Klei Yap 17:5 - Klei Aê Diê Blŭ 2015

⁵ Giê mnuih Kâo ruah srăng bi mnga; snăn Kâo srăng bi ruê̆ ti anăp Kâo klei phung ƀuôn sang Israel blŭ dŭñ dŭñ bi kdơ̆ng hŏng ih.”

Klei Yap 17:5 Iomraidhean Croise

II Klei Yăl Dliê 26:16

Ƀiădah tơdah ñu jing ktang leh, ñu dơ̆ng mgao, klei anăn bi luč ñu. Kyuadah ñu amâo dôk sĭt suôr ôh hŏng Yêhôwa Aê Diê ñu, leh anăn mŭt hlăm sang yang Yêhôwa čiăng čuh mnơ̆ng ƀâo mngưi ti knưl mnơ̆ng ƀâo mngưi.

Y-Êsra 2:62

Phung anăn duah klei arăng čih anăn diñu hlăm hdruôm hră găp djuê, ƀiădah arăng amâo ƀuh tinăn ôh, kyua anăn arăng hngah diñu jing khua ngă yang, jing phung amâo doh.

Klei Mmuñ Hđăp 105:26

Ñu tiŏ nao Y-Môis, dĭng buăl Ñu, leh anăn Y-Arôn, pô Ñu ruah leh.

Klei Kbiă 16:7

Leh anăn ti aguah diih srăng ƀuh klei guh kơang Yêhôwa, kyuadah Ñu hmư̆ leh klei diih blŭ dŭñ dŭñ kơ Yêhôwa. Kyuadah hlei hmei jing tơl brei diih blŭ dŭñ dŭñ kơ hmei?”

Y-Êsai 11:1

Sa ƀĕ kƀiêng srăng čăt mơ̆ng phŭn Y-Yêsê, leh anăn sa ƀĕ Adhan srăng čăt mơ̆ng agha ñu leh anăn mboh.

Y-Êsai 13:11

Kâo srăng bi kmhal lăn ala kyua klei jhat diñu, leh anăn phung ƀai kyua klei wê diñu. Kâo srăng bi ruê̆ klei mgao phung krưh, leh anăn Kâo srăng mdlưh klei mgao phung ngă ƀai.

Y-Êsai 27:6

Hlăm ênuk êdei phung Yakôp srăng mtrŭn agha, phung Israel srăng bi mnga leh anăn bi kƀiêng, leh anăn diñu srăng lŏ bi bŏ lăn ala hŏng boh.

Y-Êsai 5:24

Kyuanăn, msĕ si êlah pui ƀơ̆ng adrăng, leh anăn msĕ si êlah pui čuh rơ̆k krô, msĕ snăn mơh agha diñu srăng jing msĕ si mnơ̆ng brŭ rai, leh anăn mnga diñu srăng đung msĕ si ƀruih lăn; kyuadah diñu hngah leh klei bhiăn Yêhôwa kơ phung kahan, leh anăn bi êmut klei Pô Doh Jăk Israel blŭ.

Y-Êsêkiêl 16:41

Diñu srăng čuh sang ih leh anăn phat kđi ih ti anăp ală lu phung mniê. Kâo srăng kơ̆ng ih amâo brei ngă knhông ôh, leh anăn ih amâo srăng lŏ brei klei mưn ôh kơ phung piu ih.

Y-Êsêkiêl 23:27

Snăn yơh Kâo srăng bi ruê̆ klei ih tluh ƀô leh anăn klei ngă knhông ih djă ba leh mơ̆ng čar Êjip; snăn ih amâo srăng kngưr ală ih kơ phung Êjip amâodah lŏ hdơr kơ diñu ôh.’

Y-Ôsê 14:5

Kâo srăng jing msĕ si êa nguôm kơ phung Israel, diñu srăng bi mnga msĕ si mnga lili, diñu srăng bi agha msĕ si ana kyâo sêdar čar Liƀan.

Klei Yap 1:51

Tơdah sang čhiăm đuĕ nao, phung Lêwi srăng ruh gơ̆; tơdah truh anôk lŏ mdơ̆ng sang čhiăm, phung Lêwi srăng mdơ̆ng gơ̆. Tơdah pô mkăn hriê giăm, brei arăng bi mdjiê ñu.

Klei Yap 11:1

Phung ƀuôn sang blŭ dŭñ dŭñ kơ knga Yêhôwa kyua klei dleh diñu. Tơdah Yêhôwa hmư̆ klei anăn, Ñu čuh ai ngêñ, leh anăn pui Yêhôwa čuh ti krah diñu, leh anăn ƀơ̆ng ti knhal wăl.

Klei Yap 16:11

Kyua anăn ih leh anăn jih jang phung bi kƀĭn mbĭt hŏng ih bi kƀĭn čiăng bi kdơ̆ng hŏng Yêhôwa yơh. Hlei Y-Arôn jing tơl diih blŭ dŭñ dŭñ bi kdơ̆ng hŏng ñu?”

Klei Yap 16:5

leh anăn ñu lač kơ Y-Kôrê leh anăn kơ jih jang phung gơ̆, “Aguah mgi Yêhôwa srăng bi êdah hlei pô jing dŏ ñu, leh anăn hlei pô jing doh jăk, leh anăn srăng brei pô anăn nao giăm ñu; pô ñu srăng ruah ñu srăng brei nao giăm ñu.

Klei Yap 17:10

Yêhôwa lač kơ Y-Môis, “Lŏ dưm giê Y-Arôn ti anăp hip klei bi mguôp, čiăng pioh jing sa mnơ̆ng bi knăl kơ phung bi kdơ̆ng, čiăng kơ ih bi ruê̆ klei diñu blŭ dŭñ dŭñ bi kdơ̆ng hŏng Kâo, huĭdah diñu djiê.”

Klei Yap 17:6

Y-Môis blŭ kơ phung ƀuôn sang Israel, leh anăn jih jang khua diñu brei giê kơ ñu, sa ƀĕ grăp čô khua tui si sang aê phŭn diñu, mâo pluh dua ƀĕ giê; leh anăn giê Y-Arôn dôk mbĭt hŏng giê diñu.

Klei Yap 17:8

Tơl si mgi Y-Môis mŭt hlăm sang čhiăm klei bi mguôp. Nĕ anei, giê Y-Arôn kơ sang Lêwi bi ktlah kƀiêng bi atŭt mnga leh anăn bi mnga, leh anăn mâo boh amandê ksă.

I Kôrantô 10:10

Đăm blŭ dŭñ dŭñ ôh msĕ si đa đa diñu, leh anăn Pô Bi Rai bi mdjiê diñu.

Y-Yôsuê 4:7

Hlăk anăn diih srăng lač kơ diñu, Êa krông Yurdan khuôt hĕ ti anăp hip klei bi mguôp Yêhôwa; tơdah hip găn êa krông Yurdan, êa khuôt hĕ. Snăn yơh boh tâo anei srăng jing nanao sa klei bi hdơr kơ phung ƀuôn sang Israel.”