Klei Yap 14:3 - Klei Aê Diê Blŭ 2015

³ Si ngă Yêhôwa brei hmei mŭt hlăm čar anei čiăng brei hmei djiê hĕ hŏng đao gưm? Phung mô̆ anak hmei srăng jing mnơ̆ng diñu plah mă. Amâo djŏ hĕ jing jăk hĭn hmei lŏ wĭt kơ čar Êjip?”

Klei Yap 14:3 Iomraidhean Croise

Y-Nêhêmi 9:17

Diñu hngah gưt, leh anăn amâo uêñ ôh kơ bruă yuôm bhăn Ih ngă leh ti krah diñu; ƀiădah diñu bi khăng hĕ kŏ diñu leh anăn mdưm sa čô khua čiăng lŏ wĭt kơ klei diñu jing hlŭn hlăm čar Êjip. Ƀiădah Ih jing sa čô Aê Diê djăl thâo pap, thâo hơiêng, leh anăn bŏ hŏng klei jăk, amâo djăl ăl, bŏ hŏng klei khăp sĭt suôr, leh anăn amâo lui hĕ diñu ôh.

Klei Mmuñ Hđăp 78:40

Lu blư̆ diñu bi kdơ̆ng hŏng Aê Diê hlăm anôk dliê êhŏng, lu blư̆ diñu bi ênguôt Aê Diê hlăm kdrăn tač!

Klei Kbiă 16:3

Phung ƀuôn sang Israel lač kơ diñu, “Jăk hĭn drei djiê leh hŏng kngan Yêhôwa hlăm čar Êjip, êjai drei dôk gŭ giăm gŏ čĭm leh anăn ƀơ̆ng tơl trei; kyuadah diih atăt hmei leh hlăm kdrăn tač anei čiăng bi mdjiê hŏng klei êpa jih jang phung bi kƀĭn anei.”

Klei Kbiă 5:21

Diñu lač kơ Y-Môis leh anăn kơ Y-Arôn, “Brei Yêhôwa dlăng kơ diih leh anăn phat kđi, kyuadah diih brei Pharaôn leh anăn phung dĭng buăl ñu bi êmut kơ hmei. Diih dưm leh sa ƀĕ đao gưm hlăm kngan diñu čiăng bi mdjiê hmei.”

Y-Yêrêmi 42:14

leh anăn lač, ‘Hơăi, hmei srăng nao kơ čar Êjip, tinăn hmei amâo srăng ƀuh klei bi blah amâodah hmư̆ asăp ki, amâodah ư̆ êpa ôh, leh anăn hmei srăng dôk tinăn,’

Y-Yêrêmi 42:19

Yêhôwa lač leh kơ diih, ‘Ơ phung Yuđa ăt dôk, Đăm nao ôh kơ čar Êjip.’ Brei diih thâo sĭt hruê anei Kâo hưn brei diih răng,

Y-Yêrêmi 9:3

“Diñu ƀêč êlah diñu msĕ si hna, čiăng mnah klei luar; amâo djŏ ôh klei sĭt nik, ƀiădah klei luar hriê kơ prŏng hlăm čar. Leh diñu ngă sa mta klei soh, lŏ ngă klei soh mkăn, leh anăn diñu amâo thâo kral Kâo ôh,” Yêhôwa lač.

Klei Yap 11:20

ƀiădah jih sa mlan, tơl čĭm anăn kbiă ti ƀăng adŭng diih leh anăn tơl diih bi êmut kơ dŏ anăn, kyuadah diih hngah leh Yêhôwa, pô dôk ti krah diih, leh anăn hia leh ti anăp Ñu, lač, “Si ngă hmei kbiă hĕ leh mơ̆ng čar Êjip?” ’ ”

Klei Yap 16:13

Djŏ mơ̆ jing sa klei điêt klei ih brei hmei kbiă mơ̆ng čar mâo mnơ̆ng ƀơ̆ng huă mnăm êbeh dlai, čiăng bi mdjiê hmei hlăm kdrăn tač, čiăng mjing ih pô khua hmei?

Klei Yap 20:3

Phung ƀuôn sang bi tăng hŏng Y-Môis, lač, “Jăk leh tơdah hmei djiê mbĭt hŏng phung ayŏng adei hmei djiê leh ti anăp Yêhôwa.

Klei Yap 21:5

Phung ƀuôn sang blŭ bi kdơ̆ng hŏng Aê Diê leh anăn hŏng Y-Môis, “Si ngă diih atăt hmei kbiă leh mơ̆ng čar Êjip brei djiê hlăm kdrăn tač? Kyuadah amâo mâo mnơ̆ng ƀơ̆ng huă leh anăn êa mnăm ôh, leh anăn hmei bi êmut kơ mnơ̆ng ƀơ̆ng huă hơăi mang anei.”

Bruă Phung Khua Ƀĭng Kna 7:39

Phung aê drei amâo čiăng gưt kơ Y-Môis ôh, ƀiădah hngah hĕ ñu, leh anăn ai tiê digơ̆ čiăng wĭt kơ čar Êjip.

Klei Mtô Mñă Klei Bhiăn 1:39

Leh anăn phung anak điêt diih, diih lač leh srăng jing knuôp, leh anăn phung anak êkei diih, hruê anei ka tuôm thâo kral klei jăk amâodah klei jhat ôh, srăng mŭt hlăm čar anăn; kâo srăng brei čar anăn kơ digơ̆, leh anăn srăng bha digơ̆.