Klei Yap 16:14 - Klei Aê Diê Blŭ 2015

¹⁴ Leh anăn ih amâo atăt hmei mŭt ôh hlăm sa boh čar mâo mnơ̆ng ƀơ̆ng huă mnăm êbeh dlai, kăn brei rei kơ hmei hma leh anăn phŭn boh kriăk ƀâo jing ngăn dưn. Ih srăng ƀlêč mơ̆ ală phung hmei. Hmei amâo srăng nao ôh.”

Klei Yap 16:14 Iomraidhean Croise

Bruă Lêwi 20:24

Ƀiădah Kâo lač leh kơ diih, “Diih srăng dưn čar diñu, leh anăn Kâo srăng brei diih mâo gơ̆, sa boh čar mâo mnơ̆ng ƀơ̆ng huă mnăm êbeh dlai.” Kâo jing Yêhôwa Aê Diê diih, Pô bi ktlah leh diih mơ̆ng phung ƀuôn sang mkăn.

I Y-Samuel 11:2

Ƀiădah Y-Nahas, sa čô Amôn, wĭt lač kơ diñu, “Kâo srăng ngă klei bi mguôp hŏng diih knŏng tơdah kâo ƀlêč jih jang ală hnuă diih, leh anăn msĕ snăn kâo bi hêñ jih jang phung Israel.”

Phung Khua Phat Kđi 16:21

Phung Philistin mă gơ̆, ƀlêč ală gơ̆, atăt gơ̆ kơ ƀuôn Gasa, leh anăn čăp gơ̆ hŏng klei săng đai kông. Gơ̆ kwă êsŭng tăp hlăm sang war mnă.

Klei Yap 20:5

Leh anăn si ngă ih brei hmei kbiă leh mơ̆ng čar Êjip, čiăng atăt hmei kơ anôk jhat anei? Anei amâo djŏ anôk dưi buh mdiê, pla ana boh hra, pla phŭn boh kriăk ƀâo, pla ana boh pom granat ôh; leh anăn amâo mâo êa mnăm ôh?”

Klei Kbiă 23:11

Ƀiădah thŭn tal kjuh brei ih lui hma mdei leh anăn amâo buh pla ôh, čiăng kơ phung ƀun hlăm phung ƀuôn sang ih dưi ƀơ̆ng huă; leh anăn hlô mnơ̆ng dưi ƀơ̆ng dŏ adôk. Brei ih ngă msĕ mơh kơ đang boh kriăk ƀâo leh anăn kơ đang boh ôliwơ ih.

Klei Kbiă 22:5

Tơdah sa čô mnuih brei mnơ̆ng ñu rông hiu ƀơ̆ng hlăm hma amâodah hlăm sa bĭt đang boh kriăk ƀâo pô mkăn, amâodah mnơ̆ng ñu hiu ƀơ̆ng hma pô mkăn, ñu srăng bi hnô hŏng mnơ̆ng jăk hĭn hlăm hma ñu amâodah hlăm đang boh kriăk ƀâo ñu.

Klei Kbiă 3:17

Leh anăn Kâo ƀuăn Kâo srăng brei diih kbiă mơ̆ng klei knap čar Êjip, nao kơ čar phung Kanaan, phung Hitit, phung Amôrit, phung Pêrisit, phung Hiwit, leh anăn phung Jêbusit, sa boh čar bŏ dlai hŏng êa ksâo leh anăn êa hnuê.’

Klei Kbiă 3:8

leh anăn Kâo trŭn čiăng bi mtlaih diñu mơ̆ng kngan phung Êjip, leh anăn atăt diñu kbiă mơ̆ng čar anăn, đĭ nao kơ čar jăk leh anăn prŏng, kơ čar mâo mnơ̆ng ƀơ̆ng huă mnăm êbeh dlai, kơ anôk phung Kanaan, phung Hitit, phung Amôrit, phung Pêrisit, phung Hiwit, leh anăn phung Jêbusit.

Klei Kbiă 23:10

“Êjai năm thŭn brei ih buh pla hlăm hma ih, leh anăn puôt wiă.

Klei Yap 13:27

Diñu hưn kơ Y-Môis, “Hmei truh leh kơ čar ih tiŏ hmei nao; čar anăn mâo mnơ̆ng ƀơ̆ng huă mnăm êbeh dlai sĭt, leh anăn nĕ anei boh mơ̆ng čar anăn.

Klei Yap 14:8

Tơdah Yêhôwa mơak hŏng drei, Ñu srăng atăt drei mŭt hlăm ala čar anăn leh anăn brei gơ̆ kơ drei, sa boh ala čar mâo mnơ̆ng ƀơ̆ng huă mnăm êbeh dlai.