Klei Yap 13:22 - Klei Aê Diê Blŭ 2015

²² Diñu đĭ nao mơ̆ng čar Dhŭng truh ti ƀuôn Hêbron; ti anăn Y-Ahiman, Y-Sêsai, leh anăn Y-Talmai, phung anak čô Y-Anak dôk. (Arăng mdơ̆ng ƀuôn Hêbron kjuh thŭn êlâo kơ ƀuôn Sôan hlăm čar Êjip).

Klei Yap 13:22 Iomraidhean Croise

Klei Mphŭn Dơ̆ng 13:18

Y-Abram bi mđuĕ anôk sang čhiăm ñu, leh anăn nao dôk ti đang kyâo ti Mamrê, giăm ƀuôn Hêbron; leh anăn ñu mdơ̆ng tinăn sa boh knưl ngă yang kơ Khua Yang.

Klei Mphŭn Dơ̆ng 23:2

H'Sara djiê ti ƀuôn Kiriat-Arba (anăn jing ƀuôn Hêbron) hlăm čar Kanaan. Y-Abraham nao mkra klei kơŭ kyăm leh anăn čŏk hia kơ H'Sara.

II Y-Samuel 2:1

Leh klei anăn Y-Đawit êmuh kơ Yêhôwa, “Kâo srăng đĭ nao mơ̆ kơ sa hlăm lu boh ƀuôn phung Yuđa?” Yêhôwa lač kơ ñu, “Đĭ nao bĕ.” Y-Đawit lač, “Kơ hlei ƀuôn kâo srăng nao?” Leh anăn Ñu lač, “Kơ ƀuôn Hêbron.”

II Y-Samuel 2:11

Leh anăn ênuk Y-Đawit jing mtao ti ƀuôn Hêbron kơ sang Yuđa mâo kjuh thŭn năm mlan.

II Y-Samuel 21:16

leh anăn Y-Isbibênôp, sa čô hlăm phung anak čô phung prŏng dlông mâo kju boh ktrŏ tlâo êtuh sêkel kông, liêô sa ƀĕ đao gưm mrâo mĭn čiăng bi mdjiê Y-Đawit.

Klei Mmuñ Hđăp 78:12

Ti anăp phung aê diñu Aê Diê ngă leh bruă yuôm bhăn, hlăm čar Êjip, hlăm dliê Sôan.

Klei Mmuñ Hđăp 78:43

hruê Aê Diê ngă klei bi knăl hlăm čar Êjip, leh anăn bruă yuôm bhăn hlăm dliê Sôan.

Y-Êsai 19:11

Phung khua ƀuôn Sôan jing mluk mgu; phung khua thâo mĭn Pharaôn kčĕ klei mluk. Si ngă diih jhŏng lač kơ Pharaôn, “Kâo jing sa čô hlăm phung thâo mĭn, anak čô phung mtao ênuk đưm?”

Y-Êsai 19:13

Phung khua ƀuôn Sôan jing leh phung mluk, phung khua ƀuôn Nôp lĕ hlăm klei mplư; phung khua hlăm krĭng mdê mdê bi wơr êlan phung Êjip.

Y-Êsai 30:4

Kyuadah wăt tơdah phung khua ñu dôk ti ƀuôn Sôan, leh anăn phung dĭng ktang ñu truh ti ƀuôn Hanês,

Klei Yap 13:17

Y-Môis tiŏ nao diñu brei diñu ksiêm dlăng ala čar Kanaan, leh anăn lač kơ diñu, “Đĭ nao bĕ kơ čar Dhŭng adih, leh anăn đĭ nao kơ čar kngư,

Klei Yap 13:28

Ƀiădah mnuih ƀuôn sang dôk hlăm čar anăn jing ktang, leh anăn ƀuôn jing prŏng snăk mâo mnư̆ kjăp; êbeh kơ anăn hmei ƀuh tinăn phung anak čô Y-Anak.

Klei Yap 13:33

Leh anăn hlăm čar anăn hmei ƀuh phung Nêphilim (phung anak Y-Anak, phung kbiă hriê mơ̆ng Nêphilim); hmei dlăng kơ hmei pô msĕ si ktuôp, leh anăn diñu dlăng kơ hmei msĕ snăn mơh.”

Klei Mtô Mñă Klei Bhiăn 9:2

sa phung ƀuôn sang prŏng leh anăn awan dlông, phung anak êkei Y-Anakim, phung diih thâo kral, leh anăn kơ phung anăn diih hmư̆ leh arăng yăl dliê, ‘Hlei pô dưi dôk dơ̆ng ti anăp phung anak êkei Y-Anakim?’

Y-Yôsuê 10:36

Leh anăn Y-Yôsuê mbĭt hŏng jih jang phung Israel mơ̆ng ƀuôn Êglon đĭ nao kơ ƀuôn Hêbron; leh anăn diñu bi blah hŏng ƀuôn anăn,

Y-Yôsuê 21:13

Diñu brei kơ phung anak čô Y-Arôn khua ngă yang ƀuôn Hêbron, ƀuôn đuĕ dăp kơ pô bi mdjiê mnuih, mbĭt hŏng kdrăn rơ̆k gơ̆, Lipna mbĭt hŏng kdrăn rơ̆k gơ̆,

Phung Khua Phat Kđi 1:10

Phung Yuđa nao ngă kơ phung Kanaan dôk ti ƀuôn Hêbron (mphŭn dô anăn ƀuôn Hêbron jing Kiriat-Arba), leh anăn diñu dưi hŏng Y-Sêsai, Y-Ahiman, leh anăn Y-Talmai.

I Y-Samuel 30:31

ƀuôn Hêbron, jih jang anôk Y-Đawit leh anăn phung kahan ñu tuôm hiu leh.