y-Ahap mtao Israel leh anăn lač, “Snei Yêhôwa lač, Ih ƀuh leh mơ̆ jih jang phung lu lĭn anei? Nĕ anei Kâo srăng jao phung anei hlăm kngan ih hruê anei; leh anăn ih srăng thâo kơ Kâo jing Yêhôwa.”

I Bruă Mtao 20:28

Mâo sa čô mnuih Aê Diê hriê leh anăn lač kơ mtao Israel, “Snei Yêhôwa lač, ‘Kyuadah phung Siri lač leh, “Yêhôwa jing sa čô yang kbuôn ƀiădah ñu amâo jing sa čô yang tlung ôh,” kyuanăn Kâo srăng jao jih phung lu lĭn anei hlăm kngan ih, leh anăn ih srăng thâo kơ Kâo jing Yêhôwa.’ ”

II Bruă Mtao 3:18

Klei anei jing klei ênưih pưih ti anăp ală Yêhôwa; Ñu srăng jao phung Môap hlăm kngan diih msĕ mơh.

Y-Êsai 41:13

Kyuadah Kâo jing Yêhôwa Aê Diê diih, Pô djă kngan hnuă diih, lač kơ diih, ‘Đăm huĭ ôh, kâo srăng đru diih.’

Klei Yap 14:9

Knŏng đăm bi kdơ̆ng hŏng Yêhôwa ôh; leh anăn đăm huĭ ôh kơ mnuih ƀuôn sang hlăm ala čar anăn, kyuadah diñu jing mnơ̆ng ƀơ̆ng huă kơ drei; arăng mă hĕ leh klei mgang mơ̆ng diñu, leh anăn Yêhôwa dôk mbĭt hŏng drei; đăm huĭ kơ diñu ôh.”

Klei Yap 32:4

čar anăn Yêhôwa mblah dưi leh ti anăp phung Israel bi kƀĭn, jing sa boh čar kơ êmô biăp; leh anăn phung dĭng buăl ih mâo lu êmô biăp.”

Klei Mtô Mñă Klei Bhiăn 2:30

Ƀiădah Y-Sihôn mtao ƀuôn Hêsbôn amâo brei hmei găn giăm ñu ôh; kyuadah Yêhôwa Aê Diê ih bi khăng klei mĭn ñu leh anăn bi kjăp ai tiê ñu, čiăng jao ñu hlăm kngan ih, msĕ si truh hruê anei.

Klei Mtô Mñă Klei Bhiăn 20:3

leh anăn srăng lač kơ diñu, ‘Hmư̆ bĕ, Ơ phung Israel, hruê anei diih nao kơ klei bi blah hŏng phung roh diih; đăm brei ai tiê diih jing êdu ôh, đăm huĭ ôh, đăm ktư̆ yơ̆ng amâodah krưp kơ diñu ôh;

Klei Mtô Mñă Klei Bhiăn 3:1

“Hlăk anăn drei wir nao đĭ ktuê êlan ala čar Basan; leh anăn Y-Ôk mtao čar Basan kbiă bi kdơ̆ng hŏng drei, ñu mbĭt hŏng jih jang phung ƀuôn sang ñu čiăng bi blah ti ƀuôn Êdrei.

Klei Mtô Mñă Klei Bhiăn 3:11

(Kyuadah knŏng Y-Ôk mtao čar Basan adôk mơ̆ng găp djuê Rêphaim; nĕ anei jhưng pĭt ñu jing sa boh jhưng pĭt msei; amâo djŏ hĕ ñu dôk ti ƀuôn Raba, ƀuôn prŏng phung Amôn? Boh dlông jhưng anăn mâo dua păn heh, leh anăn găn ñu pă heh, tui si heh arăng mkă).”

Klei Mtô Mñă Klei Bhiăn 31:6

Brei jing ktang leh anăn mđĭ ai bĕ. Đăm huĭ amâodah krưp ôh kơ diñu; kyuadah Yêhôwa, Aê Diê diih yơh nao mbĭt hŏng diih; Ñu amâo srăng lui ih amâodah hngah kơ diih ôh.”

Klei Mtô Mñă Klei Bhiăn 7:17

Tơdah diih lač hlăm ai tiê diih, ‘Phung găp djuê anei prŏng hĭn kơ drei; si drei dưi suôt diñu?’

Klei Mtô Mñă Klei Bhiăn 7:18

đăm huĭ kơ diñu ôh, ƀiădah brei diih hdơr ya Yêhôwa Aê Diê diih ngă leh kơ Pharaôn leh anăn kơ jih čar Êjip,

Klei Mtô Mñă Klei Bhiăn 7:21

Đăm huĭ kơ diñu ôh, kyuadah Yêhôwa Aê Diê diih dôk ti krah diih, Aê Diê prŏng leh anăn mâo klei krưp.

Klei Mtô Mñă Klei Bhiăn 7:24

Leh anăn Ñu srăng jao phung mtao diñu hlăm kngan diih, leh anăn diih srăng lăm lĕ anăn diñu ti gŭ adiê; amâo mâo sa čô srăng dưi dôk bi kdơ̆ng hŏng diih ôh, tơl diih bi rai diñu jih.

Y-Yôsuê 10:25

Y-Yôsuê lač kơ diñu, “Đăm huĭ amâodah êdu ai ôh; brei diih jing ktang leh anăn jhŏng; kyuadah snei yơh Yêhôwa srăng ngă hŏng jih jang phung roh diih, hŏng phung diih bi blah.”

Y-Yôsuê 10:8

Yêhôwa lač kơ Y-Yôsuê, “Đăm huĭ kơ diñu ôh, kyuadah Kâo jao leh diñu hlăm kngan ih; amâo mâo sa čô hlăm phung diñu dưi bi kdơ̆ng hŏng ih ôh.”

Y-Yôsuê 8:7

Hlăk anăn brei diih kbiă mơ̆ng anôk diih kăp, leh anăn plah mă ƀuôn; kyuadah Yêhôwa Aê Diê diih srăng jao ƀuôn anăn hlăm kngan diih.

Phung Khua Phat Kđi 11:30

Y-Jêptê ngă klei ƀuăn kơ Yêhôwa, lač, “Tơdah Ih srăng jao phung Amôn hlăm kngan kâo,

I Y-Samuel 23:4

Snăn Y-Đawit lŏ êmuh kơ Yêhôwa. Leh anăn Yêhôwa lŏ wĭt lač kơ ñu, “Kgŭ bĕ trŭn nao kơ ƀuôn Keila, kyuadah Kâo srăng jao phung Philistin hlăm kngan ih.”