Klei Yap 16:5 - Klei Aê Diê Blŭ 2015

⁵ leh anăn ñu lač kơ Y-Kôrê leh anăn kơ jih jang phung gơ̆, “Aguah mgi Yêhôwa srăng bi êdah hlei pô jing dŏ ñu, leh anăn hlei pô jing doh jăk, leh anăn srăng brei pô anăn nao giăm ñu; pô ñu srăng ruah ñu srăng brei nao giăm ñu.

Klei Yap 16:5 Iomraidhean Croise

Klei Mmuñ Hđăp 105:26

Ñu tiŏ nao Y-Môis, dĭng buăl Ñu, leh anăn Y-Arôn, pô Ñu ruah leh.

Klei Mmuñ Hđăp 115:10

Ơ sang Y-Arôn, knang bĕ kơ Yêhôwa; Ñu jing Pô đru leh anăn khil diih.

Klei Mmuñ Hđăp 65:4

Jăk mơak yơh pô Ih ruah leh anăn brei gơ̆ nao giăm Ih, čiăng brei gơ̆ dôk hlăm wăl sang Ih! Hmei srăng trei hŏng klei jăk sang Ih, sang yang doh jăk Ih.

Klei Kbiă 28:1

“Brei ayŏng ih Y-Arôn hriê kơ ih mbĭt hŏng phung anak êkei ñu mơ̆ng ti krah phung ƀuôn sang Israel, čiăng pioh diñu kơ bruă Kâo jing phung khua ngă yang: Y-Arôn leh anăn phung anak êkei ñu Y-Nadap, Y-Abihu, Y-Êlêasar, leh anăn Y-Ithamar.

Klei Kbiă 28:41

Brei ih bi hơô čhiăm ao anăn kơ ayŏng ih Y-Arôn leh anăn kơ phung anak êkei ñu mbĭt hŏng ñu. Brei ih trôč êa ƀâo mngưi ti diñu pioh brei diñu, leh anăn bi doh jăk diñu, čiăng kơ diñu dưi mă bruă kơ Kâo, jing phung khua ngă yang.

Klei Kbiă 28:43

Y-Arôn leh anăn phung anak êkei ñu srăng čŭt čhum anăn tơdah diñu mŭt hlăm sang čhiăm klei bi kƀĭn, amâodah tơdah diñu nao giăm knưl čiăng mă bruă hlăm anôk doh jăk, huĭdah diñu bi msoh diñu pô leh anăn djiê. Klei anei jing klei bhiăn hlŏng lar kơ Y-Arôn leh anăn kơ phung anak čô ñu êdei.”

Y-Yêrêmi 30:21

Khua diñu srăng jing sa čô hlăm phung diñu pô; mtao diñu srăng kbiă hriê mơ̆ng ti krah diñu. Kâo srăng brei ñu hriê giăm Kâo, leh anăn ñu srăng truh, kyuadah hlei jhŏng hriê giăm Kâo tơdah Kâo amâo jak ñu ôh?’ Yêhôwa lač.

Y-Yêrêmi 49:19

Nĕ anei, msĕ si sa drei êmông gu hriê mơ̆ng kmrơ̆ng kpal êa krông Yurdan čiăng nao kơ anôk lăn dap mdrŏng sah, bhiâo riâo rit Kâo srăng brei phung Êđôm êran đuĕ mơ̆ng čar, leh anăn Kâo srăng dưm khua kiă kriê hlei pô Kâo ruah. Kyuadah hlei pô jing msĕ si Kâo? hlei pô dưi bi kdơ̆ng hŏng Kâo? Hlei mgăt biăp dưi dôk dơ̆ng ti anăp Kâo?

Y-Yêrêmi 50:44

Nĕ anei, msĕ si sa drei êmông gu hriê mơ̆ng kmrơ̆ng kpal êa krông Yurdan čiăng nao kơ anôk lăn dap mdrŏng sah, bhiâo riâo rit Kâo srăng brei digơ̆ êran đuĕ mơ̆ng ñu. Leh anăn Kâo srăng mdưm khua kiă kriê digơ̆ hlei pô Kâo čiăng. Kyuadah hlei pô jing msĕ si Kâo? hlei pô dưi bi kdơ̆ng hŏng Kâo? Hlei mgăt biăp dưi dôk dơ̆ng ti anăp Kâo?”

Y-Êsêkiêl 40:46

Adŭ mâo ƀô̆ phă dưr pioh kơ phung khua ngă yang kiă knưl; phung anei jing phung anak čô Y-Sadôk, hjăn phung diñu yơh ti krah phung anak êkei Y-Lêwi dưi hriê giăm Yêhôwa čiăng mă bruă kơ Ñu.”

Y-Êsêkiêl 43:19

ih srăng brei sa drei êmô knô pioh kơ mnơ̆ng myơr kyua klei soh kơ phung khua ngă yang Lêwi hlăm găp djuê Y-Sadôk, phung hriê giăm čiăng mă bruă kơ Kâo,’ Yêhôwa Aê Diê lač.

Y-Êsêkiêl 45:4

Kdrêč anăn srăng jing kdrêč doh jăk hlăm čar pioh kơ phung khua ngă yang, phung mă bruă hlăm adŭ doh jăk leh anăn nao giăm Yêhôwa čiăng mă bruă kơ Gơ̆, leh anăn kdrêč anăn srăng jing anôk pioh ngă sang diñu leh anăn anôk doh jăk pioh kơ adŭ doh jăk.

Bruă Lêwi 10:3

Leh anăn Y-Môis lač kơ Y-Arôn, “Klei anei Yêhôwa lač leh, ‘Kâo srăng bi êdah Kâo pô doh jăk ti krah phung hriê giăm Kâo, leh anăn Kâo srăng mâo klei mpŭ ti anăp jih jang phung ƀuôn sang.’ ” Y-Arôn dôk ñăt.

Bruă Lêwi 8:2

“Atăt ba Y-Arôn leh anăn phung anak êkei ñu mbĭt hŏng ñu, čhiăm ao, êa ƀâo mngưi pioh trôč, êmô knô myơr kyua klei soh, dua drei biăp knô, leh anăn bai dưm kpŭng amâo mâo kpei,

Y-Malaki 3:18

Leh anăn lŏ sa blư̆ diih srăng yap mdê phung kpă ênô hŏng phung ƀai, phung mă bruă kơ Aê Diê hŏng phung amâo mă bruă kơ Ñu ôh.”

Klei Yap 16:3

Diñu bi kƀĭn mbĭt bi kdơ̆ng hŏng Y-Môis leh anăn Y-Arôn leh anăn lač kơ digơ̆, “Diih ngă leh êbeh đei! Kyuadah jih jang phung bi kƀĭn jing doh jăk, grăp čô diñu, leh anăn Yêhôwa dôk ti krah diñu. Snăn si ngă diih bi mđĭ diih pô ti dlông hĭn kơ phung ƀuôn sang Yêhôwa bi kƀĭn?”

Klei Yap 16:6

Ngă bĕ klei anei: Y-Kôrê leh anăn jih jang phung ih, mă bĕ mtĭl čuh mnơ̆ng ƀâo mngưi.

Klei Yap 17:5

Giê mnuih Kâo ruah srăng bi mnga; snăn Kâo srăng bi ruê̆ ti anăp Kâo klei phung ƀuôn sang Israel blŭ dŭñ dŭñ bi kdơ̆ng hŏng ih.”

Klei Yap 17:8

Tơl si mgi Y-Môis mŭt hlăm sang čhiăm klei bi mguôp. Nĕ anei, giê Y-Arôn kơ sang Lêwi bi ktlah kƀiêng bi atŭt mnga leh anăn bi mnga, leh anăn mâo boh amandê ksă.

Y-Yôhan 15:16

Diih amâo tuôm ruah Kâo ôh, ƀiădah Kâo ruah leh diih leh anăn pioh brei diih čiăng kơ diih nao leh anăn mboh, leh anăn brei boh diih ăt dôk; čiăng kơ ya klei diih akâo kơ Ama hlăm anăn Kâo, Ñu dưi brei klei anăn kơ diih.

Bruă Phung Khua Ƀĭng Kna 1:2

truh ti hruê Aê Diê pŭ ba Ñu kơ dlông, leh Ñu brei klei mtă hŏng Yang Mngăt Jăk kơ phung khua ƀĭng kna Ñu ruah leh.

Bruă Phung Khua Ƀĭng Kna 1:24

Leh anăn diñu wah lač, “Ơ Khua Yang, Pô thâo leh ai tiê jih jang mnuih, bi êdah kơ hmei hlei pô hlăm dua čô anei ih ruah,

Bruă Phung Khua Ƀĭng Kna 13:2

Êjai diñu kkuh mpŭ kơ Khua Yang leh anăn kăm ƀơ̆ng huă, Yang Mngăt Jăk lač, “Pioh brei kơ Kâo Y-Barnabas leh anăn Y-Sôl kơ bruă Kâo iêô digơ̆ leh.”

Bruă Phung Khua Ƀĭng Kna 15:7

Leh mâo klei trông čhai lu, Y-Pêtrôs kgŭ dơ̆ng leh anăn lač kơ diñu, “Ơ phung ayŏng adei, diih thâo leh hlăk êlâo Aê Diê ruah kâo mơ̆ng phung diih, čiăng kơ hŏng klei kâo mtô klei mrâo mrang jăk, phung tue dưi hmư̆ leh anăn đăo.

Bruă Phung Khua Ƀĭng Kna 22:14

Ñu lač, ‘Aê Diê phung aê drei čuăn leh ih brei thâo klei Ñu čiăng, brei ƀuh Pô Kpă, leh anăn brei hmư̆ asăp ƀăng êgei Gơ̆ blŭ;

Êphêsô 2:13

Mphŭn dô diih dôk kbưi, ƀiădah ară anei hlăm Krist Yêsu diih dôk giăm leh kyua hŏng êrah Krist.

II Y-Timôthê 2:19

Ƀiădah atur Aê Diê ăt dôk kjăp, mâo klei kđăm anei: “Khua Yang thâo kral hlei phung jing dŏ Ñu,” leh anăn “Brei grăp čô hlei pô iêô anăn Khua Yang, đuĕ kbưi mơ̆ng klei soh.”

Hêbrơ 12:14

Tui duah bĕ klei êđăp ênang hŏng jih jang mnuih, leh anăn klei doh jăk, tơdah kƀah klei anăn amâo mâo sa čô srăng ƀuh Khua Yang ôh.

Klei Bi Êdah 1:6

leh anăn mjing drei sa boh ƀuôn ala mtao, phung khua ngă yang kơ Aê Diê, Ama Ñu, kơ Ñu yơh brei klei guh kơang leh anăn klei dưi kiă kriê nanao hlŏng lar. Amen.

I Y-Samuel 2:28

Kâo ruah ñu leh mơ̆ng jih jang phung găp djuê Israel brei ñu jing khua ngă yang Kâo, đĭ kơ knưl Kâo, čuh mnơ̆ng ƀâo mngưi, hơô ao êphôt ti anăp Kâo; leh anăn Kâo brei leh kơ sang aê ih jih jang mnơ̆ng arăng myơr kơ Kâo brei pui ƀơ̆ng mơ̆ng phung ƀuôn sang Israel.