Klei Yap 13:27 - Klei Aê Diê Blŭ 2015

²⁷ Diñu hưn kơ Y-Môis, “Hmei truh leh kơ čar ih tiŏ hmei nao; čar anăn mâo mnơ̆ng ƀơ̆ng huă mnăm êbeh dlai sĭt, leh anăn nĕ anei boh mơ̆ng čar anăn.

Klei Yap 13:27 Iomraidhean Croise

Y-Nêhêmi 9:25

Diñu mă lu ƀuôn mâo kđông kjăp, leh anăn čar mdrŏng, leh anăn mă bha sang bŏ hŏng djăp mta mnơ̆ng jăk, kbăng êa klei leh, đang boh kriăk ƀâo, đang boh ôliwơ, leh anăn kyâo mboh lu snăk. Snăn diñu ƀơ̆ng trei leh anăn jing êmŏng, leh anăn dôk mơak mñai hlăm klei jăk Ih prŏng.

Klei Kbiă 13:5

Tơdah Yêhôwa brei ih mŭt hlăm čar phung Kanaan, phung Hitit, phung Amôrit, phung Hiwit, leh anăn phung Jêbusit, anôk Ñu kat asei leh brei kơ phung aê ih, čar mâo mnơ̆ng ƀơ̆ng huă mnăm êbeh dlai, brei ih hdơr pioh bruă anei hlăm mlan anei.

Klei Kbiă 3:17

Leh anăn Kâo ƀuăn Kâo srăng brei diih kbiă mơ̆ng klei knap čar Êjip, nao kơ čar phung Kanaan, phung Hitit, phung Amôrit, phung Pêrisit, phung Hiwit, leh anăn phung Jêbusit, sa boh čar bŏ dlai hŏng êa ksâo leh anăn êa hnuê.’

Klei Kbiă 3:8

leh anăn Kâo trŭn čiăng bi mtlaih diñu mơ̆ng kngan phung Êjip, leh anăn atăt diñu kbiă mơ̆ng čar anăn, đĭ nao kơ čar jăk leh anăn prŏng, kơ čar mâo mnơ̆ng ƀơ̆ng huă mnăm êbeh dlai, kơ anôk phung Kanaan, phung Hitit, phung Amôrit, phung Pêrisit, phung Hiwit, leh anăn phung Jêbusit.

Klei Kbiă 33:3

Đĭ nao bĕ kơ čar mâo mnơ̆ng ƀơ̆ng huă mnăm êbeh dlai; ƀiădah Kâo amâo srăng nao ôh ti krah ih, huĭdah Kâo bi rai ih ktuê êlan; kyuadah ih jing sa phung ƀuôn sang khăng kŏ.”

Y-Yêrêmi 11:5

čiăng kơ Kâo dưi bi sĭt klei Kâo kat asei leh kơ phung aê diih, čiăng brei kơ diñu sa boh čar mâo mnơ̆ng ƀơ̆ng huă êbeh dlai,’ tui si mâo leh hruê anei.” Snăn kâo lŏ wĭt lač, “Brei truh msĕ snăn, Ơ Yêhôwa.”

Y-Yêrêmi 32:22

Ih brei leh kơ diñu čar anei, čar Ih kat asei leh hŏng phung aê diñu čiăng brei kơ diñu, sa boh čar mâo mnơ̆ng ƀơ̆ng huă êbeh dlai.

Y-Êsêkiêl 20:15

Wăt Kâo kat asei leh kơ diñu hlăm kdrăn tač kơ Kâo amâo srăng atăt diñu mŭt ôh hlăm čar Kâo brei leh kơ diñu, sa boh čar mâo mnơ̆ng ƀơ̆ng huă êbeh dlai, čar guh kơang hĭn kơ jih jang čar mkăn,

Y-Êsêkiêl 20:6

Hlăm hruê anăn Kâo kat asei kơ diñu kơ klei Kâo srăng atăt diñu kbiă mơ̆ng čar Êjip mŭt hlăm sa boh čar Kâo duah brei leh kơ diñu, sa boh čar mâo mnơ̆ng ƀơ̆ng huă êbeh dlai, guh kơang hĭn kơ jih jang čar.

Bruă Lêwi 20:24

Ƀiădah Kâo lač leh kơ diih, “Diih srăng dưn čar diñu, leh anăn Kâo srăng brei diih mâo gơ̆, sa boh čar mâo mnơ̆ng ƀơ̆ng huă mnăm êbeh dlai.” Kâo jing Yêhôwa Aê Diê diih, Pô bi ktlah leh diih mơ̆ng phung ƀuôn sang mkăn.

Klei Yap 14:7

leh anăn lač kơ jih jang phung ƀuôn sang Israel bi kƀĭn, “Ala čar hmei hiu čiăng ksiêm dlăng jing sa boh ala čar jăk snăk sơưn.

Klei Yap 14:8

Tơdah Yêhôwa mơak hŏng drei, Ñu srăng atăt drei mŭt hlăm ala čar anăn leh anăn brei gơ̆ kơ drei, sa boh ala čar mâo mnơ̆ng ƀơ̆ng huă mnăm êbeh dlai.

Klei Yap 16:13

Djŏ mơ̆ jing sa klei điêt klei ih brei hmei kbiă mơ̆ng čar mâo mnơ̆ng ƀơ̆ng huă mnăm êbeh dlai, čiăng bi mdjiê hmei hlăm kdrăn tač, čiăng mjing ih pô khua hmei?

Klei Yap 16:14

Leh anăn ih amâo atăt hmei mŭt ôh hlăm sa boh čar mâo mnơ̆ng ƀơ̆ng huă mnăm êbeh dlai, kăn brei rei kơ hmei hma leh anăn phŭn boh kriăk ƀâo jing ngăn dưn. Ih srăng ƀlêč mơ̆ ală phung hmei. Hmei amâo srăng nao ôh.”

Klei Mtô Mñă Klei Bhiăn 11:9

leh anăn čiăng kơ diih dưi dôk hdĭp sui hlăm čar Yêhôwa kat asei leh čiăng brei kơ phung aê diih leh anăn kơ phung anak čô diñu, ala čar mâo mnơ̆ng ƀơ̆ng huă mnăm êbeh dlai.

Klei Mtô Mñă Klei Bhiăn 26:9

Ñu atăt leh hmei mŭt hlăm anôk anei leh anăn brei kơ hmei ala čar anei, ala čar mâo mnơ̆ng ƀơ̆ng huă mnăm êbeh dlai.

Klei Mtô Mñă Klei Bhiăn 27:3

Brei diih čih ti dlông boh tâo anăn jih jang boh blŭ klei bhiăn anei, tơdah diih găn mŭt čar Yêhôwa Aê Diê diih brei kơ diih, čar mâo êa ksâo leh anăn êa hnuê êbeh dlai tui si Yêhôwa Aê Diê phung aê diih đưm ƀuăn leh kơ diih.

Klei Mtô Mñă Klei Bhiăn 31:20

Kyuadah tơdah Kâo atăt ba diñu mŭt leh hlăm čar mâo mnơ̆ng ƀơ̆ng huă mnăm êbeh dlai Kâo kat asei leh čiăng brei kơ phung aê diñu đưm, leh anăn diñu tuôm ƀơ̆ng huă leh tơl trei bŏ leh anăn jing êmŏng, diñu srăng wir nao kơ phung yang mkăn leh anăn mă bruă kơ digơ̆. Diñu srăng bi êmut kơ Kâo, leh anăn gao klei Kâo bi mguôp.

Klei Mtô Mñă Klei Bhiăn 6:3

Hmư̆ bĕ, Ơ phung Israel, leh anăn răng brei ngă tui hlue klei anăn; čiăng kơ klei truh kơ ih jing jăk, leh anăn ih dưi jing lar êngŭm, tui si Yêhôwa Aê Diê phung aê đưm ih ƀuăn leh kơ ih, hlăm sa boh čar mâo mnơ̆ng ƀơ̆ng huă mnăm lu êbeh.

Y-Yôsuê 5:6

Kyuadah phung ƀuôn sang Israel êbat leh pă pluh thŭn hlăm kdrăn tač, tơl jih jang phung êkei bi blah kbiă leh mơ̆ng čar Êjip djiê kyua diñu amâo gưt asăp Yêhôwa ôh. Yêhôwa kat asei leh kơ diñu amâo srăng brei diñu ƀuh ôh čar Gơ̆ kat asei leh kơ phung aê diñu đưm čiăng brei kơ drei, čar mâo êa ksâo leh anăn êa hnuê êbeh dlai.