Klei Yap 19:13 - Klei Aê Diê Blŭ 2015

¹³ Hlei pô ruêh asei mlei sa čô mnuih djiê leh, leh anăn amâo bi doh ñu pô ôh, bi čhŏ sang čhiăm Yêhôwa; pô anăn brei arăng khăt hĕ mơ̆ng phung Israel; kyuadah êa kơ klei bi doh amâo tuôm hƀrah ti dlông ñu ôh, ñu srăng jing čhŏ; klei čhŏ ñu ăt dôk ti ñu.

Klei Yap 19:13 Iomraidhean Croise

Klei Kbiă 30:33

Hlei pô ngă msĕ, amâodah hlei pô dưm gơ̆ ti sa čô mnuih mkăn, brei arăng ktlah hĕ ñu mơ̆ng găp djuê Israel.’ ”

Klei Bi Hriêng 14:32

Mnuih ƀai dlưh kyua klei soh ñu pô ngă, ƀiădah mnuih kpă ênô wăt hlăk ñu djiê ăt mâo anôk đuĕ dăp.

Y-Êsêkiêl 44:26

Leh bi doh ñu pô, brei ñu dôk guôn êjai kjuh hruê.

Bruă Lêwi 15:31

Snăn brei diih bi ktlah phung ƀuôn sang Israel mơ̆ng klei bi čhŏ diñu, huĭdah diñu djiê hlăm klei čhŏ anăn hŏng klei bi čhŏ sang čhiăm Kâo dôk ti krah diñu.”

Bruă Lêwi 20:3

Kâo pô yơh srăng bi kdơ̆ng hŏng pô anăn, leh anăn Kâo srăng khăt hĕ ñu mơ̆ng krah phung ƀuôn sang ñu, kyuadah ñu jao leh sa čô hlăm phung anak ñu kơ yang Môlok, bi čhŏ leh adŭ doh jăk Kâo leh anăn bi msoh anăn doh jăk Kâo.

Bruă Lêwi 22:3

Lač bĕ kơ diñu, ‘Tơdah sa čô hlăm jih jang phung anak čô diih hlăm jih jang ênuk diih nao giăm kơ mnơ̆ng doh jăk phung ƀuôn sang Israel myơr kơ Yêhôwa êjai ñu mâo klei čhŏ, pô anăn brei arăng khăt hĕ mơ̆ng anăp Kâo. Kâo jing Yêhôwa.

Bruă Lêwi 22:4

Amâo mâo sa čô mơ̆ng găp djuê Y-Arôn djŏ phŭng amâodah mâo klei bi ƀlĕ dưi ƀơ̆ng mnơ̆ng doh jăk ôh tơl ñu jing doh. Hlei pô ruêh sa mnơ̆ng čhŏ kyua sô̆ hŏng mnuih djiê amâodah ƀlĕ êa ktăk,

Bruă Lêwi 5:17

Tơdah sa čô ngă soh êjai ngă sa klei Yêhôwa mtă leh amâo brei ngă ôh, wăt tơdah ñu amâo thâo ôh klei anăn, ƀiădah ñu jing soh leh, leh anăn srăng klam klei soh ñu pô.

Bruă Lêwi 5:3

Tơdah ñu ruêh mnơ̆ng čhŏ mơ̆ng mnuih, amâo yŏng thâo ôh, thâodah ya mnơ̆ng amâo doh bi čhŏ leh ñu, tơdah klei anăn bi êdah kơ ñu, ñu srăng jing soh.

Bruă Lêwi 5:6

leh anăn brei ñu ba mnơ̆ng myơr kơ klei gao klei bhiăn kơ Yêhôwa kyua klei soh ñu ngă leh, sa drei ana biăp amâodah bê, jing mnơ̆ng myơr kyua klei soh. Leh anăn khua ngă yang srăng ngă klei bi doh klei soh ñu.

Bruă Lêwi 7:20

ƀiădah pô ƀơ̆ng kđeh mnơ̆ng ngă yang myơr kơ klei êđăp ênang kơ Yêhôwa êjai mâo klei čhŏ mrŏ ti ñu, pô anăn brei arăng khăt hĕ mơ̆ng phung ƀuôn sang ñu.

Bruă Lêwi 7:21

Leh anăn tơdah arăng ruêh sa mnơ̆ng amâo doh, thâodah mnuih amâo doh, hlô amâo doh, amâodah sa mnơ̆ng mkăn Yêhôwa bi êmut amâo doh, leh anăn srăng ƀơ̆ng kđeh mnơ̆ng ngă yang myơr kơ klei êđăp ênang, pô anăn brei arăng khăt hĕ mơ̆ng phung ƀuôn sang ñu.”

Klei Yap 15:30

Ƀiădah pô ngă hŏng klei čiăng bi kdơ̆ng, thâodah ñu jing mnuih ƀuôn sang pô amâodah pô dôk jưh bhiâo, dlao wač kơ Yêhôwa, pô anăn brei arăng khăt hĕ mơ̆ng krah phung ƀuôn sang ñu.

Klei Yap 19:14

Anei jing klei bhiăn tơdah sa čô mnuih djiê hlăm sang čhiăm: grăp čô hlei pô mŭt hlăm sang čhiăm, leh anăn grăp čô hlei pô dôk hlăm sang čhiăm srăng jing čhŏ êjai kjuh hruê.

Klei Yap 19:18

leh anăn sa čô mnuih doh srăng mă hla hisôp leh anăn đrŭt gơ̆ hlăm êa anăn, leh anăn hƀrah gơ̆ ti dlông sang čhiăm, ti dlông jih jang mnơ̆ng yua, ti dlông mnuih dôk tinăn, ti dlông pô ruêh leh klang amâodah mnuih arăng koh leh, amâodah atâo, amâodah msat.

Klei Yap 19:19

Pô doh srăng hƀrah ti dlông pô čhŏ ti hruê tal tlâo leh anăn ti hruê tal kjuh; snăn ti hruê tal kjuh ñu srăng bi doh gơ̆, leh gơ̆ boh čhiăm ao gơ̆, leh anăn mnei hlăm êa, ti tlam gơ̆ srăng jing doh.

Klei Yap 19:20

Ƀiădah mnuih jing čhŏ leh, leh anăn amâo bi doh ñu pô ôh, pô anăn brei arăng khăt hĕ mơ̆ng krah phung bi kƀĭn, kyuadah ñu bi čhŏ leh adŭ doh jăk Yêhôwa; kyuadah êa kơ klei bi doh arăng amâo tuôm hƀrah ôh ti dlông ñu, ñu jing čhŏ.

Klei Yap 19:9

Sa čô êkei doh srăng kuĕ mă hbâo êmô ana êra leh anăn dưm hbâo anăn ti êngao wăl hlăm anôk doh; arăng srăng pioh hbâo anăn kơ phung ƀuôn sang Israel bi kƀĭn pioh kơ êa kơ klei bi doh, čiăng lăm klei soh.

Klei Yap 8:7

Snei brei ih ngă kơ diñu čiăng bi doh diñu: hƀrah êa klei bi doh ti dlông diñu, brei diñu kuêh jih jang mlâo asei mlei diñu, boh čhiăm ao diñu, leh anăn bi doh diñu pô.

Klei Yap 9:13

Ƀiădah pô jing doh leh anăn amâo hiu anôk kbưi, ƀiădah amâo hdơr pioh ôh Knăm Klei Găn, pô anăn arăng srăng khăt hĕ mơ̆ng phung ƀuôn sang ñu, kyuadah ñu amâo tuôm myơr mnơ̆ng myơr kơ Yêhôwa ôh ti hruê bi kčah leh; mnuih anăn srăng klam klei soh ñu.

Y-Yôhan 8:24

Kâo hưn leh kơ diih srăng djiê hlăm klei soh diih; kyuadah diih srăng djiê hlăm klei soh diih tơdah diih amâo đăo ôh klei Kâo jing Pô Kâo Jing.”

Hêbrơ 10:29

Ya klei phat kđi ktang hĭn diih mĭn srăng năng truh kơ pô juă leh Anak Aê Diê, bi čhŏ êrah klei bi mguôp bi doh ñu leh, leh anăn dlao wač kơ Yang Mngăt Jăk klei pap?

Hêbrơ 9:10

Ƀiădah mnơ̆ng anăn knŏng blŭ djŏ kơ mnơ̆ng ƀơ̆ng huă, mnơ̆ng mnăm, leh anăn klei bi doh mdê mdê, klei bhiăn djŏ kơ kđeh tơl truh ênuk klei bi mlih mrâo.

Klei Bi Êdah 21:8

Ƀiădah bi kơ phung blao, phung amâo đăo ôh, phung čhŏ mrŏ, phung bi mdjiê mnuih, phung knhông, phung mjâo, phung kkuh mpŭ kơ rup yang, leh anăn jih jang phung luar, anôk pioh kơ diñu srăng jing ênao pui hlơr leh anăn boh tâo pui. Anôk anăn jing klei djiê tal dua.”

Klei Bi Êdah 22:11

Brei pô ngă klei wê, ăt ngă klei wê; leh anăn pô čhŏ, brei ñu ăt jing čhŏ; pô jing kpă, brei ñu ăt ngă klei kpă; leh anăn pô jing doh jăk, brei ñu ăt jing doh jăk.”

Klei Bi Êdah 22:15

Ti êngao ƀuôn anăn mâo phung asâo, phung mjâo, phung knhông, phung bi mdjiê mnuih, phung kkuh mpŭ kơ rup yang, leh anăn grăp čô khăp leh anăn ngă klei luar.