Klei Yap 14:9 - Klei Aê Diê Blŭ 2015

⁹ Knŏng đăm bi kdơ̆ng hŏng Yêhôwa ôh; leh anăn đăm huĭ ôh kơ mnuih ƀuôn sang hlăm ala čar anăn, kyuadah diñu jing mnơ̆ng ƀơ̆ng huă kơ drei; arăng mă hĕ leh klei mgang mơ̆ng diñu, leh anăn Yêhôwa dôk mbĭt hŏng drei; đăm huĭ kơ diñu ôh.”

Klei Yap 14:9 Iomraidhean Croise

Klei Mphŭn Dơ̆ng 48:21

Y-Israel lač kơ Y-Yôsep, “Nĕ anei, kâo dơ̆ng djiê, ƀiădah Aê Diê srăng dôk mbĭt hŏng diih, leh anăn Ñu srăng lŏ atăt diih wĭt kơ čar phung ama diih.

II Klei Yăl Dliê 13:12

Nĕ anei, Aê Diê dôk mbĭt hŏng hmei jing khua hmei, leh anăn phung khua ngă yang Ñu djă ki klei bi blah čiăng ayŭ mtrŭt kơ klei bi blah hŏng diih. Ơ phung anak êkei Israel, đăm bi blah hŏng Yêhôwa Aê Diê phung aê diih ôh, kyuadah diih amâo srăng dưi ôh.”

II Klei Yăl Dliê 15:2

leh anăn ñu kbiă nao bi tuôm hŏng Y-Asa leh anăn lač kơ gơ̆, “Hmư̆ bĕ kâo, Ơ Y-Asa, leh anăn jih jang phung Yuđa leh anăn phung Benjamin: Yêhôwa dôk mbĭt hŏng diih êjai diih dôk mbĭt hŏng Ñu. Tơdah diih duah Ñu, Ñu srăng brei diih ƀuh Ñu; ƀiădah tơdah diih lui Ñu, Ñu srăng lui diih.

II Klei Yăl Dliê 20:17

Diih amâo srăng bi blah ôh; dăp bĕ kahan diih, dôk sa anôk, leh anăn kăp dlăng klei Yêhôwa dưi hlăm klei Ñu bi blah brei kơ diih, Ơ phung Yuđa leh anăn phung dôk hlăm ƀuôn Yêrusalem. Đăm huĭ ôh, leh anăn đăm êdu ai ôh; mgi nao bi tuôm hŏng diñu bĕ, leh anăn Yêhôwa srăng dôk mbĭt hŏng diih.’ ”

II Klei Yăl Dliê 32:8

Ñu mâo sa ƀĕ kngan mnuih; ƀiădah drei mâo Yêhôwa Aê Diê drei čiăng đru bi blah brei kơ drei.” Phung ƀuôn sang mđĭ ai kyua klei Y-Hêsêkia mtao Yuđa blŭ.

Y-Nêhêmi 4:14

Kâo dlăng, leh anăn kgŭ lač kơ phung mdrŏng, kơ phung khua, leh anăn kơ jih jang phung ƀuôn sang, “Đăm huĭ kơ diñu ôh. Hdơr bĕ kơ Yêhôwa, Pô jing prŏng hĭn leh anăn năng huĭ, leh anăn bi blah brei bĕ kơ phung ayŏng adei, kơ phung anak êkei, kơ phung anak mniê, kơ phung mô̆, leh anăn kơ gŏ sang diih.”

Klei Mmuñ Hđăp 106:24

Hlăk anăn diñu bi êmut kơ čar jăk siam; diñu amâo đăo ôh kơ klei Aê Diê ƀuăn.

Klei Mmuñ Hđăp 121:5

Yêhôwa jing Pô kiă kriê ih; Yêhôwa jing êyui tĭng hnuă ih.

Klei Mmuñ Hđăp 14:4

Jih jang phung ngă klei wê amâo mâo klei thâo săng hĕ? Diñu lun ƀơ̆ng phung ƀuôn sang Kâo msĕ si ƀơ̆ng kpŭng, leh anăn amâo iêô wah lač kơ Yêhôwa ôh.

Klei Mmuñ Hđăp 46:11

Yêhôwa kơ phung kahan dôk mbĭt hŏng hmei; Aê Diê Y-Yakôp jing anôk hmei đuĕ dăp. (Sêla)

Klei Mmuñ Hđăp 46:7

Yêhôwa kơ phung kahan dôk mbĭt hŏng hmei; Aê Diê Y-Yakôp jing anôk hmei đuĕ dăp. (Sêla)

Klei Mmuñ Hđăp 46:8

Hriê bĕ, dlăng bruă Yêhôwa, klei bi rai Ñu ngă leh ti lăn ala.

Klei Mmuñ Hđăp 74:14

Ih mơh bi mčah leh boh kŏ lêwiathan; Ih brei ñu jing mnơ̆ng ƀơ̆ng huă kơ hlô mnơ̆ng dôk hlăm kdrăn tač.

Klei Mmuñ Hđăp 91:1

Hlei pô dôk hlăm anôk hgăm Pô Ti Dlông Hĭn srăng mdei ti êyui Pô Mâo Jih Klei Myang.

Klei Kbiă 14:13

Y-Môis lač kơ phung ƀuôn sang, “Đăm huĭ ôh! Dôk kjăp leh anăn kăp dlăng klei bi mtlaih Yêhôwa srăng brei kơ diih hruê anei; kyuadah phung Êjip diih ƀuh hruê anei, diih amâo srăng lŏ ƀuh diñu ôh.

Klei Kbiă 33:16

Kyuadah si arăng srăng thâo sĭt kơ kâo mâo leh klei pap ti anăp ală Ih, kâo leh anăn phung ƀuôn sang Ih? Amâo djŏ hĕ hŏng klei Ih nao mbĭt hŏng hmei, snăn hmei srăng jing phung mdê, kâo leh anăn phung ƀuôn sang Ih, mơ̆ng jih jang phung ƀuôn sang mkăn dôk ti rŏng lăn ala?”

Y-Êsai 1:2

Ơ phung adiê, dôk hmư̆ bĕ! Ơ lăn, mđing bĕ knga! Kyuadah Yêhôwa blŭ leh: “Kâo čiêm leh anăn rông leh phung anak êkei, ƀiădah diñu bi kdơ̆ng hŏng Kâo leh.

Y-Êsai 32:2

Grăp čô srăng jing msĕ si anôk kđap kơ angĭn, anôk hơĭt kơ angĭn êbŭ, msĕ si hnoh êa hlăm anôk thu, msĕ si êyui boh tâo prŏng hlăm lăn thu.

Y-Êsai 41:10

Đăm huĭ ôh, kyuadah Kâo dôk mbĭt hŏng diih. Đăm êdu ai ôh, kyuadah Kâo jing Aê Diê diih. Kâo srăng bi ktang diih, Kâo srăng đru diih. Kâo srăng krơ̆ng diih hŏng kngan hnuă kpă ênô Kâo.

Y-Êsai 41:14

Đăm huĭ ôh, Ơ Y-Yakôp, pô jing msĕ si ênăng, leh anăn diih, Ơ phung êkei Y-Israel! Kâo pô srăng đru diih, Yêhôwa lač, Pô Bi Tui diih, Pô Doh Jăk phung Israel.

Y-Êsai 63:10

Ƀiădah digơ̆ bi kdơ̆ng leh anăn bi ênguôt leh Yang Mngăt Doh Jăk Ñu; kyuanăn Ñu lŏ wir jing roh digơ̆, Ñu pô bi blah hŏng digơ̆.

Y-Yêrêmi 1:19

Diñu srăng bi blah hŏng ih; ƀiădah diñu amâo srăng dưi hŏng ih ôh, kyuadah Kâo dôk mbĭt hŏng ih čiăng bi mtlaih ih,” Yêhôwa lač.

Y-Yêrêmi 42:11

Đăm huĭ ôh kơ mtao Ƀaƀilôn, kơ pô anăn diih huĭ; đăm huĭ kơ ñu ôh, Yêhôwa lač, kyuadah Kâo dôk mbĭt hŏng diih čiăng bi mtlaih diih mơ̆ng kngan ñu.

Y-Yêrêmi 48:45

“Hlăm êyui ƀuôn Hêsbôn phung đuĕ srăng jưh amâo lŏ mâo klei ktang ôh; kyuadah pui kbiă leh mơ̆ng ƀuôn Hêsbôn, êlah pui mơ̆ng sang phung Sihôn; pui anăn bi rai leh adhei čar Môap, leh anăn klang kŏ phung ngă hao hao.

Y-Đaniel 9:5

Hmei ngă soh leh, hmei ngă klei wê, hmei ngă ƀai leh anăn bi kdơ̆ng, hmei lui leh klei Ih čih leh anăn klei Ih mtă.

Y-Đaniel 9:9

Yêhôwa Aê Diê hmei thâo pap leh anăn pap brei, wăt tơdah hmei ngă klei bi kdơ̆ng hŏng Ñu leh.

Klei Yap 13:30

Ƀiădah Y-Kalep brei phung ƀuôn sang dôk ñăt ti anăp Y-Môis leh anăn lač, “Brei drei đĭ nao mtam leh anăn plah mă čar anăn, kyuadah sĭt drei dưi mă čar anăn.”

Klei Yap 17:6

Y-Môis blŭ kơ phung ƀuôn sang Israel, leh anăn jih jang khua diñu brei giê kơ ñu, sa ƀĕ grăp čô khua tui si sang aê phŭn diñu, mâo pluh dua ƀĕ giê; leh anăn giê Y-Arôn dôk mbĭt hŏng giê diñu.

Klei Yap 20:2

Amâo mâo êa ôh kơ phung bi kƀĭn, leh anăn diñu bi kƀĭn mđrăm mbĭt bi kdơ̆ng hŏng Y-Môis leh anăn Y-Arôn.

Klei Yap 24:8

Aê Diê atăt diñu kbiă mơ̆ng ala čar Êjip; Diñu mâo klei ktang msĕ si hlô krŭ. Diñu srăng kĕ ƀơ̆ng phung găp djuê mnuih jing roh diñu, leh anăn srăng bi mčah klang digơ̆ đơ điêt, leh anăn tlŏ digơ̆ hŏng ƀrăm diñu.

Y-Mathiơ 1:23

“Nĕ anei, sa čô mniê êra hrông srăng kkiêng kơ sa čô anak êkei, leh anăn arăng srăng bi anăn gơ̆ Êmanuel,” čiăng lač, “Aê Diê dôk mbĭt hŏng drei.”

Hră Y-Pôl Mơĭt kơ Phung Rôm 8:31

Snăn, ya drei srăng lač kơ klei anei lĕ? Tơdah Aê Diê dôk tĭng kơ drei, hlei pô dưi bi kdơ̆ng hŏng drei?

Klei Mtô Mñă Klei Bhiăn 1:21

Nĕ anei Yêhôwa Aê Diê ih mdơ̆ng brei leh čar ti anăp ih; đĭ mă bĕ tui si Yêhôwa, Aê Diê phung aê ih hưn leh kơ ih; đăm huĭ amâodah êdu ai ôh.’

Klei Mtô Mñă Klei Bhiăn 1:26

Ƀiădah diih amâo čiăng đĭ nao ôh, leh anăn diih bi kdơ̆ng hŏng klei Yêhôwa Aê Diê diih mtă.

Klei Mtô Mñă Klei Bhiăn 1:29

Leh anăn kâo lač leh kơ diih, ‘Đăm diih hyưt leh anăn huĭ kơ diñu ôh.

Klei Mtô Mñă Klei Bhiăn 31:6

Brei jing ktang leh anăn mđĭ ai bĕ. Đăm huĭ amâodah krưp ôh kơ diñu; kyuadah Yêhôwa, Aê Diê diih yơh nao mbĭt hŏng diih; Ñu amâo srăng lui ih amâodah hngah kơ diih ôh.”

Klei Mtô Mñă Klei Bhiăn 31:8

Yêhôwa yơh jing Pô êbat ti anăp ih; Ñu srăng dôk mbĭt hŏng ih, Ñu amâo srăng lui ih amâodah hngah kơ ih ôh. Đăm huĭ amâodah êdu ai ôh.”

Klei Mtô Mñă Klei Bhiăn 32:42

Kâo srăng brei ƀrăm Kâo mnăm êrah tơl msĕ si kpiê ruă, leh anăn đao gưm Kâo srăng ƀơ̆ng kđeh — čiăng lač êrah mnuih arăng koh leh anăn phung mnă, kđeh mơ̆ng boh kŏ phung khua roh.”

Klei Mtô Mñă Klei Bhiăn 7:18

đăm huĭ kơ diñu ôh, ƀiădah brei diih hdơr ya Yêhôwa Aê Diê diih ngă leh kơ Pharaôn leh anăn kơ jih čar Êjip,

Klei Mtô Mñă Klei Bhiăn 7:21

Đăm huĭ kơ diñu ôh, kyuadah Yêhôwa Aê Diê diih dôk ti krah diih, Aê Diê prŏng leh anăn mâo klei krưp.

Klei Mtô Mñă Klei Bhiăn 9:7

“Brei diih hdơr leh anăn đăm wơr bĭt ôh klei diih mčhur leh ai ngêñ Yêhôwa Aê Diê diih hlăm kdrăn tač; mơ̆ng hruê ih kbiă leh mơ̆ng čar Êjip tơl diih truh kơ anôk anei, ih tuôm bi kdơ̆ng leh hŏng Yêhôwa.

Philip 1:27

Knŏng brei diih hdĭp năng hŏng klei mrâo mrang jăk Krist, čiăng kơ thâodah kâo nao čhưn kơ diih amâodah kâo êkŭt, kâo srăng hmư̆ hing kơ diih dôk kjăp sa ai, sa klei mĭn mđrăm mbĭt čiăng mgang klei đăo kơ klei mrâo mrang jăk,

Y-Yôsuê 1:5

Amâo mâo pô srăng dưi bi kdơ̆ng hŏng ih ôh jih jang hruê ih dôk hdĭp. Kâo srăng dôk mbĭt hŏng ih msĕ si Kâo dôk leh mbĭt hŏng Y-Môis; Kâo amâo srăng lui amâodah hngah ih ôh.

Y-Yôsuê 14:12

Snăn ară anei, brei bĕ kơ kâo čư̆ anei, anôk Yêhôwa blŭ leh hlăk anăn; kyuadah ih hmư̆ leh hruê anăn mâo phung Anakim dôk ti anăn, mâo ƀuôn prŏng leh anăn kjăp. Năng ai Yêhôwa srăng dôk mbĭt hŏng kâo, leh anăn kâo srăng suôt diñu tui si Yêhôwa lač leh.”

Phung Khua Phat Kđi 1:22

Sang Yôsep msĕ mơh nao bi blah hŏng ƀuôn Bêthel; leh anăn Yêhôwa dôk mbĭt hŏng diñu.