Klei Yap 13:29 - Klei Aê Diê Blŭ 2015

²⁹ Phung Amalek dôk hlăm čar Dhŭng; phung Hitit, phung Jêbusit, leh anăn phung Amôrit dôk hlăm čar kngư; leh anăn phung Kanaan dôk giăm êa ksĭ leh anăn hlue êa krông Yurdan.”

Klei Yap 13:29 Iomraidhean Croise

Klei Mphŭn Dơ̆ng 14:7

Leh anăn diñu wĭt mơ̆ng anăn leh anăn truh ti ƀuôn Ênmispat (jing ƀuôn Kadês), leh anăn diñu bi blah dưi hŏng jih čar phung Amalek leh anăn hŏng phung Amôrit dôk ti ƀuôn Hasasôn-Tamar.

Y-Nêhêmi 9:8

leh anăn Ih ƀuh leh ai tiê ñu dôk sĭt suôr ti anăp Ih, leh anăn ngă leh klei bi mguôp hŏng ñu čiăng brei kơ phung anak čô ñu čar phung Kanaan, phung Hitit, phung Amôrit, phung Pêrisit, phung Jêbusit, leh anăn phung Girgasit; leh anăn Ih bi sĭt leh klei ih ƀuăn, kyuadah Ih jing kpă ênô.

Klei Mmuñ Hđăp 83:7

phung Gêbal, phung Amôn, leh anăn phung Amalek; phung Philistin mbĭt hŏng phung ƀuôn sang Tir;

Klei Kbiă 3:17

Leh anăn Kâo ƀuăn Kâo srăng brei diih kbiă mơ̆ng klei knap čar Êjip, nao kơ čar phung Kanaan, phung Hitit, phung Amôrit, phung Pêrisit, phung Hiwit, leh anăn phung Jêbusit, sa boh čar bŏ dlai hŏng êa ksâo leh anăn êa hnuê.’

Klei Kbiă 3:8

leh anăn Kâo trŭn čiăng bi mtlaih diñu mơ̆ng kngan phung Êjip, leh anăn atăt diñu kbiă mơ̆ng čar anăn, đĭ nao kơ čar jăk leh anăn prŏng, kơ čar mâo mnơ̆ng ƀơ̆ng huă mnăm êbeh dlai, kơ anôk phung Kanaan, phung Hitit, phung Amôrit, phung Pêrisit, phung Hiwit, leh anăn phung Jêbusit.

Klei Yap 13:17

Y-Môis tiŏ nao diñu brei diñu ksiêm dlăng ala čar Kanaan, leh anăn lač kơ diñu, “Đĭ nao bĕ kơ čar Dhŭng adih, leh anăn đĭ nao kơ čar kngư,

Klei Yap 13:30

Ƀiădah Y-Kalep brei phung ƀuôn sang dôk ñăt ti anăp Y-Môis leh anăn lač, “Brei drei đĭ nao mtam leh anăn plah mă čar anăn, kyuadah sĭt drei dưi mă čar anăn.”

Klei Yap 14:25

Ară anei kyua phung Amalek leh anăn phung Kanaan dôk hlăm tlung, mgi brei diih wir leh anăn đuĕ nao bĕ kơ kdrăn tač tui êlan nao kơ Êa Ksĭ Hrah.”

Klei Yap 14:43

Kyuadah tinăn phung Amalek leh anăn phung Kanaan dôk ti anăp diih, leh anăn diih srăng êbuh hŏng đao gưm; kyuadah diih lui wir amâo lŏ tui hlue Yêhôwa ôh, Yêhôwa amâo srăng dôk mbĭt hŏng diih ôh.”

Klei Yap 14:45

Snăn phung Amalek leh anăn phung Kanaan dôk hlăm čar kngư anăn trŭn hriê leh anăn dưi hŏng diñu leh anăn tiŏ diñu truh ti ƀuôn Hôrma.

Klei Yap 24:20

Leh anăn Y-Balaam ƀuh phung Amalek leh anăn hưn klei bi êdah ñu mâo leh, lač, “Phung Amalek jing phung mrô sa hlăm phung găp djuê mnuih, ƀiădah ti knhal tuč diñu srăng rai.”

Klei Mtô Mñă Klei Bhiăn 20:17

ƀiădah bi mdjiê jih nguêč, phung Hitit, phung Amôrit, phung Kanaan, phung Pêrisit, phung Hiwit, leh anăn phung Jêbusit tui si Yêhôwa Aê Diê ih mtă leh;

Klei Mtô Mñă Klei Bhiăn 7:1

“Tơdah Yêhôwa Aê Diê diih atăt ih mŭt hlăm ala čar ih dơ̆ng mŭt mă bha, leh anăn Ñu suôt lu phung găp djuê mơ̆ng anăp ih, phung Hitit, phung Girgasit, phung Amôrit, phung Kanaan, phung Pêrisit, phung Hiwit, phung Jêbusit, kjuh găp djuê lu hĭn leh anăn ktang hĭn kơ ih,

Y-Yôsuê 10:5

Snăn êma čô mtao phung Amôrit, mtao ƀuôn Yêrusalem, mtao ƀuôn Hêbron, mtao ƀuôn Jarmut, mtao ƀuôn Lakis, mtao ƀuôn Êglon bi kƀĭn mbĭt phung kahan diñu, đĭ nao mbĭt hŏng jih phung kahan diñu jưh giăm ƀuôn Gabaôn čiăng bi blah hŏng gơ̆.

Y-Yôsuê 10:6

Phung êkei ƀuôn Gabaôn tiŏ nao mnuih kơ Y-Yôsuê ti anôk jưh Gilgal, lač, “Đăm lui tha phung dĭng buăl ih ôh; đĭ hriê bĕ kơ hmei djăl, bi mtlaih leh anăn đru hmei bĕ; kyuadah jih jang mtao phung Amôrit dôk hlăm čar kngư bi kƀĭn leh čiăng ngă kơ hmei.”

Y-Yôsuê 3:10

Y-Yôsuê lač, “Nĕ snei diih srăng thâo kơ Aê Diê hdĭp dôk ti krah diih, leh anăn Ñu srăng suôt sĭt nik mơ̆ng anăp diih phung Kanaan, phung Hitit, phung Hiwit, phung Pêrisit, phung Girgasit, phung Amôrit, leh anăn phung Jêbusit.

Y-Yôsuê 5:1

Tơdah jih phung mtao phung Amôrit dôk nah yŭ êa krông Yurdan leh anăn jih phung mtao phung Kanaan dôk giăm êa ksĭ hmư̆ kơ Yêhôwa bi khuôt êa krông Yurdan ti anăp phung ƀuôn sang Israel tơl diñu găn leh, digơ̆ dlưh ai tiê leh anăn amâo lŏ thâo mĭn ôh kyua phung ƀuôn sang Israel.

Y-Yôsuê 9:1

Tơdah hmư̆ klei anăn, jih jang phung mtao dôk nah dih êa krông Yurdan hlăm čar kngư, hlăm lăn dap leh anăn ktuê hang Êa Ksĭ Prŏng phă čar Liƀan, phung Hitit, phung Amôrit, phung Kanaan, phung Pêrisit, phung Hiwit, leh anăn phung Jêbusit,

Phung Khua Phat Kđi 3:5

Snăn, phung ƀuôn sang Israel dôk ti krah phung Kanaan, phung Hitit, phung Amôrit, phung Pêrisit, phung Hiwit, leh anăn phung Jêbusit.

Phung Khua Phat Kđi 6:3

Kyuadah tơdah phung Israel rah mjeh, phung Madian, phung Amalek, leh anăn phung ƀuôn sang mơ̆ng čar Ngŏ hriê ngă kơ diñu.

I Y-Samuel 14:48

Ñu ngă hŏng klei ktang, leh anăn bi blah hŏng phung Amalek, leh anăn bi mtlaih phung Israel mơ̆ng kngan phung plah mă leh digơ̆.

I Y-Samuel 27:8

Y-Đawit leh anăn phung kahan ñu đĭ nao ngă kơ phung Gêsurit, phung Girsit, leh anăn phung Amalek; kyuadah phung anăn dôk hlăm čar mơ̆ng sui leh, dơ̆ng mơ̆ng kdrăn tač Sur truh ti čar Êjip.

I Y-Samuel 30:1

Tơdah Y-Đawit leh anăn phung kahan ñu truh ti ƀuôn Siklak hruê tal tlâo, phung Amalek ngă leh kơ čar dhŭng leh anăn ƀuôn Siklak. Diñu dưi leh hŏng ƀuôn Siklak leh anăn čuh ƀuôn anăn,

I Y-Samuel 7:14

Jih jang ƀuôn phung Philistin mă leh mơ̆ng phung Israel diñu lŏ bi wĭt kơ phung Israel, mơ̆ng ƀuôn Êkron truh ti ƀuôn Gat; leh anăn phung Israel bi êngiê jih čar riêng gah diñu mơ̆ng kngan phung Philistin. Mâo klei êđăp ênang mơh kơ phung Israel hŏng phung Amôrit.