Klei Yap 16:13 - Klei Aê Diê Blŭ 2015

¹³ Djŏ mơ̆ jing sa klei điêt klei ih brei hmei kbiă mơ̆ng čar mâo mnơ̆ng ƀơ̆ng huă mnăm êbeh dlai, čiăng bi mdjiê hmei hlăm kdrăn tač, čiăng mjing ih pô khua hmei?

Klei Yap 16:13 Iomraidhean Croise

Klei Kbiă 1:11

Snăn arăng mdưm phung khua bruă kiă diñu, čiăng bi knap diñu hŏng bruă ktrŏ. Diñu ngă ƀuôn hjiê kơ Pharaôn, ƀuôn Pithôm, leh anăn ƀuôn Ramse.

Klei Kbiă 1:22

Pharaôn mtă kơ jih jang phung ƀuôn sang ñu, “Brei diih hwiê hlăm êa krông Nil grăp čô anak êkei phung Hêbrơ srăng kkiêng, ƀiădah lui grăp čô anak mniê dôk hdĭp.”

Klei Kbiă 16:3

Phung ƀuôn sang Israel lač kơ diñu, “Jăk hĭn drei djiê leh hŏng kngan Yêhôwa hlăm čar Êjip, êjai drei dôk gŭ giăm gŏ čĭm leh anăn ƀơ̆ng tơl trei; kyuadah diih atăt hmei leh hlăm kdrăn tač anei čiăng bi mdjiê hŏng klei êpa jih jang phung bi kƀĭn anei.”

Klei Kbiă 17:3

Ƀiădah phung ƀuôn sang mhao êa snăk, leh anăn blŭ dŭñ dŭñ kơ Y-Môis. Diñu lač, “Si ngă ih atăt hmei kbiă mơ̆ng čar Êjip čiăng bi mdjiê hmei, phung anak hmei, leh anăn mnơ̆ng hmei rông hŏng klei mhao êa?”

Klei Kbiă 2:14

Mnuih anăn lŏ wĭt lač, “Hlei brei ih jing khua leh anăn khua phat kđi kơ hmei? Ih mĭn bi mdjiê kâo msĕ si ih bi mdjiê leh sa čô Êjip anăn mơ̆?” Leh anăn Y-Môis huĭ leh anăn lač, “Sĭt nik arăng thâo leh klei anăn.”

Klei Kbiă 2:23

Sui êdei tinăn mtao Êjip djiê. Leh anăn phung ƀuôn sang Israel krao kyua klei jing hlŭn, leh anăn diñu ur krao čiăng mâo klei đru, klei diñu ur krao đĭ trul kơ Aê Diê.

Y-Êsêkiêl 34:18

Amâo djăp ôh hĕ diih ƀơ̆ng rơ̆k hlăm anôk kdrăn jăk, tơl diih juă hŏng jơ̆ng diih kdrăn rơ̆k diih ăt dôk? Amâo djăp ôh hĕ diih mnăm êa êngeh, tơl diih bi êkăl hŏng jơ̆ng diih êa ăt dôk?

Klei Yap 11:20

ƀiădah jih sa mlan, tơl čĭm anăn kbiă ti ƀăng adŭng diih leh anăn tơl diih bi êmut kơ dŏ anăn, kyuadah diih hngah leh Yêhôwa, pô dôk ti krah diih, leh anăn hia leh ti anăp Ñu, lač, “Si ngă hmei kbiă hĕ leh mơ̆ng čar Êjip?” ’ ”

Klei Yap 11:4

Phung tue dôk ti krah phung Israel mâo klei mhao tluh snăk; leh anăn wăt phung ƀuôn sang Israel lŏ hia leh anăn lač, “Ơ, čiăng snăk mâo čĭm ƀơ̆ng.

Klei Yap 11:5

Drei hdơr kơ kan drei ƀơ̆ng hơăi mang leh hlăm čar Êjip, kmŭn êa, kmŭn tuk, êsŭn prŏng, êsŭn điêt, leh anăn êsŭn toi;

Klei Yap 13:27

Diñu hưn kơ Y-Môis, “Hmei truh leh kơ čar ih tiŏ hmei nao; čar anăn mâo mnơ̆ng ƀơ̆ng huă mnăm êbeh dlai sĭt, leh anăn nĕ anei boh mơ̆ng čar anăn.

Klei Yap 14:2

Jih jang phung ƀuôn sang Israel blŭ dŭñ dŭñ bi kdơ̆ng hŏng Y-Môis leh anăn Y-Arôn. Jih jang phung bi kƀĭn lač kơ diñu, “Jăk hĭn hmei djiê hĕ leh hlăm čar Êjip! Amâodah jăk hĭn hmei djiê hĕ leh hlăm kdrăn tač anei.

Klei Yap 14:3

Si ngă Yêhôwa brei hmei mŭt hlăm čar anei čiăng brei hmei djiê hĕ hŏng đao gưm? Phung mô̆ anak hmei srăng jing mnơ̆ng diñu plah mă. Amâo djŏ hĕ jing jăk hĭn hmei lŏ wĭt kơ čar Êjip?”

Klei Yap 16:12

Y-Môis tiŏ arăng nao iêô Y-Dathan leh anăn Y-Abiram phung anak êkei Y-Êliap; leh anăn diñu lač, “Hmei amâo srăng nao ôh.

Y-Luk 19:14

Ƀiădah phung ƀuôn sang ñu bi êmut kơ ñu leh anăn tiŏ nao phung dĭng ktang ti tluôn ñu brei lač, ‘Hmei amâo čiăng ôh kơ mnuih anei kiă kriê hmei.’

Bruă Phung Khua Ƀĭng Kna 7:35

Y-Môis anăn, pô digơ̆ hngah leh anăn lač, ‘Hlei mjing ih khua kiă kriê leh anăn khua phat kđi kơ hmei lĕ?’ ñu yơh Aê Diê tiŏ nao jing khua kiă kriê leh anăn pô bi mtlaih hŏng kngan dĭng buăl jăk, pô bi êdah leh kơ ñu hlăm ƀur.