Klei Yap 18:5 - Klei Aê Diê Blŭ 2015

⁵ Diih srăng mă bruă kơ adŭ doh jăk leh anăn bruă kơ knưl, čiăng amâo lŏ mâo klei ngêñ truh kơ phung ƀuôn sang Israel ôh.

Klei Yap 18:5 Iomraidhean Croise

I Klei Yăl Dliê 23:24

Anăn phung anak êkei Y-Lêwi tui si sang ama diñu, jing khua kơ sang ama diñu arăng čih anăn diñu tui si dŭm čô anăn grăp čô mơ̆ng dua pluh thŭn kơ dlông, phung pioh kơ bruă hlăm sang Yêhôwa.

I Klei Yăl Dliê 23:32

Snăn yơh digơ̆ srăng djă bruă sang čhiăm klei bi kƀĭn leh anăn adŭ doh jăk, leh anăn srăng đru phung anak êkei Y-Arôn, phung ayŏng adei digơ̆ hlăm bruă kơ sang Yêhôwa.”

I Klei Yăl Dliê 24:5

Diñu bi mbha digơ̆ hlăm êpul hŏng klei mđăo jih jang msĕ, kyuadah mâo phung jing khua kơ adŭ doh jăk leh anăn khua kơ bruă Aê Diê hlăm jih dua phung anak êkei Y-Êlêasar leh anăn phung anak êkei Y-Ithamar.

I Klei Yăl Dliê 9:19

Y-Salum anak êkei Y-Kôrê, čô Y-Êbiasap, čĕ Y-Kôra, leh anăn găp djuê ñu mơ̆ng sang ama ñu, phung Kôra djă bruă kiă anôk mŭt ƀăng bhă sang čhiăm msĕ si phung ama diñu djă leh bruă hlăm wăl Yêhôwa kiă anôk mŭt ƀăng bhă.

I Klei Yăl Dliê 9:23

Snăn diñu leh anăn phung anak čô diñu kiă ƀăng jang sang Yêhôwa, si tô hmô jing phung gak sang čhiăm.

I Klei Yăl Dliê 9:33

Phung anei jing phung mmuñ, phung khua kơ sang ama phung Lêwi, dôk hlăm adŭ sang yang, êngiê mơ̆ng bruă mkăn, kyuadah diñu mâo bruă ngă hruê wăt mlam.

Klei Kbiă 27:21

Hlăm sang čhiăm klei bi kƀĭn, ti êngao čhiăm păng ti anăp klei hưn, Y-Arôn leh anăn phung anak êkei ñu srăng răng kriê gơ̆ mơ̆ng tlam truh kơ aguah ti anăp Yêhôwa. Klei anăn srăng jing klei bhiăn hlŏng lar phung ƀuôn sang Israel srăng gưt hlăm jih jang ênuk.”

Y-Yêrêmi 23:15

Kyuanăn snei Yêhôwa kơ phung kahan lač djŏ kơ phung khua pô hưn êlâo: “Nĕ anei, Kâo srăng čiêm diñu hŏng kyâo phĭ, leh anăn brei diñu mnăm êa kêč kam, kyuadah mơ̆ng phung khua pô hưn êlâo ƀuôn Yêrusalem klei amâo mpŭ kơ Aê Diê nao leh tar ƀar čar.”

Y-Êsêkiêl 44:15

Ƀiădah phung khua ngă yang jing phung Lêwi, phung anak êkei Y-Sadôk, phung kiă kriê bruă adŭ doh jăk Kâo tơdah phung ƀuôn sang Israel klah đuĕ mơ̆ng Kâo, srăng hriê giăm kơ Kâo čiăng mă bruă kơ Kâo; leh anăn diñu srăng đru Kâo êjai myơr kơ Kâo prăi leh anăn êrah, Yêhôwa Aê Diê lač.

Y-Êsêkiêl 44:16

Knŏng diñu dưi mŭt hlăm adŭ doh jăk Kâo, leh anăn knŏng diñu dưi nao giăm jhưng Kâo čiăng mă bruă kơ Kâo, leh anăn kiă kriê bruă Kâo.

Bruă Lêwi 10:6

Y-Môis lač kơ Y-Arôn leh anăn kơ phung anak êkei Y-Arôn, Y-Êlêasar leh anăn Y-Ithamar, “Đăm brei diih mdei gĭ ƀŭk diih, leh anăn đăm hiêk ôh čhiăm ao diih, huĭdah diih srăng djiê, leh anăn huĭdah klei ngêñ truh kơ jih jang phung bi kƀĭn. Ƀiădah phung ayŏng adei diih, jih sang Israel, dưi čŏk hia kyua pui Yêhôwa čuh leh.

Bruă Lêwi 24:3

Ti êngao čhiăm păng hip klei bi mguôp hlăm sang čhiăm bi kƀĭn, Y-Arôn srăng răng kriê pui anăn dôk trơ̆ng nanao mơ̆ng tlam truh aguah ti anăp Yêhôwa. Anăn jing klei bhiăn dôk nanao hlăm jih jang ênuk diih.

Y-Sakari 10:3

“Klei Kâo ngêñ hlơr bi kdơ̆ng hŏng phung mgăt biăp, leh anăn Kâo srăng bi kmhal phung khua kiă kriê; kyuadah Yêhôwa kơ phung kahan răng kriê biăp Ñu, sang Yuđa; leh anăn srăng mjing diñu msĕ si aseh kdrăm hlăm klei bi blah.

Klei Yap 1:50

ƀiădah jao kơ phung Lêwi kiă sang čhiăm klei bi mguôp, jih jang mnơ̆ng yua hlăm sang čhiăm, leh anăn jih jang mnơ̆ng pioh kơ sang čhiăm anăn. Diñu srăng kkung sang čhiăm anăn leh anăn jih jang mnơ̆ng yua kơ sang čhiăm anăn, leh anăn diñu srăng mă bruă hlăm gơ̆ leh anăn dôk jŭm dar sang čhiăm.

Klei Yap 1:53

Ƀiădah phung Lêwi srăng dôk jŭm sang čhiăm klei bi mguôp, čiăng kơ amâo mâo klei ngêñ ôh truh kơ phung ƀuôn sang Israel bi kƀĭn; leh anăn phung Lêwi srăng djă bruă kiă kriê sang čhiăm klei bi mguôp.”

Klei Yap 16:46

Y-Môis lač kơ Y-Arôn, “Mă bĕ mtĭl čuh mnơ̆ng ƀâo mngưi ih, dưm pui mơ̆ng knưl hlăm anăn, leh anăn dưm mnơ̆ng ƀâo mngưi hlăm anăn, djă ba djăl kơ phung bi kƀĭn leh anăn ngă klei bi doh klei soh diñu; kyuadah klei ngêñ kbiă leh mơ̆ng Yêhôwa, klei truh jhat dơ̆ng leh.”

Klei Yap 18:4

Diñu srăng bi mguôp hŏng ih, leh anăn mă bruă kơ sang čhiăm klei bi kƀĭn, kơ jih jang bruă hlăm sang čhiăm; leh anăn amâo mâo pô mkăn dưi hriê giăm ôh.

Klei Yap 4:18

“Đăm brei ôh găp djuê phung Kôhat rai tuč mơ̆ng krah phung Lêwi;

Klei Yap 8:19

Leh anăn Kâo brei leh phung Lêwi jing mnơ̆ng brei kơ Y-Arôn leh anăn kơ phung anak êkei ñu mơ̆ng krah phung ƀuôn sang Israel, ngă bruă kơ phung ƀuôn sang Israel ti sang čhiăm klei bi kƀĭn, leh anăn ngă klei bi doh klei soh phung ƀuôn sang Israel, čiăng amâo mâo ôh klei truh jhat ti krah phung ƀuôn sang Israel tơdah phung ƀuôn sang Israel nao giăm adŭ doh jăk.”

Klei Yap 8:2

“Lač bĕ kơ Y-Arôn, Tơdah ih mdơ̆ng pui kđen, kjuh boh pui kđen anăn srăng bi mngač ti anăp jơ̆ng diăn.”

I Y-Timôthê 1:18

Ơ Y-Timôthê, anak kâo, klei mtă anăn kâo jao kơ ih, tui si klei hưn êlâo djŏ kơ ih hlăk anăn, čiăng kơ hŏng klei bi mđĭ ai mơ̆ng klei hưn êlâo anăn ih dưi bi blah jăk,

I Y-Timôthê 3:15

tơdah kâo hnui truh, ih dưi thâo si klei djŏ dôk dơ̆ng ƀơ̆ng huă hlăm găp djuê Aê Diê, jing Phung Sang Aê Diê hdĭp, jing kmeh leh anăn atur dưh klei sĭt nik.

I Y-Timôthê 5:21

Ti anăp Aê Diê leh anăn Krist Yêsu, leh anăn ti anăp phung dĭng buăl jăk Aê Diê ruah leh, kâo mtă kơ ih brei gưt jih klei bhiăn anei đăm mâo klei mĭn jhat leh anăn yap mnuih mdê mdê ôh.

I Y-Timôthê 6:20

Ơ Y-Timôthê, mgang bĕ bruă Aê Diê jao leh kơ ih. Hngah kơ klei mtô hơăi mang leh anăn klei bi tăng tui si arăng soh pia jing klei thâo săng.