Klei Yap 20:5 - Klei Aê Diê Blŭ 2015

⁵ Leh anăn si ngă ih brei hmei kbiă leh mơ̆ng čar Êjip, čiăng atăt hmei kơ anôk jhat anei? Anei amâo djŏ anôk dưi buh mdiê, pla ana boh hra, pla phŭn boh kriăk ƀâo, pla ana boh pom granat ôh; leh anăn amâo mâo êa mnăm ôh?”

Klei Yap 20:5 Iomraidhean Croise

Y-Nêhêmi 9:21

Êjai pă pluh thŭn Ih pioh diñu hdĭp hlăm kdrăn tač, leh anăn diñu amâo kƀah sa mta mnơ̆ng ôh; čhiăm ao diñu amâo sô ôh, leh anăn jơ̆ng diñu amâo bŏk ôh.

Y-Yêrêmi 2:2

“Nao hưn bĕ kơ knga phung ƀuôn Yêrusalem, snei Yêhôwa lač: ‘Kâo hdơr kơ klei jăk ih êjai ih hlăk ai, kơ klei ih khăp êjai jing sa čô mniê bi čuôp leh, kơ klei ih tui hlue Kâo leh hlăm kdrăn tač, hlăm čar arăng amâo tuôm rah mjeh ôh.

Y-Yêrêmi 2:6

Diñu amâo lač ôh, ‘Ti anôk Yêhôwa dôk, Pô atăt drei leh kbiă mơ̆ng čar Êjip, Pô atăt drei hlăm dliê hlăm čar kdrăn tač leh anăn mâo lu ƀăng êlam, hlăm čar thu krô leh anăn mmăt kpal, hlăm čar amâo mâo pô tuôm găn ôh, anôk amâo mâo mnuih dôk ôh?’

Y-Êsêkiêl 20:36

Msĕ si Kâo phat kđi leh phung aê diih hlăm kdrăn tač čar Êjip, msĕ snăn mơh Kâo srăng phat kđi diih,’ Yêhôwa Aê Diê lač.

Klei Yap 16:14

Leh anăn ih amâo atăt hmei mŭt ôh hlăm sa boh čar mâo mnơ̆ng ƀơ̆ng huă mnăm êbeh dlai, kăn brei rei kơ hmei hma leh anăn phŭn boh kriăk ƀâo jing ngăn dưn. Ih srăng ƀlêč mơ̆ ală phung hmei. Hmei amâo srăng nao ôh.”

Klei Yap 20:24

“Y-Arôn srăng djiê leh anăn nao dôk mbĭt hŏng phung aê ñu; ñu amâo dưi mŭt ôh hlăm čar Kâo brei leh kơ phung ƀuôn sang Israel, kyuadah diih bi kdơ̆ng leh hŏng klei Kâo mtă ti êa Mêriba.

Klei Yap 27:14

kyuadah ih bi kdơ̆ng leh hŏng klei Kâo blŭ hlăm kdrăn tač Sin êjai phung bi kƀĭn bi kdơ̆ng hŏng Kâo, kyuadah ih amâo mpŭ kơ klei doh jăk Kâo ôh ti êa ti anăp ală diñu.” (Anăn jing êa Mêriba ti Kadês hlăm kdrăn tač Sin).

Klei Mtô Mñă Klei Bhiăn 8:15

Pô atăt diih leh hlăm kdrăn tač prŏng leh anăn bi krưp, mâo ala pui leh anăn aguăt, leh anăn lăn thu amâo mâo êa ôh, Pô bi ƀlĕ brei êa kơ diih mơ̆ng boh tâo khăng,