Klei Yap 19:18 - Klei Aê Diê Blŭ 2015

¹⁸ leh anăn sa čô mnuih doh srăng mă hla hisôp leh anăn đrŭt gơ̆ hlăm êa anăn, leh anăn hƀrah gơ̆ ti dlông sang čhiăm, ti dlông jih jang mnơ̆ng yua, ti dlông mnuih dôk tinăn, ti dlông pô ruêh leh klang amâodah mnuih arăng koh leh, amâodah atâo, amâodah msat.

Klei Yap 19:18 Iomraidhean Croise

Klei Mmuñ Hđăp 51:7

Bi doh kâo hŏng rơ̆k hisôp leh anăn kâo srăng jing doh; rao kâo, leh anăn kâo srăng jing kô̆ hĭn kơ pliêr.

Klei Mmuñ Hđăp 51:9

Đăm lŏ dlăng kơ klei soh kâo ôh, leh anăn lăm hĕ jih klei wê kâo.

Y-Êsai 52:15

msĕ snăn yơh Ñu srăng bi kngăr lu phung găp djuê mnuih; kyua Ñu phung mtao srăng kđhĭp ƀăng êgei digơ̆. Kyuadah digơ̆ srăng ƀuh klei arăng amâo tuôm yăl dliê kơ digơ̆ ôh, leh anăn digơ̆ srăng thâo săng klei digơ̆ amâo tuôm hmư̆ ôh.

Klei Yap 19:17

Kơ pô jing čhŏ leh arăng srăng mă đa đa hbâo mnơ̆ng myơr čuh kyua klei soh, leh anăn srăng mă thiăm êa dôk đoh hlăm sa boh čeh;

Klei Yap 19:19

Pô doh srăng hƀrah ti dlông pô čhŏ ti hruê tal tlâo leh anăn ti hruê tal kjuh; snăn ti hruê tal kjuh ñu srăng bi doh gơ̆, leh gơ̆ boh čhiăm ao gơ̆, leh anăn mnei hlăm êa, ti tlam gơ̆ srăng jing doh.

Klei Yap 19:9

Sa čô êkei doh srăng kuĕ mă hbâo êmô ana êra leh anăn dưm hbâo anăn ti êngao wăl hlăm anôk doh; arăng srăng pioh hbâo anăn kơ phung ƀuôn sang Israel bi kƀĭn pioh kơ êa kơ klei bi doh, čiăng lăm klei soh.

Y-Yôhan 17:17

Bi doh jăk diñu hŏng klei sĭt nik; klei Ih blŭ jing klei sĭt nik.

Y-Yôhan 17:19

Leh anăn kyua diñu Kâo bi doh Kâo pô, čiăng kơ diñu msĕ mơh mâo klei bi doh hlăm klei sĭt nik.

I Kôrantô 1:30

Aê Diê jing akŏ klei hdĭp diih hlăm Krist Yêsu, Pô Aê Diê mjing leh kơ drei klei thâo mĭn, klei kpă ênô, klei doh jăk, leh anăn klei bi tui.

Hêbrơ 9:14

kdlưn hĭn kơ anăn êrah Krist, Pô myơr Ñu pô hŏng Yang Mngăt Jăk hlŏng lar kơ Aê Diê amâo mâo klei čhŏ ôh, dưi bi doh ai tiê kpă diih mơ̆ng bruă atăt kơ klei djiê, čiăng mă bruă kơ Aê Diê hdĭp.

Hêbrơ 9:19

Kyuadah leh Y-Môis hưn jih jang klei mtă hlăm klei bhiăn kơ jih jang phung ƀuôn sang, ñu mă êrah êđai êmô bê knô mbĭt hŏng êa, mlâo biăp hrah, leh anăn hla hisôp, leh anăn ñu hƀrah ti hdruôm hră wăt ti jih jang phung ƀuôn sang êjai lač,