Klei Yap 20:6 - Klei Aê Diê Blŭ 2015

⁶ Y-Môis leh anăn Y-Arôn đuĕ mơ̆ng phung bi kƀĭn nao kơ ƀăng bhă sang čhiăm klei bi kƀĭn, leh anăn kŭp ƀô̆ diñu ti lăn. Leh anăn klei guh kơang Yêhôwa bi êdah kơ diñu.

Klei Yap 20:6 Iomraidhean Croise

I Klei Yăl Dliê 21:16

Y-Đawit kngưr ală ñu ƀuh dĭng buăl jăk Yêhôwa dôk dơ̆ng plah wah lăn hŏng adiê, kngan gơ̆ djă đao gưm yơr leh ti dlông ƀuôn Yêrusalem. Hlăk anăn Y-Đawit leh anăn phung khua mduôn hơô klŭng buôn kŭp ƀô̆ diñu ti lăn.

Klei Kbiă 16:10

Êjai Y-Arôn blŭ kơ jih jang phung bi kƀĭn ƀuôn sang Israel, diñu dlăng phă kdrăn tač, leh anăn nĕ anei, klei guh kơang Yêhôwa bi êdah hlăm knam.

Klei Kbiă 17:4

Snăn Y-Môis ur kơ Yêhôwa, “Ya kâo srăng ngă kơ phung ƀuôn sang anei? Diñu păt čiăng bhĭr kâo hŏng boh tâo yơh.”

Klei Yap 12:5

Yêhôwa trŭn hriê hlăm kmeh knam leh anăn dôk ti ƀăng bhă sang čhiăm, iêô Y-Arôn leh anăn H'Miriam; leh anăn jih dua diñu nao phă anăp.

Klei Yap 14:10

Ƀiădah jih jang phung bi kƀĭn trông čhai čiăng bhĭr diñu hŏng boh tâo. Hlăk anăn klei guh kơang Yêhôwa bi êdah ti sang čhiăm klei bi kƀĭn kơ jih jang phung ƀuôn sang Israel.

Klei Yap 14:5

Hlăk anăn Y-Môis leh anăn Y-Arôn buôn kŭp ƀô̆ ti lăn ti anăp jih jang phung ƀuôn sang Israel bi kƀĭn.

Klei Yap 16:19

Leh anăn Y-Kôrê bi kƀĭn jih jang phung ƀuôn sang bi kdơ̆ng hŏng digơ̆ ti ƀăng bhă sang čhiăm klei bi kƀĭn. Leh anăn klei guh kơang Yêhôwa bi êdah kơ jih jang phung bi kƀĭn.

Klei Yap 16:22

Digơ̆ kŭp ƀô̆ ti lăn leh anăn lač, “Ơ Aê Diê, Aê Diê kơ mngăt jih jang kđeh, sa čô mnuih ngă soh leh anăn Ih srăng ngêñ wăt kơ jih jang phung bi kƀĭn mơ̆?”

Klei Yap 16:4

Tơdah Y-Môis hmư̆ klei anăn ñu kŭp ƀô̆ ti lăn,

Klei Yap 16:42

Leh anăn tơdah phung ƀuôn sang bi kƀĭn leh čiăng bi kdơ̆ng hŏng diñu Y-Môis leh anăn Y-Arôn, wir phă sang čhiăm klei bi kƀĭn; leh anăn nĕ anei, knam guôm hĕ sang čhiăm leh anăn klei guh kơang Yêhôwa bi êdah.

Klei Yap 16:45

“Đuĕ bĕ mơ̆ng krah phung bi kƀĭn anei, čiăng Kâo dưi čuh diñu sa blư̆ mtam.” Digơ̆ kŭp ƀô̆ ti lăn.

Klei Yap 20:7

Yêhôwa lač kơ Y-Môis,

Y-Mathiơ 26:39

Yêsu nao kbưi ƀiă, buôn kŭp ƀô̆ ti lăn, leh anăn wah lač, “Ơ Ama Kâo, tơdah dưi, mă mđuĕ hĕ atŏ anei mơ̆ng Kâo; amâo djŏ tui si Kâo čiăng ôh, ƀiădah tui si Ih čiăng.”

Y-Yôsuê 7:6

Y-Yôsuê hiêk čhiăm ao ñu leh anăn kŭp ƀô̆ ti lăn ti anăp hip Yêhôwa tơl tlam, ñu leh anăn phung khua mduôn Israel. Diñu ƀui ƀruih lăn ti boh kŏ diñu.