Klei Yap 14:2 - Klei Aê Diê Blŭ 2015

² Jih jang phung ƀuôn sang Israel blŭ dŭñ dŭñ bi kdơ̆ng hŏng Y-Môis leh anăn Y-Arôn. Jih jang phung bi kƀĭn lač kơ diñu, “Jăk hĭn hmei djiê hĕ leh hlăm čar Êjip! Amâodah jăk hĭn hmei djiê hĕ leh hlăm kdrăn tač anei.

Klei Yap 14:2 Iomraidhean Croise

I Bruă Mtao 19:4

Bi Y-Êli pô, ñu êbat sa hruê hlăm kdrăn tač leh anăn dôk gŭ ti gŭ sa ƀĕ ana kyâo; leh anăn ñu akâo čiăng djiê êjai lač, “Man leh, ară anei, Ơ Yêhôwa, mă bĕ klei hdĭp kâo; kyuadah kâo amâo jing jăk hĭn kơ phung aê kâo ôh.”

Y-Yôp 3:11

Si ngă kâo amâo djiê ôh ti hruê amĭ kkiêng kơ kâo, kbiă mơ̆ng tian amĭ leh anăn hlŏng djiê hĕ?

Klei Mmuñ Hđăp 106:24

Hlăk anăn diñu bi êmut kơ čar jăk siam; diñu amâo đăo ôh kơ klei Aê Diê ƀuăn.

Klei Mmuñ Hđăp 106:25

Diñu blŭ dŭñ dŭñ hlăm sang čhiăm diñu, leh anăn amâo gưt asăp Yêhôwa ôh.

Klei Mmuñ Hđăp 106:45

Ñu pap kơ phung anăn kyua Ñu hdơr klei Ñu bi mguôp leh, leh anăn Ñu pap brei kơ digơ̆ kyua klei khăp Ñu.

Klei Kbiă 14:11

leh anăn lač kơ Y-Môis, “Kyuadah amâo mâo msat ôh hĕ hlăm čar Êjip, snăn ih atăt hmei čiăng kơ hmei djiê hlăm kdrăn tač? Ya ih ngă kơ hmei, brei hmei kbiă mơ̆ng čar Êjip?

Klei Kbiă 15:24

Phung ƀuôn sang blŭ dŭñ dŭñ kơ Y-Môis, lač, “Ya drei srăng mnăm lĕ?”

Klei Kbiă 17:3

Ƀiădah phung ƀuôn sang mhao êa snăk, leh anăn blŭ dŭñ dŭñ kơ Y-Môis. Diñu lač, “Si ngă ih atăt hmei kbiă mơ̆ng čar Êjip čiăng bi mdjiê hmei, phung anak hmei, leh anăn mnơ̆ng hmei rông hŏng klei mhao êa?”

Y-Yôna 4:3

Kyuanăn ară anei, Ơ Yêhôwa, kâo kwưh kơ Ih, bi mdjiê kâo bĕ, kyuadah jăk hĭn kâo djiê mơh hŏng dôk hdĭp.”

Y-Yôna 4:8

Tơdah yang hruê ƀlĕ, Aê Diê brei angĭn hlơr mơ̆ng ngŏ thut, leh anăn yang hruê hơr ti dlông boh kŏ Y-Yôna tơl ñu hwăt. Leh anăn ñu akâo čiăng djiê, kyuadah ñu lač, “Jăk hĭn kơ kâo djiê mơh hŏng dôk hdĭp.”

Klei Yap 11:1

Phung ƀuôn sang blŭ dŭñ dŭñ kơ knga Yêhôwa kyua klei dleh diñu. Tơdah Yêhôwa hmư̆ klei anăn, Ñu čuh ai ngêñ, leh anăn pui Yêhôwa čuh ti krah diñu, leh anăn ƀơ̆ng ti knhal wăl.

Klei Yap 11:15

Tơdah Ih ngă snei hŏng kâo, bi mdjiê bĕ kâo ară anei mtam, tơdah kâo mâo klei pap ti anăp ală Ih, čiăng đăm kâo ƀuh ôh klei knap mñai kâo.”

Klei Yap 11:5

Drei hdơr kơ kan drei ƀơ̆ng hơăi mang leh hlăm čar Êjip, kmŭn êa, kmŭn tuk, êsŭn prŏng, êsŭn điêt, leh anăn êsŭn toi;

Klei Yap 14:1

Jih jang phung bi kƀĭn ur kraih; leh anăn phung ƀuôn sang hia mlam anăn.

Klei Yap 14:22

amâo mâo sa čô hlăm phung ƀuh leh klei guh kơang Kâo leh anăn klei bi knăl Kâo ngă leh hlăm čar Êjip leh anăn hlăm kdrăn tač, ƀiădah ăt lông dlăng leh Kâo pluh blư̆ anei leh anăn amâo dôk hmư̆ asăp Kâo ôh,

Klei Yap 16:13

Djŏ mơ̆ jing sa klei điêt klei ih brei hmei kbiă mơ̆ng čar mâo mnơ̆ng ƀơ̆ng huă mnăm êbeh dlai, čiăng bi mdjiê hmei hlăm kdrăn tač, čiăng mjing ih pô khua hmei?

Klei Yap 16:41

Ƀiădah tơl si mgi jih jang phung ƀuôn sang Israel bi kƀĭn blŭ dŭñ dŭñ bi kdơ̆ng hŏng Y-Môis leh anăn Y-Arôn, lač, “Diih bi mdjiê leh phung ƀuôn sang Yêhôwa.”

Klei Yap 17:6

Y-Môis blŭ kơ phung ƀuôn sang Israel, leh anăn jih jang khua diñu brei giê kơ ñu, sa ƀĕ grăp čô khua tui si sang aê phŭn diñu, mâo pluh dua ƀĕ giê; leh anăn giê Y-Arôn dôk mbĭt hŏng giê diñu.

Klei Yap 20:2

Amâo mâo êa ôh kơ phung bi kƀĭn, leh anăn diñu bi kƀĭn mđrăm mbĭt bi kdơ̆ng hŏng Y-Môis leh anăn Y-Arôn.

Klei Yap 20:3

Phung ƀuôn sang bi tăng hŏng Y-Môis, lač, “Jăk leh tơdah hmei djiê mbĭt hŏng phung ayŏng adei hmei djiê leh ti anăp Yêhôwa.

Klei Yap 20:4

Si ngă ih atăt leh phung Yêhôwa bi kƀĭn hlăm kdrăn tač anei, čiăng kơ hmei djiê tinei, hmei leh anăn hlô mnơ̆ng hmei rông?

Klei Yap 21:5

Phung ƀuôn sang blŭ bi kdơ̆ng hŏng Aê Diê leh anăn hŏng Y-Môis, “Si ngă diih atăt hmei kbiă leh mơ̆ng čar Êjip brei djiê hlăm kdrăn tač? Kyuadah amâo mâo mnơ̆ng ƀơ̆ng huă leh anăn êa mnăm ôh, leh anăn hmei bi êmut kơ mnơ̆ng ƀơ̆ng huă hơăi mang anei.”

I Kôrantô 10:10

Đăm blŭ dŭñ dŭñ ôh msĕ si đa đa diñu, leh anăn Pô Bi Rai bi mdjiê diñu.

Klei Mtô Mñă Klei Bhiăn 1:27

Diih blŭ dŭñ dŭñ hlăm sang čhiăm diih leh anăn lač, ‘Kyuadah Yêhôwa bi êmut kơ drei, snăn Ñu atăt drei kbiă leh mơ̆ng čar Êjip čiăng jao drei hlăm kngan phung Amôrit, čiăng bi rai drei.

Klei Mtô Mñă Klei Bhiăn 9:23

Leh anăn tơdah Yêhôwa tiŏ nao diih mơ̆ng Kadês-Barnê, lač, ‘Đĭ bĕ leh anăn mă bha ala čar Kâo brei leh kơ diih,’ hlăk anăn diih bi kdơ̆ng hŏng klei Yêhôwa Aê Diê diih mtă, leh anăn amâo đăo kơ Ñu leh anăn kăn gưt asăp Ñu rei.

Hêbrơ 3:16

Hlei jing phung hmư̆ ƀiădah ăt bi kdơ̆ng? Amâo djŏ hĕ jih jang phung Y-Môis atăt kbiă leh mơ̆ng čar Êjip?

Y-Yut 1:16

Diñu jing phung blŭ dŭñ dŭñ, amâo thâo dôk mơak ôh, tui hlue klei diñu pô tluh, blŭ kraih bi mni kơ diñu pô, leh anăn blŭ myâo mă mplư phung ƀuôn sang čiăng mâo mnơ̆ng diñu čiăng.