Klei Yap 20:8 - Klei Aê Diê Blŭ 2015

⁸ “Mă bĕ giê leh anăn bi kƀĭn bĕ phung ƀuôn sang, ih leh anăn Y-Arôn ayŏng ih, leh anăn blŭ kơ boh tâo ti anăp ală diñu čiăng gơ̆ ƀlĕ êa; snăn ih srăng bi kbiă êa kơ diñu mơ̆ng boh tâo; ih srăng brei phung bi kƀĭn leh anăn hlô mnơ̆ng diñu rông mnăm.”

Klei Yap 20:8 Iomraidhean Croise

Klei Mphŭn Dơ̆ng 18:14

Mâo mơ̆ sa mta klei dleh đei tơl Khua Yang amâo dưi ngă ôh? Tui si yan bi kčah leh Kâo srăng lŏ hriê kơ ih thŭn êdei, leh anăn H'Sara srăng mâo sa čô anak êkei.”

Y-Nêhêmi 9:15

Ih brei leh kơ diñu kpŭng mơ̆ng adiê kyua klei diñu êpa, leh anăn bi ƀlĕ êa kơ diñu mơ̆ng boh tâo kyua klei diñu mhao, leh anăn Ih hưn kơ diñu brei mŭt mă bha čar Ih kat asei leh čiăng brei kơ diñu.

Klei Mmuñ Hđăp 105:41

Yêhôwa bi kđang boh tâo, leh anăn êa bluh ti tač; êa đoh găn kdrăn tač msĕ si êa krông.

Klei Mmuñ Hđăp 114:8

Pô mbliư̆ boh tâo jing êa ênao, brei boh tâo khăng jing akŏ êa.

Klei Mmuñ Hđăp 33:9

Kyuadah Ñu blŭ, snăn mâo mnơ̆ng; Ñu mtă, snăn gơ̆ jing kjăp.

Klei Kbiă 14:16

Bi ih, yơr bĕ giê ih, yơr kngan ih phă êa ksĭ leh anăn bi mbha ñu, čiăng kơ phung ƀuôn sang Israel dưi găn ti krah êa ksĭ ti lăn thu.

Klei Kbiă 17:9

Y-Môis lač kơ Y-Yôsuê, “Ruah bĕ đa đa êkei, nao bi blah bĕ hŏng phung Amalek. Mgi kâo srăng dôk dơ̆ng ti dlông kbuôn djă giê Aê Diê.”

Klei Kbiă 4:17

Brei ih djă ba giê dra anei. Hŏng giê dra anei ih srăng ngă jih klei bi knăl.”

Klei Kbiă 4:2

Yêhôwa lač kơ ñu, “Ya ih mâo hlăm kngan ih?” Ñu lač, “Sa ƀĕ giê dra.”

Klei Kbiă 4:20

Snăn Y-Môis mă mô̆ ñu leh anăn phung anak êkei ñu, brei digơ̆ đĭ aseh dliê, leh anăn lŏ wĭt kơ čar Êjip. Ñu djă ba hlăm kngan ñu giê dra Aê Diê.

Klei Kbiă 7:20

Y-Môis leh anăn Y-Arôn ngă tui si Yêhôwa mtă. Ñu yơr giê leh anăn čăm êa hlăm êa krông Nil ti anăp ală Pharaôn leh anăn phung dĭng buăl ñu; leh anăn jih jang êa hlăm êa krông Nil bi mlih jing êrah.

Y-Êsai 43:20

Jih jang hlô dliê srăng mpŭ kơ Kâo, asâo tan leh anăn čĭm ôtrus, kyuadah Kâo brei êa hlăm dliê êhŏng, leh anăn êa krông đoh hlăm kdrăn tač, čiăng brei êa mnăm kơ phung ƀuôn sang Kâo ruah leh,

Y-Êsai 48:21

Digơ̆ amâo mhao ôh tơdah ñu atăt digơ̆ găn kdrăn tač; ñu brei êa ƀlĕ kơ digơ̆ mơ̆ng boh tâo. Ñu blah boh tâo, leh anăn êa ƀlĕ bluh kơ tač.

Klei Yap 20:11

Y-Môis yơr kngan ñu leh anăn čăm boh tâo dua blư̆ hŏng giê ñu, leh anăn êa kbiă êbeh dlai. Phung bi kƀĭn mnăm êa, wăt hlô mnơ̆ng diñu rông.

Klei Yap 20:7

Yêhôwa lač kơ Y-Môis,

Klei Yap 21:15

leh anăn hang tlung truh kơ knông Ar, leh anăn sô̆ hŏng knông ala čar Môap.”

Klei Yap 21:18

Kbăng êa phung anak mtao klei leh, phung khua prŏng hlăm phung ƀuôn sang klei leh, hŏng giê mtao leh anăn hŏng giê dra diñu.” Mơ̆ng kdrăn tač diñu hlŏng nao kơ Matana;

Y-Mathiơ 21:21

Yêsu lŏ wĭt lač kơ diñu, “Sĭt nik Kâo lač kơ diih, tơdah diih mâo klei đăo leh anăn amâo đing ôh, amâo djŏ ôh knŏng diih dưi ngă snăn kơ ana boh hra, ƀiădah tơdah diih lač kơ čư̆ anei, ‘Đuĕ bĕ leh anăn kdâo hlăm êa ksĭ,’ wăt klei anăn srăng truh mơh.

Y-Luk 11:13

Tơdah diih jing phung jhat thâo brei mnơ̆ng jăk kơ phung anak diih, kdlưn hĭn kơ anăn mơh Ama hlăm adiê srăng brei Yang Mngăt Jăk kơ hlei pô akâo kơ Ñu.”

Y-Yôhan 16:24

Truh kơ ară anei diih ka akâo ôh sa klei hlăm anăn Kâo. Akâo bĕ, leh anăn diih srăng mă tŭ, čiăng kơ klei hơ̆k mơak diih srăng jing klă ênŭm.”

Bruă Phung Khua Ƀĭng Kna 1:14

Jih jang phung anăn sa ai dôk wah lač, mbĭt hŏng phung mniê, mbĭt hŏng H'Mari amĭ Yêsu, leh anăn hŏng phung ayŏng adei Yêsu.

Y-Yôsuê 6:20

Hlăk anăn phung ƀuôn sang ur driâo, leh anăn phung khua ngă yang ayŭ ki. Tơdah phung ƀuôn sang hmư̆ asăp ki, diñu ur driâo kraih ktang, leh anăn mnư̆ klưh, snăn phung ƀuôn sang đĭ mŭt hlăm ƀuôn, grăp čô phă anăp ñu pô, leh anăn diñu mă ƀuôn.

Y-Yôsuê 6:5

Tơdah diñu ayŭ ki ktang leh anăn sui, tơdah diih hmư̆ asăp ki, brei jih jang phung ƀuôn sang ur driâo kraih ktang; hlăk anăn mnư̆ ƀuôn anăn srăng klưh, leh anăn phung ƀuôn sang srăng đĭ grăp čô phă anăp ñu pô.”

Klei Bi Êdah 22:1

Leh anăn dĭng buăk jăk ktrâo kơ kâo êa krông klei hdĭp, mngač msĕ si ală kĭng, kbiă đoh mơ̆ng jhưng mtao Aê Diê leh anăn Êđai Biăp,

Klei Bi Êdah 22:17

Yang Mngăt Jăk leh anăn Mô̆ lač, “Hriê bĕ.” Leh anăn brei hlei pô hmư̆ lač, “Hriê bĕ.” Leh anăn hlei pô mhao brei ñu hriê, hlei pô čiăng brei ñu mă tŭ hơăi mang êa hdĭp.