Klei Yap 20:13 - Klei Aê Diê Blŭ 2015

¹³ Anei jing êa Mêriba, tinăn phung ƀuôn sang Israel bi tăng hŏng Yêhôwa, leh anăn Yêhôwa bi êdah Ñu pô jing doh jăk ti krah diñu.

Klei Yap 20:13 Iomraidhean Croise

Klei Mmuñ Hđăp 81:7

Diih ur leh hlăm klei knap mñai, leh anăn Kâo bi mtlaih diih leh; Kâo lŏ wĭt lač leh kơ diih mơ̆ng anôk hgăm grăm dôk; Kâo lông dlăng diih leh ti êa Mêriba. (Sêla)

Klei Mmuñ Hđăp 81:8

Mđing knga bĕ, Ơ phung buôn sang Kâo, êjai Kâo brei diih răng; Ơ phung Israel, čiăng snăk kơ diih dôk hmư̆ Kâo!

Klei Mmuñ Hđăp 95:8

đăm bi khăng ai tiê diih ôh msĕ si ti Mêriba, msĕ si ti hruê diih dôk ti Masa hlăm kdrăn tač.

Klei Kbiă 17:7

Ñu pia anôk anăn Masa leh anăn Mêriba, kyuadah phung ƀuôn sang Israel ăl leh anăn lông dlăng Yêhôwa, lač, “Yêhôwa dôk ti krah phung drei hĕ amâodah hơăi?”

Y-Êsai 5:16

Ƀiădah Yêhôwa kơ phung kahan mâo klei mdĭ kyua klei kpă, leh anăn Aê Diê Doh Jăk srăng bi êdah Ñu pô doh jăk hlăm klei kpă ênô.

Y-Êsêkiêl 20:41

Kâo srăng tŭ diih msĕ si mnơ̆ng ƀâo mngưi, tơdah Kâo atăt diih kbiă mơ̆ng phung găp djuê mkăn, leh anăn bi kƀĭn diih mơ̆ng čar diih bra đuĕ leh; leh anăn Kâo srăng bi êdah klei doh jăk Kâo ti krah diih ti anăp ală phung găp djuê mnuih.

Y-Êsêkiêl 36:23

Kâo srăng bi êdah klei doh jăk Anăn prŏng Kâo bi čhŏ leh ti krah phung găp djuê mnuih, diih yơh bi čhŏ leh ti krah digơ̆; leh anăn phung găp djuê mnuih srăng thâo Kâo jing Yêhôwa, Yêhôwa Aê Diê lač, tơdah hŏng diih Kâo bi êdah klei doh jăk Kâo ti anăp ală diñu.

Y-Êsêkiêl 38:16

diih srăng hriê bi kdơ̆ng hŏng phung ƀuôn sang Kâo Israel msĕ si knam guôm čar. Hlăm ênuk knhal tuč, Ơ Y-Gôk Kâo srăng atăt diih ngă kơ čar Kâo, čiăng kơ phung găp djuê mnuih dưi thâo kral Kâo, tơdah, hŏng ih Kâo bi êdah klei doh jăk Kâo ti anăp ală diñu.’

Klei Mtô Mñă Klei Bhiăn 32:51

kyuadah ih ngă soh leh hŏng Kâo ti krah phung ƀuôn sang Israel ti êa Mêriba giăm Kadês hlăm kdrăn tač Sin; kyuadah ih amâo mâo mpŭ kơ Kâo jing doh jăk ôh ti krah phung ƀuôn sang Israel.

Klei Mtô Mñă Klei Bhiăn 33:8

Ñu lač klei djŏ kơ Lêwi: “Brei Thumim ih, leh anăn Urim Ih kơ pô doh jăk Ih, pô Ih lông dlăng leh ti Masa, pô Ih bi tăng leh ti êa Mêriba;