Klei Yap 18:23 - Klei Aê Diê Blŭ 2015

²³ Ƀiădah phung Lêwi srăng ngă bruă hlăm sang čhiăm klei bi kƀĭn, leh anăn diñu srăng klam klei wê diñu. Klei anăn srăng jing sa klei bhiăn dôk nanao hlăm jih jang ênuk diih; diñu amâo srăng mâo ngăn dưn ôh ti krah phung ƀuôn sang Israel.

Klei Yap 18:23 Iomraidhean Croise

Klei Kbiă 27:21

Hlăm sang čhiăm klei bi kƀĭn, ti êngao čhiăm păng ti anăp klei hưn, Y-Arôn leh anăn phung anak êkei ñu srăng răng kriê gơ̆ mơ̆ng tlam truh kơ aguah ti anăp Yêhôwa. Klei anăn srăng jing klei bhiăn hlŏng lar phung ƀuôn sang Israel srăng gưt hlăm jih jang ênuk.”

Y-Êsêkiêl 44:10

Ƀiădah phung Lêwi klah đuĕ leh kbưi mơ̆ng Kâo, čiăng tui hlue rup yang diñu tơdah phung Israel klah đuĕ leh, srăng klam klei bi kmhal kơ diñu pô.

Klei Yap 18:1

Snăn Yêhôwa lač kơ Y-Arôn, “Ih leh anăn phung anak êkei ih leh anăn sang ama ih mbĭt hŏng ih srăng klam klei wê kyua adŭ doh jăk; ih leh anăn phung anak êkei ih mbĭt hŏng ih srăng klam klei wê kyua bruă khua ngă yang diih.

Klei Yap 18:20

Yêhôwa lač kơ Y-Arôn, “Ih amâo srăng mâo ngăn dưn ôh hlăm čar diñu, kăn ih srăng mâo sa kdrêč rei ti krah diñu; Kâo yơh jing kdrêč pioh kơ ih leh anăn ngăn dưn ih ti krah phung ƀuôn sang Israel.

Klei Yap 19:21

Klei anăn srăng jing kơ diñu sa klei bhiăn dôk nanao. Hlei pô hƀrah êa kơ klei bi doh srăng boh čhiăm ao ñu; leh anăn hlei pô ruêh êa kơ klei bi doh srăng jing čhŏ tơl tlam.

Klei Yap 26:62

Ênoh yap diñu mâo dua pluh tlâo êbâo čô, grăp čô êkei mâo sa mlan kơ dlông; arăng amâo yap ôh diñu mbĭt hŏng phung ƀuôn sang Israel, kyuadah amâo mâo ngăn dưn ôh arăng brei kơ diñu mbĭt hŏng phung ƀuôn sang Israel.

Klei Yap 3:7

Digơ̆ srăng mă bruă kơ ñu leh anăn kơ jih jang phung bi kƀĭn ti anăp sang čhiăm klei bi kƀĭn, êjai digơ̆ mă bruă ti sang čhiăm.

Klei Yap 35:29

“Klei anei srăng jing kơ diih klei bhiăn leh anăn klei mtă hlăm jih jang ênuk diih, hlăm jih jang anôk diih dôk.

Klei Mtô Mñă Klei Bhiăn 10:9

Kyuanăn phung Lêwi amâo mâo sa kdrêč lăn amâodah ngăn dưn mbĭt hŏng phung ayŏng adei diñu ôh; Yêhôwa jing ngăn dưn diñu, tui si Yêhôwa Aê Diê ih ƀuăn kơ diñu.)

Y-Yôsuê 13:14

Knŏng kơ găp djuê Lêwi Y-Môis amâo brei ngăn dưn ôh; mnơ̆ng myơr brei pui ƀơ̆ng kơ Yêhôwa Aê Diê Israel jing ngăn dưn diñu, tui si Yêhôwa lač leh.