Klei Yap 18:12 - Klei Aê Diê Blŭ 2015

¹² Kâo brei kơ ih mnơ̆ng hlâo hlang diñu srăng myơr kơ Yêhôwa, jih jang êa prăi boh ôliwơ jăk hĭn, jih jang kpiê leh anăn mdiê jăk hĭn, boh hlâo hlang diñu brei kơ Yêhôwa.

Klei Yap 18:12 Iomraidhean Croise

Klei Mphŭn Dơ̆ng 27:28

Akâo kơ Aê Diê brei kơ ih êa nguôm mơ̆ng adiê, leh anăn brei lăn ih jing snăk, mâo mdiê leh anăn kpiê lu.

II Bruă Mtao 4:42

Sa čô êkei hriê mơ̆ng ƀuôn Baal-Salisa djă ba kơ mnuih Aê Diê klŏ kpŭng arăng ngă mơ̆ng mdiê hlâo hlang, dua pluh klŏ kpŭng mdiê ôrgơ, leh anăn amung mdiê mrâo hlăm kdô ñu. Y-Êlisê lač, “Brei kơ phung êkei anăn ƀơ̆ng.”

II Klei Yăl Dliê 31:5

Tơdah leh arăng hưn klei mtă tar ƀar, phung ƀuôn sang Israel myơr hŏng klei êbeh dlai boh hlâo hlang mơ̆ng mdiê, kpiê mrâo, êa boh ôliwơ, êa hnuê, leh anăn jih jang boh mơ̆ng hma; leh anăn diñu ba hŏng klei êbeh dlai dŏ sa kdrêč hlăm pluh mơ̆ng djăp mta mnơ̆ng.

Klei Mmuñ Hđăp 147:14

Ñu brei klei êđăp ênang kơ čar ih; ñu bi trei ih hŏng mdiê ƀlê jăk hĭn.

Klei Mmuñ Hđăp 81:16

Kâo srăng čiêm diih hŏng mdiê ƀlê jăk hĭn; leh anăn Kâo srăng brei diih trei hŏng êa hnuê mơ̆ng boh tâo”.

Klei Kbiă 22:29

Đăm bi hnui ôh myơr boh hlâo hlang mơ̆ng hma ih leh anăn mơ̆ng čeh prŏng. Brei kơ Kâo anak êkei ih kkiêng êlâo hĭn.

Klei Kbiă 23:19

Brei ih djă ba kơ sang Yêhôwa Aê Diê ih boh jăk hĭn mơ̆ng boh hlâo hlang lăn ih. Đăm tŭk êđai bê hlăm êa ksâo ana gơ̆ ôh.”

Klei Kbiă 34:26

Brei ih djă ba kơ sang Yêhôwa Aê Diê ih boh jăk hĭn mơ̆ng boh hlâo hlang lăn ih. Đăm atŭk êđai bê hlăm êa ksâo ana gơ̆ ôh.”

Y-Êsêkiêl 44:30

Mnơ̆ng jăk hĭn hlăm jih jang boh hlâo hlang mơ̆ng djăp mta mnơ̆ng, leh anăn jih jang mnơ̆ng myơr djăp mta mơ̆ng jih jang mnơ̆ng diih myơr srăng jing dŏ phung khua ngă yang. Brei diih brei mơh kơ phung khua ngă yang boh hlâo hlang kpŭng ƀhĭ diih, čiăng kơ klei jăk jĭn dưi dôk hlăm sang diih.

Bruă Lêwi 2:12

Diih dưi ba kơ Yêhôwa mnơ̆ng myơr boh hlâo hlang, ƀiădah đăm myơr digơ̆ ôh ti dlông knưl čiăng jing mnâo ƀâo mngưi.

Bruă Lêwi 2:14

Tơdah ih myơr kơ Yêhôwa sa mnơ̆ng myơr kpŭng ƀhĭ mơ̆ng boh hlâo hlang, brei ih myơr amung mrâo bi ƀhĭ leh ăm ti pui.

Bruă Lêwi 23:17

Brei diih ba mơ̆ng anôk diih dôk dua klŏ kpŭng jing mnơ̆ng myơr hdai, ngă leh hŏng dua kdrêč hlăm pluh êphah; arăng srăng ngă diñu hŏng kpŭng ƀhĭ ăm mbĭt hŏng kpei, jing boh hlâo hlang kơ Yêhôwa.

Bruă Lêwi 23:20

Khua ngă yang srăng hdai mnơ̆ng anăn mbĭt hŏng kpŭng boh hlâo hlang jing mnơ̆ng myơr hdai ti anăp Yêhôwa, mbĭt hŏng dua drei êđai biăp anăn. Digơ̆ srăng jing doh jăk kơ Yêhôwa, leh anăn jing dŏ pioh kơ khua ngă yang.

Klei Mtô Mñă Klei Bhiăn 18:3

Anei srăng jing mnơ̆ng mơ̆ng phung ƀuôn sang pioh kơ phung khua ngă yang mơ̆ng phung myơr mnơ̆ng ngă yang thâodah sa drei êmô knô amâodah sa drei biăp: diñu srăng brei kơ khua ngă yang mra, dua nah miêng, leh anăn êhŭng.

Klei Mtô Mñă Klei Bhiăn 18:4

Diih srăng brei kơ ñu boh hlâo hlang mơ̆ng mdiê, kpiê mrâo, leh anăn êa prăi boh ôliwơ diih, leh anăn mlâo biăp diih kăp tal êlâo.

Klei Mtô Mñă Klei Bhiăn 26:2

brei diih mă đa đa boh hlâo hlang mơ̆ng jih jang boh mơ̆ng lăn, boh diih pĕ hlăm ala čar ih Yêhôwa Aê Diê diih brei leh kơ diih, dưm hlăm sa boh bai leh anăn nao kơ anôk Yêhôwa Aê Diê diih srăng ruah, čiăng brei anăn ñu dôk tinăn.

Klei Mtô Mñă Klei Bhiăn 32:14

Êa ksâo êmô êkŏ, leh anăn êa ksâo mơêa biăp mbĭt hŏng prăi êđai biăp leh anăn biăp knô, mơ̆ng čar Basan leh anăn lu bê knô, mbĭt hŏng mdiê ƀlê jăk hĭn — leh anăn ih mnăm leh êrah boh kriăk ƀâo, djêt leh jing kpiê.