21 Snăn Êđôm hngah amâo brei phung Israel găn ala čar ñu ôh; leh anăn phung Israel wir đuĕ mơ̆ng ñu.
Nĕ anei, phung Amôn, phung Môap, leh anăn phung čư̆ Sêir, phung Ih amâo brei ôh phung Israel mŭt bi blah êjai digơ̆ kbiă mơ̆ng čar Êjip, phung anăn digơ̆ amâo čiăng bi tuôm leh anăn amâo bi rai ôh —
Ƀiădah Y-Sihôn amâo brei ôh Israel găn ala čar ñu. Ñu bi kƀĭn jih jang phung ƀuôn sang ñu leh anăn kbiă bi kdơ̆ng hŏng phung Israel hlăm kdrăn tač, leh anăn ñu hriê kơ ƀuôn Jahas leh anăn bi blah hŏng Israel.
Mơ̆ng čư̆ Hor diñu đuĕ nao hlue êlan Êa Ksĭ Hrah čiăng dar ala čar Êđôm. Ti krah êlan phung ƀuôn sang amâo lŏ dưi gĭr ôh.
‘Brei kâo găn čar ih; kâo srăng nao knŏng ktuê êlan, kâo amâo srăng weh kơ hnuă, kăn weh kơ điâo rei.
msĕ si phung anak čô Êsâo dôk hlăm čar Sêir leh anăn phung Môap dôk hlăm čar Ar ngă leh kơ kâo, tơl kâo găn êa krông Yurdan mŭt čar Yêhôwa Aê Diê hmei brei kơ hmei.’
Đăm bi êmut kheh ôh kơ sa čô Êđôm, kyuadah ñu jing ayŏng adei diih. Đăm bi êmut kheh ôh kơ sa čô Êjip, kyuadah diih jing leh pô dôk jưh bhiâo hlăm ala čar ñu.
Hlăk anăn phung Israel tiŏ nao mnuih kơ mtao čar Êđôm, lač, ‘Hmei akâo kơ ih, brei hmei găn čar ih.’ Ƀiădah mtao čar Êđôm amâo brei ôh. Diñu tiŏ nao mnuih msĕ mơh kơ mtao čar Môap, ƀiădah ñu amâo tŭ ôh. Snăn phung Israel ăt dôk ti ƀuôn Kadês.
Leh anăn diñu hiu găn kdrăn tač leh anăn nao dar čar Êđôm leh anăn čar Môap leh anăn truh tĭng ngŏ čar Môap, leh anăn jưh tĭng nah dưr êa krông Arnôn, ƀiădah diñu amâo mŭt ôh hlăm čar Môap, kyuadah êa krông Arnôn jing kdriêl lăn čar Môap.
Amâo djŏ hĕ ih srăng mă ya yang Čhêmôs ih brei kơ ih mă bha? Leh anăn hmei srăng mă bha jih jang čar Yêhôwa, Aê Diê hmei suôt leh phung dôk tinăn.