Klei Yap 18:8 - Klei Aê Diê Blŭ 2015

⁸ Yêhôwa lač kơ Y-Arôn, “Nĕ anei Kâo brei leh kơ ih ya mnơ̆ng pioh leh mơ̆ng mnơ̆ng arăng myơr kơ Kâo, jih jang mnơ̆ng phung ƀuôn sang Israel pioh brei leh; Kâo brei leh dŏ anăn jing kdrêč kơ ih leh anăn kơ phung anak êkei ih, jing klei djŏ dôk nanao.

Klei Yap 18:8 Iomraidhean Croise

II Bruă Mtao 12:16

Prăk arăng myơr kyua klei jing soh leh, leh anăn prăk myơr kyua klei soh, arăng amâo ba kơ sang Yêhôwa ôh; prăk anăn pioh kơ phung khua ngă yang.

II Klei Yăl Dliê 31:4

Ñu lŏ mtă kơ phung ƀuôn sang dôk hlăm ƀuôn Yêrusalem brei myơr kdrêč djŏ kơ phung khua ngă yang leh anăn kơ phung Lêwi, čiăng kơ digơ̆ dưi jao kluôm digơ̆ pô kơ klei bhiăn Yêhôwa.

II Klei Yăl Dliê 31:5

Tơdah leh arăng hưn klei mtă tar ƀar, phung ƀuôn sang Israel myơr hŏng klei êbeh dlai boh hlâo hlang mơ̆ng mdiê, kpiê mrâo, êa boh ôliwơ, êa hnuê, leh anăn jih jang boh mơ̆ng hma; leh anăn diñu ba hŏng klei êbeh dlai dŏ sa kdrêč hlăm pluh mơ̆ng djăp mta mnơ̆ng.

Klei Kbiă 28:43

Y-Arôn leh anăn phung anak êkei ñu srăng čŭt čhum anăn tơdah diñu mŭt hlăm sang čhiăm klei bi kƀĭn, amâodah tơdah diñu nao giăm knưl čiăng mă bruă hlăm anôk doh jăk, huĭdah diñu bi msoh diñu pô leh anăn djiê. Klei anei jing klei bhiăn hlŏng lar kơ Y-Arôn leh anăn kơ phung anak čô ñu êdei.”

Klei Kbiă 29:21

Leh anăn brei ih mă đa êrah ti dlông knưl leh anăn êa ƀâo mngưi pioh trôč, leh anăn hŏng dŏ anăn brei ih htrah ti Y-Arôn leh anăn čhiăm ao ñu, ti phung anak êkei ñu leh anăn čhiăm ao digơ̆ mbĭt hŏng digơ̆. Snăn ñu leh anăn čhiăm ao ñu srăng jing doh jăk, wăt phung anak êkei ñu leh anăn čhiăm ao digơ̆ mbĭt hŏng digơ̆.

Klei Kbiă 29:28

Dŏ anăn srăng jing dŏ Y-Arôn leh anăn phung anak êkei ñu, jing klei bhiăn hlŏng lar mơ̆ng phung ƀuôn sang Israel, kyuadah ñu jing kdrêč khua ngă yang phung ƀuôn sang Israel myơr mơ̆ng mnơ̆ng diñu myơr kơ klei êđăp ênang, jing mnơ̆ng diñu myơr kơ Yêhôwa.

Klei Kbiă 29:29

Čhiăm ao doh jăk Y-Arôn srăng lui kơ phung anak êkei ñu êdei kơ ñu. Diñu srăng hơô tơdah arăng trôč êa ƀâo mngưi ti diñu leh anăn pioh brei diñu.

Klei Kbiă 40:13

Brei ih bi hơô Y-Arôn hŏng čhiăm ao doh jăk, leh anăn trôč êa ƀâo mngưi ti ñu pioh brei ñu, čiăng kơ ñu dưi mă bruă kơ Kâo jing khua ngă yang.

Klei Kbiă 40:15

leh anăn trôč êa ƀâo mngưi kơ diñu msĕ si ih trôč ama diñu, čiăng kơ diñu dưi mă bruă kơ Kâo jing phung khua ngă yang. Klei trôč êa ƀâo mngưi anăn srăng bi sĭt kơ diñu klei jing phung khua ngă yang nanao hlăm jih jang ênuk diñu.”

Y-Êsai 10:27

Hlăm hruê anăn Gơ̆ srăng mă hĕ dŏ ktrŏ ñu mơ̆ng mra diih leh anăn bi rai knông ñu mơ̆ng kkuê diih; knông srăng joh kyuadah diih jing êmŏng leh.

Bruă Lêwi 21:10

Khua ngă yang pô jing khua hlăm phung ayŏng adei ñu, pô arăng trôč êa ƀâo mngưi ti dlông boh kŏ ñu, pô arăng pioh brei leh hơô čhiăm ao, amâo srăng lui ôh ƀŭk amâo gĭ, kăn srăng hiêk rei čhiăm ao ñu.

Bruă Lêwi 23:20

Khua ngă yang srăng hdai mnơ̆ng anăn mbĭt hŏng kpŭng boh hlâo hlang jing mnơ̆ng myơr hdai ti anăp Yêhôwa, mbĭt hŏng dua drei êđai biăp anăn. Digơ̆ srăng jing doh jăk kơ Yêhôwa, leh anăn jing dŏ pioh kơ khua ngă yang.

Bruă Lêwi 6:16

Y-Arôn leh anăn phung anak êkei ñu srăng ƀơ̆ng ya mnơ̆ng adôk; diñu srăng ƀơ̆ng gơ̆ amâo mâo kpei hlăm sa bĭt anôk doh jăk; hlăm wăl sang čhiăm klei bi kƀĭn diñu srăng ƀơ̆ng gơ̆.

Bruă Lêwi 6:18

Grăp čô êkei hlăm phung anak Y-Arôn dưi ƀơ̆ng gơ̆, msĕ si mtă leh hlŏng lar hlăm jih jang ênuk diih, mơ̆ng mnơ̆ng myơr brei pui ƀơ̆ng kơ Yêhôwa; hlei pô ruêh mnơ̆ng anăn srăng jing doh jăk.”

Bruă Lêwi 6:20

“Anei jing mnơ̆ng myơr Y-Arôn leh anăn phung anak êkei ñu srăng myơr kơ Yêhôwa ti hruê arăng trôč êa ƀâo mngưi ti diñu: sa kdrêč hlăm pluh êphah kpŭng ƀhĭ jing mnơ̆ng myơr kpŭng ƀhĭ arăng khăng myơr, sa mkrah kơ aguah leh anăn sa mkrah kơ tlam.

Bruă Lêwi 6:26

Khua ngă yang pô myơr gơ̆ kyua klei soh srăng ƀơ̆ng gơ̆; arăng srăng ƀơ̆ng gơ̆ hlăm sa bĭt anôk doh jăk hlăm wăl sang čhiăm klei bi kƀĭn.

Bruă Lêwi 7:14

Mơ̆ng dŏ anăn ñu srăng myơr sa kdrêč mơ̆ng grăp mta mnơ̆ng myơr, jing mnơ̆ng myơr kơ Yêhôwa; dŏ anăn srăng pioh kơ khua ngă yang pô tuh êrah mnơ̆ng myơr kơ klei êđăp ênang.

Bruă Lêwi 7:28

Yêhôwa lač kơ Y-Môis,

Bruă Lêwi 7:6

Grăp čô êkei hlăm phung khua ngă yang dưi ƀơ̆ng gơ̆; arăng srăng ƀơ̆ng gơ̆ hlăm sa bĭt anôk doh jăk; gơ̆ jing doh jăk hĭn.

Bruă Lêwi 8:30

Leh anăn Y-Môis mă đa đa êa ƀâo mngưi pioh trôč leh anăn êrah ti dlông knưl, leh anăn hƀrah gơ̆ ti dlông Y-Arôn leh anăn ti čhiăm ao ñu, msĕ mơh ti dlông phung anak êkei Y-Arôn leh anăn ti čhiăm ao diñu; snăn Y-Môis pioh brei Y-Arôn leh anăn čhiăm ao ñu, leh anăn phung anak êkei Y-Arôn leh anăn čhiăm ao diñu.

Klei Yap 18:9

Anei srăng jing dŏ ih mơ̆ng mnơ̆ng doh jăk hĭn arăng pioh leh amâo čuh ôh, grăp mnơ̆ng diñu myơr, grăp mnơ̆ng myơr kpŭng ƀhĭ diñu, grăp mnơ̆ng myơr kyua klei soh diñu, leh anăn grăp mnơ̆ng myơr kyua klei gao klei bhiăn diñu, mnơ̆ng diñu myơr kơ Kâo srăng jing doh jăk hĭn kơ ih leh anăn kơ phung anak êkei ih.

Klei Yap 5:9

Jih jang mnơ̆ng myơr, jih jang mnơ̆ng doh jăk mơ̆ng phung ƀuôn sang Israel, mnơ̆ng diñu ba kơ khua ngă yang srăng jing dŏ gơ̆;

I Kôrantô 9:13

Diih amâo thâo hĕ hlei pô mă bruă hlăm sang kkuh mpŭ ƀơ̆ng mnơ̆ng mơ̆ng sang kkuh mpŭ anăn; leh anăn hlei pô myơr mnơ̆ng ngă yang ti knưl mâo sa kdrêč mơ̆ng mnơ̆ng ngă yang arăng myơr anăn?

Klei Mtô Mñă Klei Bhiăn 12:11

snăn ti anôk Yêhôwa Aê Diê diih srăng ruah brei anăn Ñu dôk, tinăn yơh diih srăng ba jih jang mnơ̆ng kâo mtă kơ diih: mnơ̆ng diih myơr čuh, mnơ̆ng diih ngă yang, mnơ̆ng sa kdrêč hlăm pluh diih leh anăn mnơ̆ng diih myơr, leh anăn jih jang mnơ̆ng myơr bi sĭt klei diih ƀuăn kơ Yêhôwa.

Klei Mtô Mñă Klei Bhiăn 12:6

leh anăn tinăn yơh diih srăng ba mnơ̆ng diih myơr čuh, mnơ̆ng diih ngă yang, mnơ̆ng sa kdrêč hlăm pluh, leh anăn mnơ̆ng diih myơr, mnơ̆ng diih myơr bi sĭt klei ƀuăn, mnơ̆ng diih myơr hŏng ai tiê čŏng čiăng, leh anăn êđai êmô leh anăn êđai biăp tal êlâo diih.

Klei Mtô Mñă Klei Bhiăn 18:1

“Phung khua ngă yang, jing phung Lêwi, leh anăn jih jang găp djuê Lêwi, amâo srăng mâo kdrêč lăn bi mbha amâodah ngăn dưn mbĭt hŏng phung Israel ôh; diñu srăng ƀơ̆ng jih mnơ̆ng myơr kơ Yêhôwa, jih mnơ̆ng jing ngăn dưn Ñu tui si klei bhiăn.

Klei Mtô Mñă Klei Bhiăn 26:13

snăn diih srăng lač ti anăp Yêhôwa Aê Diê diih, ‘Kâo mă leh mơ̆ng sang kâo kdrêč doh jăk, leh anăn kâo brei leh dŏ anăn kơ phung Lêwi, kơ pô dôk jưh bhiâo, kơ anak êrĭt, leh anăn kơ mniê djiê ung, tui si jih klei mtă Ih brei leh kơ kâo; kâo amâo tuôm gao sa mta klei Ih mtă ôh, kăn tuôm wơr bĭt digơ̆ rei.

Hêbrơ 1:9

Ih khăp leh kơ klei kpă ênô, leh anăn bi êmut leh kơ klei soh. Kyuanăn Aê Diê, Aê Diê Ih, trôč leh êa ƀâo mngưi klei hơ̆k mơak kơ Ih kdlưn hĭn kơ phung ƀĭng găp Ih.”

I Y-Yôhan 2:20

Ƀiădah diih mâo leh klei Pô Doh Jăk trôč êa ƀâo mngưi, leh anăn jih jang diih mâo leh klei thâo săng.

I Y-Yôhan 2:27

Bi kơ diih, klei trôč êa ƀâo mngưi diih mă tŭ leh mơ̆ng Ñu dôk hlăm diih, leh anăn amâo yuôm ôh arăng lŏ mtô kơ diih. Msĕ si klei Ñu trôč êa ƀâo mngưi mtô kơ diih jih jang klei, leh anăn jing klei sĭt nik, amâo jing klei luar ôh, tui si Ñu mtô leh kơ diih, dôk bĕ hlăm Ñu.