Klei Yap 18:19 - Klei Aê Diê Blŭ 2015

¹⁹ Jih jang mnơ̆ng myơr doh jăk phung ƀuôn sang Israel myơr kơ Yêhôwa, Kâo brei kơ ih, kơ phung anak êkei leh anăn kơ phung anak mniê ih mbĭt hŏng ih, jing klei djŏ dôk nanao. Klei anăn jing klei bi mguôp mâo hra dôk nanao ti anăp Yêhôwa pioh kơ ih leh anăn kơ phung anak čô ih mbĭt hŏng ih.”

Klei Yap 18:19 Iomraidhean Croise

II Bruă Mtao 12:16

Prăk arăng myơr kyua klei jing soh leh, leh anăn prăk myơr kyua klei soh, arăng amâo ba kơ sang Yêhôwa ôh; prăk anăn pioh kơ phung khua ngă yang.

II Klei Yăl Dliê 13:5

Amâo djŏ hĕ jing yuôm diih thâo kơ Yêhôwa Aê Diê phung Israel jao leh ƀuôn ala mtao Israel brei Y-Đawit leh anăn phung anak êkei ñu kiă hlŏng lar hŏng klei bi mguôp hra?

II Klei Yăl Dliê 31:4

Ñu lŏ mtă kơ phung ƀuôn sang dôk hlăm ƀuôn Yêrusalem brei myơr kdrêč djŏ kơ phung khua ngă yang leh anăn kơ phung Lêwi, čiăng kơ digơ̆ dưi jao kluôm digơ̆ pô kơ klei bhiăn Yêhôwa.

Klei Kbiă 29:27

Brei ih pioh brei đah da mnơ̆ng myơr hdai leh anăn pha jing kdrêč kơ phung khua ngă yang arăng hdai leh, leh anăn myơr mơ̆ng biăp knô klei pioh brei, kyua dŏ anăn jing dŏ Y-Arôn leh anăn phung anak êkei ñu.

Y-Êsêkiêl 43:24

Brei diih myơr mnơ̆ng anăn ti anăp Yêhôwa, leh anăn phung khua ngă yang srăng pruê hra ti dlông mnơ̆ng myơr anăn leh anăn myơr mnơ̆ng anăn jing mnơ̆ng myơr čuh kơ Yêhôwa.

Bruă Lêwi 2:13

Brei ih bi ƀăt hŏng hra jih jang mnơ̆ng myơr kpŭng ƀhĭ; đăm brei ôh mnơ̆ng myơr kpŭng ƀhĭ ih kƀah hra klei bi mguôp hŏng Aê Diê ih. Mbĭt hŏng jih jang mnơ̆ng ih myơr brei ih dưm hra.

Bruă Lêwi 21:22

Ñu dưi ƀơ̆ng mnơ̆ng ƀơ̆ng huă Aê Diê ñu, wăt mnơ̆ng doh jăk hĭn leh anăn mnơ̆ng doh jăk,

Bruă Lêwi 7:14

Mơ̆ng dŏ anăn ñu srăng myơr sa kdrêč mơ̆ng grăp mta mnơ̆ng myơr, jing mnơ̆ng myơr kơ Yêhôwa; dŏ anăn srăng pioh kơ khua ngă yang pô tuh êrah mnơ̆ng myơr kơ klei êđăp ênang.

Klei Yap 18:11

Anei msĕ mơh jing dŏ ih, mnơ̆ng myơr mơ̆ng dŏ diñu brei, jih jang mnơ̆ng myơr hdai mơ̆ng phung ƀuôn sang Israel; Kâo brei dŏ anăn kơ ih, kơ phung anak êkei leh anăn phung anak mniê ih mbĭt hŏng ih, jing klei djŏ dôk nanao; grăp čô hlei pô jing doh hlăm sang ih dưi ƀơ̆ng dŏ anăn.

Klei Yap 18:8

Yêhôwa lač kơ Y-Arôn, “Nĕ anei Kâo brei leh kơ ih ya mnơ̆ng pioh leh mơ̆ng mnơ̆ng arăng myơr kơ Kâo, jih jang mnơ̆ng phung ƀuôn sang Israel pioh brei leh; Kâo brei leh dŏ anăn jing kdrêč kơ ih leh anăn kơ phung anak êkei ih, jing klei djŏ dôk nanao.

Klei Yap 31:29

Mă dŏ ih rĭng anăn brei kơ khua ngă yang Y-Êlêasar jing mnơ̆ng myơr kơ Yêhôwa.

Klei Yap 31:41

Y-Môis brei jia jing mnơ̆ng myơr kơ Yêhôwa kơ khua ngă yang Y-Êlêasar tui si Yêhôwa mtă leh kơ Y-Môis.

Klei Mtô Mñă Klei Bhiăn 12:26

Ƀiădah mnơ̆ng pioh brei ih myơr tui si klei mtă leh anăn mnơ̆ng ih myơr bi sĭt klei ƀuăn, ih srăng mă leh anăn nao kơ anôk Yêhôwa srăng ruah,

Klei Mtô Mñă Klei Bhiăn 12:6

leh anăn tinăn yơh diih srăng ba mnơ̆ng diih myơr čuh, mnơ̆ng diih ngă yang, mnơ̆ng sa kdrêč hlăm pluh, leh anăn mnơ̆ng diih myơr, mnơ̆ng diih myơr bi sĭt klei ƀuăn, mnơ̆ng diih myơr hŏng ai tiê čŏng čiăng, leh anăn êđai êmô leh anăn êđai biăp tal êlâo diih.