Klei Yap 15:3 - Klei Aê Diê Blŭ 2015

³ leh anăn diih myơr kơ Yêhôwa êmô amâodah biăp sa mnơ̆ng myơr brei pui ƀơ̆ng amâodah sa mnơ̆ng myơr čuh amâodah sa mnơ̆ng ngă yang bi sĭt klei ƀuăn amâodah sa mnơ̆ng myơr hŏng klei čiăng amâodah hlăm hruê knăm diih bi kčah leh, čiăng mkra mnâo ƀâo mngưi kơ Yêhôwa,

Klei Yap 15:3 Iomraidhean Croise

Klei Mphŭn Dơ̆ng 8:21

Khua Yang ƀâo mnâo jăk leh anăn lač hlăm ai tiê Ñu, “Kâo amâo srăng lŏ tăm pah kơ lăn ôh kyua mnuih, kyuadah klei mĭn ai tiê mnuih jing jhat dơ̆ng mơ̆ng ñu hlăk ai; kăn Kâo srăng lŏ bi rai rei jih jang mnơ̆ng hdĭp msĕ si Kâo ngă leh.

Y-Êsra 7:17

Snăn hŏng prăk anei, brei diih blei hŏng klei hur har êmô knô, biăp knô, êđai biăp, mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm digơ̆, leh anăn myơr mnơ̆ng anăn ti dlông knưl sang yang Aê Diê diih hlăm ƀuôn Yêrusalem.

Klei Mmuñ Hđăp 54:6

Kâo srăng myơr mnơ̆ng ngă yang hŏng klei čŏng čiăng kơ Ih, kâo srăng bi mni kơ anăn Ih, Ơ Yêhôwa, kyuadah Ih jing jăk.

Klei Kbiă 29:18

Brei ih čuh jih biăp knô anăn ti dlông knưl. Ñu jing mnơ̆ng myơr čuh kơ Yêhôwa, mnâo ƀâo jăk, mnơ̆ng myơr hŏng pui kơ Yêhôwa.

Klei Kbiă 29:25

Leh anăn brei ih mă hĕ dŏ anăn mơ̆ng kngan diñu, leh anăn čuh dŏ anăn ti dlông knưl lŏ thiăm kơ mnơ̆ng myơr čuh, jing mnâo ƀâo mngưi ti anăp Yêhôwa. Ñu jing mnơ̆ng myơr hŏng pui kơ Yêhôwa.

Klei Kbiă 29:41

Brei ih myơr êđai biăp tal dua ti tlam, mbĭt hŏng mnơ̆ng myơr kpŭng ƀhĭ leh anăn mnơ̆ng myơr tuh msĕ si ti aguah, jing mnâo ƀâo jăk, mnơ̆ng myơr brei pui ƀơ̆ng kơ Yêhôwa.

Bruă Lêwi 10:13

Brei diih ƀơ̆ng gơ̆ hlăm sa bĭt anôk doh jăk, kyuadah gơ̆ jing kdrêč pioh kơ ih leh anăn phung anak êkei ih mơ̆ng mnơ̆ng myơr brei pui ƀơ̆ng kơ Yêhôwa. Kyuadah snăn yơh Yêhôwa mtă leh kơ kâo.

Bruă Lêwi 27:2

“Lač bĕ kơ phung buôn sang Israel, ‘Tơdah sa čô ngă klei ƀuăn myơr mnuih kơ Yêhôwa, tui si ih tĭng ênoh,

Bruă Lêwi 7:16

Ƀiădah tơdah mnơ̆ng ngă yang ñu myơr jing sa mnơ̆ng myơr hŏng klei ƀuăn amâodah mnơ̆ng myơr hŏng klei čiăng, arăng srăng ƀơ̆ng ñu ti hruê arăng myơr mnơ̆ng ngă yang ñu, leh anăn ya mnơ̆ng adôk arăng dưi ƀơ̆ng hruê mgi.

Klei Yap 28:27

Diih srăng myơr mnơ̆ng myơr čuh, mnâo ƀâo mngưi kơ Yêhôwa: dua drei êmô knô dam, sa drei biăp knô, kjuh drei êđai biăp knô mâo sa thŭn;

Klei Yap 29:8

Ƀiădah diih srăng myơr sa mnơ̆ng myơr čuh kơ Yêhôwa, jing mnâo ƀâo mngưi: sa drei êmô knô dam, sa drei biăp knô, kjuh drei êđai biăp knô mâo sa thŭn amâo mâo anôk jhat ôh,

Klei Yap 6:15

leh anăn sa boh bai kpŭng amâo mâo kpei, ƀêñ ngă hŏng kpŭng ƀhĭ bi lŭk hŏng êa boh ôliwơ, leh anăn ƀêñ êpih amâo mâo kpei mia hŏng êa boh ôliwơ, mbĭt hŏng mnơ̆ng myơr kpŭng ƀhĭ wăt mnơ̆ng myơr mnăm.

Y-Mathiơ 3:17

Leh anăn mâo asăp blŭ mơ̆ng adiê lač, “Anei jing Anak Kâo khăp êdimi; hlăm Ñu Kâo mâo klei mơak snăk.”

II Kôrantô 2:15

Kyuadah hmei jing mnâo ƀâo mngưi Krist myơr kơ Aê Diê ti krah phung tlaih leh, leh anăn ti krah phung dôk rai tuč.

II Kôrantô 2:16

Kơ phung dôk rai tuč, hmei jing mnâo mơ̆ng klei djiê brei klei djiê; kơ phung tlaih leh, hmei jing mnâo klei hdĭp brei klei hdĭp. Hlei năng dưi ngă bruă anăn?

Êphêsô 5:2

Êbat bĕ hlăm klei khăp, msĕ si Krist khăp leh kơ drei, leh anăn săn asei mlei Ñu pô kyua drei, jing mnơ̆ng myơr leh anăn mnơ̆ng ngă yang ƀâo mngưi kơ Aê Diê.

Klei Mtô Mñă Klei Bhiăn 12:11

snăn ti anôk Yêhôwa Aê Diê diih srăng ruah brei anăn Ñu dôk, tinăn yơh diih srăng ba jih jang mnơ̆ng kâo mtă kơ diih: mnơ̆ng diih myơr čuh, mnơ̆ng diih ngă yang, mnơ̆ng sa kdrêč hlăm pluh diih leh anăn mnơ̆ng diih myơr, leh anăn jih jang mnơ̆ng myơr bi sĭt klei diih ƀuăn kơ Yêhôwa.

Klei Mtô Mñă Klei Bhiăn 12:17

Ih amâo dưi ƀơ̆ng ôh hlăm ƀuôn ih pô mnơ̆ng sa kdrêč hlăm pluh mơ̆ng mdiê ih, amâodah kpiê, amâodah êa prăi boh ôliwơ, amâodah êđai êmô tal êlâo amâodah êđai biăp tal êlâo ih, amâodah mnơ̆ng ih myơr bi sĭt klei ƀuăn, amâodah mnơ̆ng ih myơr hŏng ai tiê čŏng čiăng, amâodah mnơ̆ng ih myơr mkăn;

Klei Mtô Mñă Klei Bhiăn 12:6

leh anăn tinăn yơh diih srăng ba mnơ̆ng diih myơr čuh, mnơ̆ng diih ngă yang, mnơ̆ng sa kdrêč hlăm pluh, leh anăn mnơ̆ng diih myơr, mnơ̆ng diih myơr bi sĭt klei ƀuăn, mnơ̆ng diih myơr hŏng ai tiê čŏng čiăng, leh anăn êđai êmô leh anăn êđai biăp tal êlâo diih.

Philip 4:18

Kâo mă tŭ ênŭm leh, wăt êbeh hĭn mơh; kâo mâo lu leh, kyuadah kâo mă tŭ leh mơ̆ng Y-Êpaphôdit mnơ̆ng diih mơĭt kơ kâo, jing sa mnơ̆ng myơr ƀâo mngưi, mnơ̆ng ngă yang Aê Diê tŭ leh anăn bi mơak kơ Ñu.