Klei Yap 18:16 - Klei Aê Diê Blŭ 2015

¹⁶ Ih srăng bi kčah ênoh bi tui digơ̆ jing êma sêkel prăk tui si sêkel hlăm adŭ doh jăk, dŏ anăn jing dua pluh gêra (ih srăng bi tui digơ̆ tơdah digơ̆ mâo leh sa mlan).

Klei Yap 18:16 Iomraidhean Croise

Klei Kbiă 30:13

Grăp čô phung arăng yap srăng brei sa mkrah sêkel tui si sêkel mơ̆ng adŭ doh jăk (sa sêkel jing dua pluh gêra), sa mkrah sêkel anăn jing mnơ̆ng myơr kơ Yêhôwa.

Klei Kbiă 38:24

Jih jang mah yua leh kơ bruă ngă adŭ doh jăk, jing mah arăng myơr, mâo dua pluh dua păn talăng leh anăn kjuh êtuh tlâo pluh sêkel tui si sêkel mơ̆ng adŭ doh jăk.

Y-Êsêkiêl 45:12

Ênoh sa sêkel srăng jing dua pluh gêra; dua pluh sêkel kƀĭn hŏng dua pluh êma sêkel kƀĭn hŏng pluh êma sêkel srăng jing sa mina.”

Bruă Lêwi 27:25

Jih jang klei tĭng ênoh srăng tui hlue ênoh sêkel hlăm adŭ doh jăk: sa sêkel srăng jing dua pluh gêra.

Klei Yap 18:15

Grăp čô mnuih arăng kkiêng tal êlâo, grăp mnơ̆ng mđai tal êlâo, dŏ anăn diñu myơr kơ Yêhôwa, srăng jing dŏ ih; ƀiădah ih srăng brei digơ̆ lŏ bi tui anak mnuih arăng kkiêng tal êlâo, leh anăn êđai tal êlâo hlô mnơ̆ng amâo doh.

Klei Yap 18:17

Ƀiădah ih amâo srăng brei lŏ bi tui ôh êđai êmô tal êlâo, êđai biăp tal êlâo, amâodah êđai bê tal êlâo; diñu jing doh jăk. Ih srăng hƀrah êrah diñu ti dlông knưl, leh anăn srăng čuh prăi diñu jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Klei Yap 3:46

Bi kơ ênoh bi tui phung dua êtuh kjuh pluh tlâo čô phung anak kkiêng tal êlâo hlăm phung ƀuôn sang Israel êbeh hĭn kơ phung êkei Lêwi,

Klei Yap 3:47

brei ih mă êma sêkel grăp čô tĭng tui si sêkel hlăm adŭ doh jăk, sa sêkel jing dua pluh gêra. Brei ih mă dŏ anăn,