Klei Yap 18:13 - Klei Aê Diê Blŭ 2015

¹³ Boh ksă tal êlâo hlăm jih jang boh hlăm lăn diñu, dŏ anăn diñu djă ba kơ Yêhôwa srăng jing dŏ ih; grăp čô hlei pô jing doh hlăm sang ih dưi ƀơ̆ng dŏ anăn.

Klei Yap 18:13 Iomraidhean Croise

II Bruă Mtao 4:42

Sa čô êkei hriê mơ̆ng ƀuôn Baal-Salisa djă ba kơ mnuih Aê Diê klŏ kpŭng arăng ngă mơ̆ng mdiê hlâo hlang, dua pluh klŏ kpŭng mdiê ôrgơ, leh anăn amung mdiê mrâo hlăm kdô ñu. Y-Êlisê lač, “Brei kơ phung êkei anăn ƀơ̆ng.”

II Klei Yăl Dliê 31:5

Tơdah leh arăng hưn klei mtă tar ƀar, phung ƀuôn sang Israel myơr hŏng klei êbeh dlai boh hlâo hlang mơ̆ng mdiê, kpiê mrâo, êa boh ôliwơ, êa hnuê, leh anăn jih jang boh mơ̆ng hma; leh anăn diñu ba hŏng klei êbeh dlai dŏ sa kdrêč hlăm pluh mơ̆ng djăp mta mnơ̆ng.

Klei Kbiă 22:29

Đăm bi hnui ôh myơr boh hlâo hlang mơ̆ng hma ih leh anăn mơ̆ng čeh prŏng. Brei kơ Kâo anak êkei ih kkiêng êlâo hĭn.

Klei Kbiă 23:19

Brei ih djă ba kơ sang Yêhôwa Aê Diê ih boh jăk hĭn mơ̆ng boh hlâo hlang lăn ih. Đăm tŭk êđai bê hlăm êa ksâo ana gơ̆ ôh.”

Klei Kbiă 34:26

Brei ih djă ba kơ sang Yêhôwa Aê Diê ih boh jăk hĭn mơ̆ng boh hlâo hlang lăn ih. Đăm atŭk êđai bê hlăm êa ksâo ana gơ̆ ôh.”

Y-Yêrêmi 24:2

Sa boh bai mâo boh hra jăk snăk, msĕ si boh hra ksă tal êlâo; ƀiădah bai mkăn mâo boh hra jhat snăk, jhat snăk tơl arăng amâo dưi ƀơ̆ng ôh.

Y-Êsêkiêl 44:30

Mnơ̆ng jăk hĭn hlăm jih jang boh hlâo hlang mơ̆ng djăp mta mnơ̆ng, leh anăn jih jang mnơ̆ng myơr djăp mta mơ̆ng jih jang mnơ̆ng diih myơr srăng jing dŏ phung khua ngă yang. Brei diih brei mơh kơ phung khua ngă yang boh hlâo hlang kpŭng ƀhĭ diih, čiăng kơ klei jăk jĭn dưi dôk hlăm sang diih.

Y-Ôsê 9:10

“Hlăk Kâo tuôm hŏng Israel, diñu jing msĕ si boh kriăk ƀâo hlăm kdrăn tač. Hlăk Kâo ƀuh phung aê diih, diñu jing msĕ si boh hlâo hlang ti ana boh hra hlăm yan ñu mboh tal êlâo. Ƀiădah diñu nao kơ Baal-Pêôr leh anăn pioh diñu pô kơ rup yang hêñ mlâo, leh anăn diñu jing mnơ̆ng Aê Diê bi êmut kheh msĕ si mnơ̆ng diñu khăp.

Bruă Lêwi 22:7

Leh yang hruê lĕ ñu srăng jing doh; leh anăn kơh ñu dưi ƀơ̆ng mnơ̆ng doh jăk, kyuadah dŏ anăn jing mnơ̆ng ƀơ̆ng huă kơ ñu.

Bruă Lêwi 23:17

Brei diih ba mơ̆ng anôk diih dôk dua klŏ kpŭng jing mnơ̆ng myơr hdai, ngă leh hŏng dua kdrêč hlăm pluh êphah; arăng srăng ngă diñu hŏng kpŭng ƀhĭ ăm mbĭt hŏng kpei, jing boh hlâo hlang kơ Yêhôwa.

Y-Mika 7:1

Knap mñai yơh kâo! Kyuadah kâo jing msĕ si yan arăng pĕ leh boh yan bhang, msĕ si yan pĕ boh kriăk ƀâo ruê̆ leh; amâo mâo kmrŭ pioh ƀơ̆ng ôh, amâo mâo ôh boh hra ksă êlâo hĭn mngăt kâo čiăng ƀơ̆ng.

Klei Mtô Mñă Klei Bhiăn 18:4

Diih srăng brei kơ ñu boh hlâo hlang mơ̆ng mdiê, kpiê mrâo, leh anăn êa prăi boh ôliwơ diih, leh anăn mlâo biăp diih kăp tal êlâo.

Klei Mtô Mñă Klei Bhiăn 26:2

brei diih mă đa đa boh hlâo hlang mơ̆ng jih jang boh mơ̆ng lăn, boh diih pĕ hlăm ala čar ih Yêhôwa Aê Diê diih brei leh kơ diih, dưm hlăm sa boh bai leh anăn nao kơ anôk Yêhôwa Aê Diê diih srăng ruah, čiăng brei anăn ñu dôk tinăn.