Biblia Todo Logo
Bìoball air-loidhne

- Sanasan -




Klei Yap 14:11 - Klei Aê Diê Blŭ 2015

11 Leh anăn Yêhôwa lač kơ Y-Môis, “Dŭm boh sui phung ƀuôn sang anei srăng bi êmut kơ Kâo? Leh anăn dŭm boh sui diñu amâo srăng đăo kơ Kâo ôh, wăt tơdah jih jang klei bi knăl Kâo ngă leh ti krah diñu dưn?

Faic an caibideil Dèan lethbhreac




Klei Yap 14:11
29 Iomraidhean Croise  

Hlăk anăn diñu bi êmut kơ čar jăk siam; diñu amâo đăo ôh kơ klei Aê Diê ƀuăn.


kyuadah diñu amâo mâo klei đăo kơ Aê Diê ôh, leh anăn amâo knang ôh kơ klei myang klei Gơ̆ bi mtlaih.


Wăt tơdah jih klei anăn truh dưn, diñu ăt ngă soh; wăt tơdah bruă yuôm bhăn Aê Diê ngă, phung Israel amâo đăo ôh.


đăm bi khăng ai tiê diih ôh msĕ si ti Mêriba, msĕ si ti hruê diih dôk ti Masa hlăm kdrăn tač.


Y-Môis leh anăn Y-Arôn nao kơ Pharaôn leh anăn lač kơ ñu, “Snei Yêhôwa, Aê Diê phung Hêbrơ, lač, ‘Dŭm boh sui ih srăng hngah, amâo bi luă gŭ ih pô ti anăp Kâo? Lui phung ƀuôn sang Kâo đuĕ nao, čiăng kơ diñu dưi kkuh mpŭ kơ Kâo.


Leh anăn Yêhôwa lač kơ Y-Môis, “Dŭm boh sui diih srăng hngah amâo tui hlue ôh klei Kâo mtă leh anăn klei bhiăn Kâo?


Răng leh anăn dôk hmư̆ bĕ asăp ñu. Đăm bi kdơ̆ng hŏng ñu ôh, kyuadah ñu amâo srăng pap brei ôh klei ih gao klei bhiăn; kyuadah Anăn Kâo dôk hlăm ñu.


Yêhôwa lač kơ Y-Môis, “Kâo ƀuh leh phung ƀuôn sang anei jing sa phung ƀuôn sang khăng kŏ.


“Ơ phung mluk, dŭm boh sui diih srăng khăp jing mluk? Dŭm boh sui phung mưč srăng mơak hŏng klei diñu mưč, leh anăn phung mluk bi êmut kơ klei thâo mĭn?


Phung ƀuôn sang jhat anei hngah amâo čiăng hmư̆ ôh klei Kâo blŭ jing khăng kŏ tui hlue klei ai tiê diñu pô čiăng leh anăn tui hlue phung yang mkăn čiăng mă bruă leh anăn kkuh mpŭ kơ digơ̆, srăng jing msĕ si čhiăm hyuă kơiêng anei, amâo lŏ thâo yua ôh.


Ơ ƀuôn Yêrusalem, bi doh bĕ ai tiê ih mơ̆ng klei ƀai, čiăng kơ ih dưi tlaih. Dŭm boh sui diih srăng pioh klei mĭn jhat?


Ƀiădah sang Israel bi kdơ̆ng hŏng Kâo hlăm kdrăn tač; diñu amâo êbat tui hlue ôh klei Kâo mtă, ƀiădah hngah leh klei bhiăn Kâo, hŏng klei gưt kơ klei anăn mnuih srăng hdĭp; leh anăn diñu bi msoh leh êgao hnơ̆ng kơ hruê sabat Kâo. Snăn Kâo lač leh Kâo srăng tuh klei Kâo ngêñ ti dlông diñu hlăm kdrăn tač, čiăng bi rai tuč diñu jih.


Kâo hngah leh rup êđai êmô ih, Ơ Samari. Kâo čuh ai ngêñ leh kơ diñu. Dŭm boh sui diñu amâo dưi mâo klei doh jăk ôh?


Kyuadah snei Yêhôwa kơ phung kahan lač: “Msĕ si Kâo čuăn leh ngă klei jhat kơ diih, tơdah phung aê diih mčhur Kâo brei Kâo ngêñ, leh anăn Kâo amâo pap ôh,” Yêhôwa kơ phung kahan lač,


srăng ƀuh čar Kâo kat asei leh čiăng brei kơ phung aê diñu; leh anăn amâo mâo sa čô ôh hlăm phung bi êmut leh kơ Kâo srăng ƀuh čar anăn.


“Dŭm boh sui phung bi kƀĭn jhŏng ƀai anei srăng blŭ dŭñ dŭñ bi kdơ̆ng hŏng Kâo? Kâo hmư̆ leh klei phung ƀuôn sang Israel blŭ dŭñ dŭñ, klei diñu blŭ dŭñ dŭñ bi kdơ̆ng hŏng Kâo.


Leh anăn Yêhôwa čuh ai ngêñ hruê anăn, leh anăn Ñu kat asei lač,


Yêsu lŏ wĭt lač, “Ơ găp djuê amâo mâo klei đăo leh anăn soh, dŭm boh sui Kâo srăng dôk mbĭt hŏng diih? Dŭm boh sui Kâo srăng gĭr hŏng diih? Atăt ba bĕ gơ̆ kơ Kâo tinei.”


Yêsu lŏ wĭt lač kơ diñu, “Ơ găp djuê amâo thâo đăo ôh, dŭm boh sui Kâo srăng dôk mbĭt hŏng diih? Dŭm boh sui Kâo srăng gĭr hŏng diih lĕ? Atăt ba gơ̆ kơ Kâo.”


Ƀiădah tơdah Kâo ngă bruă anăn, wăt tơdah diih amâo đăo kơ Kâo dưn, đăo bĕ kơ bruă anăn, čiăng kơ diih dưi thâo săng kơ Ama dôk hlăm Kâo, leh anăn Kâo dôk hlăm Ama.”


Wăt tơdah Ñu ngă leh lu klei bi knăl yuôm bhăn ti anăp diñu, ăt diñu kăn đăo kơ Ñu rei.


Tơdah Kâo amâo tuôm ngă ti krah diñu bruă pô mkăn amâo tuôm ngă, diñu amâo mâo klei soh ôh. Ƀiădah ară anei diñu ƀuh, leh anăn bi êmut leh kơ Kâo wăt kơ Ama Kâo.


Ƀiădah wăt klei blŭ anăn dưn, diih amâo đăo ôh kơ Yêhôwa Aê Diê diih,


Hlei jing phung hmư̆ ƀiădah ăt bi kdơ̆ng? Amâo djŏ hĕ jih jang phung Y-Môis atăt kbiă leh mơ̆ng čar Êjip?


Leh anăn kơ hlei phung Ñu kat asei amâo brei mŭt mdei mbĭt hŏng Ñu ôh? Amâo djŏ hĕ kơ phung amâo gưt asăp ôh?


đăm bi khăng ai tiê diih ôh msĕ si hlăk hruê arăng bi kdơ̆ng, hlăk hruê mâo klei lông dlăng hlăm kdrăn tač;


Lean sinn:

Sanasan


Sanasan