Klei Yap 18:7 - Klei Aê Diê Blŭ 2015

⁷ Ih leh anăn phung anak êkei mbĭt hŏng ih srăng mă bruă khua ngă yang diih kơ jih jang klei djŏ kơ knưl leh anăn mnơ̆ng ti lam čhiăm păng; leh anăn diih srăng mă bruă. Kâo brei bruă khua ngă yang diih msĕ si sa mnơ̆ng brei, leh anăn hlei pô mkăn nao giăm anăn arăng srăng bi mdjiê.”

Klei Yap 18:7 Iomraidhean Croise

Klei Mmuñ Hđăp 115:10

Ơ sang Y-Arôn, knang bĕ kơ Yêhôwa; Ñu jing Pô đru leh anăn khil diih.

Klei Kbiă 28:1

“Brei ayŏng ih Y-Arôn hriê kơ ih mbĭt hŏng phung anak êkei ñu mơ̆ng ti krah phung ƀuôn sang Israel, čiăng pioh diñu kơ bruă Kâo jing phung khua ngă yang: Y-Arôn leh anăn phung anak êkei ñu Y-Nadap, Y-Abihu, Y-Êlêasar, leh anăn Y-Ithamar.

Klei Kbiă 29:9

Brei ih hyuă hdrăng kơiêng kơ diñu leh anăn mđua đuôn kơ diñu. Bruă phung khua ngă yang srăng jing bruă diñu hŏng klei bhiăn dôk hlŏng lar. Msĕ snăn mơh ih srăng pioh brei Y-Arôn leh anăn phung anak êkei ñu.

Y-Êsêkiêl 44:15

Ƀiădah phung khua ngă yang jing phung Lêwi, phung anak êkei Y-Sadôk, phung kiă kriê bruă adŭ doh jăk Kâo tơdah phung ƀuôn sang Israel klah đuĕ mơ̆ng Kâo, srăng hriê giăm kơ Kâo čiăng mă bruă kơ Kâo; leh anăn diñu srăng đru Kâo êjai myơr kơ Kâo prăi leh anăn êrah, Yêhôwa Aê Diê lač.

Y-Êsêkiêl 44:16

Knŏng diñu dưi mŭt hlăm adŭ doh jăk Kâo, leh anăn knŏng diñu dưi nao giăm jhưng Kâo čiăng mă bruă kơ Kâo, leh anăn kiă kriê bruă Kâo.

Y-Êsêkiêl 44:8

Diih amâo kiă kriê ôh mnơ̆ng doh jăk Kâo, ƀiădah diih mdưm phung tue kiă kriê bruă adŭ doh jăk Kâo.’

Bruă Lêwi 16:2

Yêhôwa lač kơ Y-Môis, “Lač bĕ kơ Y-Arôn ayŏng ih, đăm brei ñu mŭt tui si ñu čiăng ôh hlăm anôk doh jăk hĭn tĭng lam čhiăm păng ti anăp kđhăp klei pap brei ti dlông hip klei bi mguôp, huĭdah ñu djiê; kyuadah Kâo srăng bi êdah hlăm knam ti kđhăp klei pap brei.

Bruă Lêwi 7:35

Anăn kdrêč pioh kơ Y-Arôn leh anăn phung anak êkei ñu mơ̆ng mnơ̆ng myơr brei pui ƀơ̆ng kơ Yêhôwa, jao brei kơ diñu ti hruê arăng pioh brei diñu kơ bruă jing khua ngă yang kơ Yêhôwa.

Klei Yap 1:51

Tơdah sang čhiăm đuĕ nao, phung Lêwi srăng ruh gơ̆; tơdah truh anôk lŏ mdơ̆ng sang čhiăm, phung Lêwi srăng mdơ̆ng gơ̆. Tơdah pô mkăn hriê giăm, brei arăng bi mdjiê ñu.

Klei Yap 16:40

čiăng jing sa mnơ̆ng bi hdơr kơ phung ƀuôn sang Israel, čiăng kơ amâo mâo ôh sa čô pô amâo jing mơ̆ng phung anak čô Y-Arôn, srăng nao giăm knưl čuh mnơ̆ng ƀâo mngưi ti anăp Yêhôwa, huĭdah jing hĕ msĕ si Y-Kôrê leh anăn phung mbĭt hŏng ñu — tui si Yêhôwa lač leh hŏng Y-Môis.

Klei Yap 18:20

Yêhôwa lač kơ Y-Arôn, “Ih amâo srăng mâo ngăn dưn ôh hlăm čar diñu, kăn ih srăng mâo sa kdrêč rei ti krah diñu; Kâo yơh jing kdrêč pioh kơ ih leh anăn ngăn dưn ih ti krah phung ƀuôn sang Israel.

Klei Yap 18:3

Diñu srăng đru bruă ih leh anăn ngă jih bruă djŏ kơ sang čhiăm; ƀiădah diñu amâo dưi nao giăm kơ mnơ̆ng yua hlăm adŭ doh jăk amâodah kơ knưl ôh, huĭdah diñu leh anăn ih djiê.

Klei Yap 3:10

Brei ih mdưm Y-Arôn leh anăn phung anak êkei ñu, leh anăn diñu srăng mă bruă khua ngă yang; ƀiădah tơdah pô mkăn hriê giăm sang čhiăm, brei arăng bi mdjiê ñu.”

Klei Yap 3:38

Phung dôk ti anăp sang čhiăm tĭng ngŏ ti anăp sang čhiăm klei bi kƀĭn phă yang hruê ƀlĕ mâo Y-Môis, Y-Arôn leh anăn phung anak êkei ñu, mâo bruă kiă kriê klei kkuh mpŭ hlăm adŭ doh jăk, jih bruă djŏ kơ phung ƀuôn sang Israel; leh anăn tơdah pô mkăn hriê giăm sang čhiăm, brei arăng bi mdjiê gơ̆.

Y-Mathiơ 10:8

Brei diih bi hlao phung ruă duam, lŏ bi hdĭp phung djiê, bi doh phung djŏ phŭng, leh anăn suôt phung yang jhat. Diih mă tŭ leh hơăi mang, brei bĕ kơ arăng hơăi mang msĕ mơh.

Y-Yôhan 3:27

Y-Yôhan lŏ wĭt lač, “Amâo mâo pô dưi mă tŭ sa mnơ̆ng ôh knŏng tơdah Aê Diê brei kơ ñu.

Êphêsô 3:8

Wăt tơdah kâo jing pô điêt hĭn kơ jih jang phung doh jăk, Ñu brei klei pap anăn kơ kâo, čiăng brei kâo mtô kơ phung tue klei mrâo mrang jăk klei mdrŏng Krist amâo dưi mkă ôh,

Klei Mtô Mñă Klei Bhiăn 18:2

Diñu amâo srăng mâo ngăn dưn ôh ti krah phung ayŏng adei diñu; Yêhôwa jing ngăn dưn diñu, tui si Yêhôwa ƀuăn leh kơ diñu.

Hêbrơ 5:4

Amâo mâo pô ruah kơ ñu pô bruă mpŭ anăn, knŏng tơdah Aê Diê iêô ñu leh, msĕ si Y-Arôn.

Y-Yôsuê 18:7

Phung Lêwi amâo mâo sa kdrêč ôh ti krah phung diih, kyuadah klei jing khua ngă yang kơ Yêhôwa jing ngăn dưn kơ diñu; leh anăn phung Gat, phung Ruben, leh anăn sa mkrah găp djuê Manasê mă tŭ leh ngăn dưn diñu ti hang nah ngŏ êa krông Yurdan, anôk Y-Môis dĭng buăl Yêhôwa brei leh kơ diñu.”

I Y-Pêtrôs 5:2

Brei diih kiă phung biăp Aê Diê jao leh kơ diih, amâo djŏ hŏng klei mgô̆ ôh, ƀiădah hŏng klei čŏng čiăng, amâo djŏ kyua ênoh mưn čhŏ mrŏ ôh, ƀiădah hŏng klei khăp hŏng jih ai tiê,

I Y-Pêtrôs 5:3

amâo djŏ ôh kiă kriê hŏng klei ktư̆ juă phung Aê Diê jao leh kơ diih, ƀiădah brei diih jing klei bi hmô kơ phung biăp.

I Y-Samuel 2:28

Kâo ruah ñu leh mơ̆ng jih jang phung găp djuê Israel brei ñu jing khua ngă yang Kâo, đĭ kơ knưl Kâo, čuh mnơ̆ng ƀâo mngưi, hơô ao êphôt ti anăp Kâo; leh anăn Kâo brei leh kơ sang aê ih jih jang mnơ̆ng arăng myơr kơ Kâo brei pui ƀơ̆ng mơ̆ng phung ƀuôn sang Israel.