Klei Yap 18:21 - Klei Aê Diê Blŭ 2015

²¹ Kâo brei jih jang sa kdrêč hlăm pluh mơ̆ng phung Israel jing ngăn dưn kơ phung Lêwi, bi wĭt kơ bruă diñu ngă, bruă diñu ngă hlăm sang čhiăm klei bi kƀĭn.

Klei Yap 18:21 Iomraidhean Croise

Klei Mphŭn Dơ̆ng 14:20

Leh anăn mpŭ mni kơ Aê Diê, Pô Ti Dlông Hĭn, Pô jao leh phung roh ih hlăm kngan ih.” Leh anăn Y-Abram brei kơ Y-Mêlkisadek sa kdrêč hlăm pluh jih mnơ̆ng ñu plah mă leh.

Klei Mphŭn Dơ̆ng 47:24

Tơdah truh yan puôt, diih srăng brei sa kdrêč hlăm êma kơ Pharaôn, leh anăn diih srăng pioh pă kdrêč jing mjeh leh anăn mnơ̆ng ƀơ̆ng huă kơ diih, phung sang diih, leh anăn kơ phung anak điêt diih.”

Klei Mphŭn Dơ̆ng 47:26

Y-Yôsep brei klei bhiăn anăn kơ lăn čar Êjip hlŏng dôk truh kơ hruê anei, brei sa kdrêč hlăm êma kơ Pharaôn. Knŏng hjăn lăn phung khua ngă yang amâo jing dŏ Pharaôn ôh.

II Klei Yăl Dliê 31:12

Hŏng klei sĭt suôr diñu ba mnơ̆ng myơr, dŏ sa kdrêč hlăm pluh, mnơ̆ng pioh brei kơ Yêhôwa. Khua kiă kriê mnơ̆ng anăn jing Y-Kênania sa čô Lêwi, mbĭt hŏng Y-Simei adei ñu jing kơiăng pô đru;

Y-Nêhêmi 10:29

bi mguôp mbĭt hŏng phung ayŏng adei diñu, phung mdrŏng diñu, ngă sa klei ƀuăn leh anăn kat asei tơl djiê čiăng êbat hlăm klei bhiăn Aê Diê, Y-Môis dĭng buăl Aê Diê brei leh, čiăng djă pioh leh anăn gưt jih jang klei Yêhôwa Aê Diê drei mtă, leh anăn klei Ñu mtrŭn, leh anăn klei bhiăn Ñu.

Y-Nêhêmi 10:37

leh anăn djă ba boh hlâo hlang mơ̆ng mdiê hmei ka ƀhĭ leh anăn mnơ̆ng hmei myơr boh mơ̆ng jih jang ana boh, kpiê mrâo leh anăn êa boh ôliwơ kơ phung khua ngă yang kơ adŭ hlăm sang Aê Diê hmei; leh anăn ba kơ phung Lêwi sa kdrêč hlăm pluh mnơ̆ng mơ̆ng lăn hmei, kyuadah phung Lêwi yơh mă sa kdrêč hlăm pluh hlăm jih jang ƀuôn điêt hmei.

Y-Nêhêmi 10:38

Sa čô khua ngă yang mơ̆ng găp djuê Y-Arôn srăng dôk mbĭt hŏng phung Lêwi tơdah phung Lêwi mă tŭ mnơ̆ng sa kdrêč hlăm pluh; leh anăn phung Lêwi srăng djă ba sa kdrêč hlăm pluh mơ̆ng jih jang sa kdrêč hlăm pluh anăn kơ sang Aê Diê hmei kơ adŭ pioh, kơ hjiê.

Y-Nêhêmi 12:44

Ti hruê anăn arăng mdưm phung kiă adŭ pioh mnơ̆ng, mnơ̆ng myơr, boh hlâo hlang, leh anăn mnơ̆ng sa kdrêč hlăm pluh, čiăng mkăm pioh tinăn kdrêč bi kčah leh tui si klei bhiăn kơ phung khua ngă yang leh anăn kơ phung Lêwi tui si hma jŭm dar ƀuôn; kyuadah phung Yuđa hơ̆k mơak kyua phung khua ngă yang leh anăn phung Lêwi dôk mă bruă.

Y-Nêhêmi 12:47

Jih jang phung Israel hlăm ênuk Y-Sôrôbabel, hlăm ênuk Y-Nêhêmi brei grăp hruê mnơ̆ng ƀơ̆ng huă kơ phung mmuñ leh anăn kơ phung kiă kriê ƀăng jang. Arăng dưm mdê mnơ̆ng pioh kơ phung Lêwi; leh anăn phung Lêwi dưm mdê mnơ̆ng pioh kơ phung anak êkei Y-Arôn.

Y-Nêhêmi 13:12

Jih jang phung Yuđa djă ba sa kdrêč hlăm pluh mdiê, kpiê mrâo, leh anăn êa boh ôliwơ kơ hjiê.

Y-Nêhêmi 13:5

mkra leh kơ Y-Tôbia sa boh adŭ prŏng, tinăn mphŭn dô diñu dưm mnơ̆ng myơr kpŭng ƀhĭ, mnơ̆ng ƀâo mngưi, čhiên mngan, leh anăn sa kdrêč hlăm pluh mdiê, kpiê mrâo, êa boh ôliwơ, mnơ̆ng arăng brei leh hŏng klei mtă kơ phung Lêwi, kơ phung mmuñ, kơ phung kiă kriê ƀăng jang leh anăn mnơ̆ng myơr kơ phung khua ngă yang.

Y-Malaki 2:4

Snăn kơh diih srăng thâo Kâo mơĭt leh klei mtă anei kơ diih, čiăng kơ klei Kâo bi mguôp hŏng Y-Lêwi dưi dôk kjăp,” Yêhôwa kơ phung kahan lač.

Y-Malaki 3:10

Djă ba bĕ bi ênŭm jih dŏ sa kdrêč hlăm pluh kơ sang pioh ngăn, čiăng bi mâo mnơ̆ng ƀơ̆ng huă hlăm sang Kâo. Hŏng klei anăn brei diih lông dlăng Kâo,” Yêhôwa kơ phung kahan lač, “Thâodah Kâo amâo srăng pŏk ƀăng bhă điêt hlăm adiê kơ diih leh anăn tuh kơ diih sa klei jăk jĭn êbeh dlai.

Klei Yap 18:6

Nĕ anei Kâo mă leh phung ayŏng adei ih phung Lêwi mơ̆ng krah phung ƀuôn sang Israel; diñu jing sa mnơ̆ng brei kơ ih, pioh brei leh kơ Yêhôwa, čiăng ngă bruă hlăm sang čhiăm klei bi kƀĭn.

Klei Yap 3:6

“Atăt phung găp djuê Lêwi hriê giăm sang čhiăm, leh anăn dăp digơ̆ ti anăp khua ngă yang Y-Arôn, čiăng kơ digơ̆ dưi mă bruă kơ ñu.

Klei Yap 31:28

Brei ih rĭng mơ̆ng phung kahan nao bi blah sa ênoh jing jia kơ Yêhôwa, sa hlăm êma êtuh, mnuih, êmô, aseh dliê, leh anăn biăp.

Galati 6:6

Hlei pô hmư̆ arăng mtô klei blŭ brei bi mbha jih jang mnơ̆ng jăk kơ pô mtô kơ ñu.

Klei Mtô Mñă Klei Bhiăn 18:8

Diñu srăng mâo kdrêč mnơ̆ng ƀơ̆ng huă mdŭm hŏng phung mkăn, êngao kơ mnơ̆ng ñu mâo mơ̆ng dŏ ñu čhĭ ngăn ama ñu.”

Hêbrơ 7:5

Leh anăn phung anak čô Y-Lêwi jing phung khua ngă yang, tui si klei bhiăn dưi mă sa kdrêč hlăm pluh mơ̆ng phung ƀuôn sang, čiăng lač mơ̆ng phung ayŏng adei diñu, wăt tơdah phung anăn jing anak čô Y-Abraham sơăi.