Klei Yap 16:3 - Klei Aê Diê Blŭ 2015

³ Diñu bi kƀĭn mbĭt bi kdơ̆ng hŏng Y-Môis leh anăn Y-Arôn leh anăn lač kơ digơ̆, “Diih ngă leh êbeh đei! Kyuadah jih jang phung bi kƀĭn jing doh jăk, grăp čô diñu, leh anăn Yêhôwa dôk ti krah diñu. Snăn si ngă diih bi mđĭ diih pô ti dlông hĭn kơ phung ƀuôn sang Yêhôwa bi kƀĭn?”

Klei Yap 16:3 Iomraidhean Croise

Y-Êsra 9:2

Kyuadah diñu mă leh đa đa mơ̆ng phung anak mniê digơ̆ brei jing mô̆ kơ diñu pô leh anăn kơ phung anak êkei diñu, tơl găp djuê doh jăk bi lŭk leh diñu pô hŏng phung ƀuôn sang hlăm čar. Hlăm klei amâo dôk sĭt suôr anei phung khua leh anăn phung khua knơ̆ng hlăm phung ƀuôn sang jing phung êlâo hĭn ngă klei anăn.”

Klei Mmuñ Hđăp 106:16

Diñu nač kơ Y-Môis ti anôk diñu jưh, wăt kơ Y-Arôn, pô doh jăk Yêhôwa,

Klei Mmuñ Hđăp 68:17

Hŏng lu klăk klai êdeh aseh; Khua Yang hriê mơ̆ng čư̆ Sinai truh kơ anôk doh jăk Ñu.

Klei Kbiă 19:6

bi diih srăng jing kơ Kâo sa boh ƀuôn ala mtao phung khua ngă yang leh anăn sa phung găp djuê doh jăk. Snăn jing klei brei ih blŭ kơ phung anak Israel.’ ”

Klei Yap 14:14

leh anăn diñu srăng hưn kơ phung ƀuôn sang čar anei. Ơ Yêhôwa, diñu hmư̆ leh kơ Ih dôk ti krah phung ƀuôn sang anei; kyuadah Ih bi êdah leh brei arăng ƀuh Ih, Ơ Yêhôwa, knam Ih dôk ti dlông diñu leh anăn Ih êbat ti anăp diñu hlăm kmeh knam êjai hruê leh anăn hlăm kmeh pui êjai mlam.

Klei Yap 16:11

Kyua anăn ih leh anăn jih jang phung bi kƀĭn mbĭt hŏng ih bi kƀĭn čiăng bi kdơ̆ng hŏng Yêhôwa yơh. Hlei Y-Arôn jing tơl diih blŭ dŭñ dŭñ bi kdơ̆ng hŏng ñu?”

Klei Yap 16:41

Ƀiădah tơl si mgi jih jang phung ƀuôn sang Israel bi kƀĭn blŭ dŭñ dŭñ bi kdơ̆ng hŏng Y-Môis leh anăn Y-Arôn, lač, “Diih bi mdjiê leh phung ƀuôn sang Yêhôwa.”

Klei Yap 16:7

Mgi dưm pui hlăm mtĭl anăn leh anăn dưm mnơ̆ng ƀâo mngưi hlăm anăn ti anăp Yêhôwa, leh anăn pô Yêhôwa srăng ruah jing pô doh jăk. Diih ngă leh êbeh đei, Ơ phung anak êkei Lêwi!”

Klei Yap 23:21

Ñu amâo ƀuh ôh klei dleh hlăm phung Yakôp; kăn Ñu ƀuh klei rŭng răng rei hlăm phung Israel. Yêhôwa Aê Diê diñu dôk mbĭt hŏng diñu, leh anăn klei mtao driâo hơ̆k dôk ti krah diñu.

Klei Yap 35:34

Đăm bi čhŏ lăn diih dôk ôh, hlăm lăn anăn Kâo pô dôk; kyuadah Kâo, Yêhôwa dôk ti krah phung ƀuôn sang Israel.”

Klei Yap 5:3

Brei diih suôt phung êkei wăt mniê, suôt diñu kơ êngao wăl, snăn diñu amâo srăng bi čhŏ wăl diñu ôh, ti krah anôk anăn Kâo dôk.”

Bruă Phung Khua Ƀĭng Kna 7:39

Phung aê drei amâo čiăng gưt kơ Y-Môis ôh, ƀiădah hngah hĕ ñu, leh anăn ai tiê digơ̆ čiăng wĭt kơ čar Êjip.

Bruă Phung Khua Ƀĭng Kna 7:51

Ơ phung ƀuôn sang khăng kŏ, ai tiê leh anăn knga amâo mâo khăt klĭt ôh. Diih bi kdơ̆ng nanao hŏng Yang Mngăt Jăk. Msĕ si phung aê diih ngă leh, diih ngă msĕ mơh.