Klei Yap 12:8 - Klei Aê Diê Blŭ 2015

⁸ Kâo blŭ hŏng ñu ƀăng êgei kơ ƀăng êgei hŏng klei mngač, amâo djŏ hŏng klei blŭ bi hgăm ôh; leh anăn ñu ƀuh rup Yêhôwa. Snăn si ngă diih amâo huĭ blŭ bi kdơ̆ng hŏng dĭng buăl Kâo Y-Môis?”

Klei Yap 12:8 Iomraidhean Croise

Klei Mphŭn Dơ̆ng 32:30

Snăn Y-Yakôp pia anôk anăn Pêniêl, kyuadah ñu lač, “Kâo ƀuh leh Aê Diê ti anăp, leh anăn klei hdĭp kâo tlaih leh.”

Klei Mmuñ Hđăp 17:15

Bi kâo dê, kâo srăng ƀuh ƀô̆ mta Ih kyua klei kpă ênô kâo; tơdah kâo mdih pĭt, kâo srăng mơak hŏng klei kâo ƀuh Ih.

Klei Mmuñ Hđăp 49:4

Kâo srăng mđing knga kâo kơ klei bi hriêng; kâo srăng bi êdah klei blŭ hgăm hŏng asăp đĭng brô̆.

Klei Kbiă 19:19

Tơdah săp ki mñê ktang hĭn êjai, Y-Môis blŭ, leh anăn Aê Diê lŏ wĭt lač kơ ñu hŏng asăp grăm.

Klei Kbiă 20:4

Đăm ih ngă ôh kơ ih pô rup krah thâodah rup mnơ̆ng hlăm adiê ti dlông, hlăm lăn ala ti gŭ, amâodah hlăm êa ti gŭ lăn.

Klei Kbiă 33:11

Snăn yơh Yêhôwa khăng blŭ kơ Y-Môis tlă anăp mta, msĕ si sa čô mnuih blŭ hŏng mah jiăng ñu. Tơdah Y-Môis lŏ wĭt ti wăl, dĭng buăl ñu hlăk ai, Y-Yôsuê anak êkei Y-Nun, amâo kbiă ôh mơ̆ng sang čhiăm klei bi kƀĭn.

Klei Kbiă 33:19

Ñu lač, “Kâo srăng brei jih klei jăk Kâo găn ti anăp ih, leh anăn Kâo srăng hưn anăn Kâo ‘Yêhôwa’ ti anăp ih. Kâo srăng pap kơ hlei pô Kâo srăng pap, leh anăn Kâo srăng ngă jăk kơ hlei pô Kâo srăng ngă jăk.”

Klei Kbiă 33:23

Leh anăn Kâo srăng hrui mă kngan Kâo, leh anăn ih srăng ƀuh rŏng Kâo, ƀiădah amâo ƀuh ƀô̆ mta Kâo ôh.”

Klei Kbiă 34:30

Tơdah Y-Arôn leh anăn jih jang phung buôn sang Israel ƀuh Y-Môis, nĕ anei klĭt ƀô̆ mta ñu guh mngač, leh anăn digơ̆ huĭ nao giăm ñu.

Klei Bi Hriêng 1:6

Čiăng thâo săng klei bi hriêng leh anăn klei bi hmô, klei phung thâo mĭn blŭ leh anăn mđăo.

Y-Êsai 40:18

Hŏng hlei pô ih čiăng bi msĕ Aê Diê, amâodah ya mnơ̆ng ih dưi bi mđơr hŏng Ñu?

Y-Êsai 46:5

Hŏng hlei pô diih srăng bi msĕ leh anăn bi mđơr hŏng Kâo? Hŏng hlei pô diih srăng bi msĕ Kâo čiăng kơ hmei dưi jing mđơr?

Y-Êsêkiêl 17:2

“Ơ anak mnuih, hưn bĕ sa klei bi hriêng, leh anăn blŭ klei bi hmô kơ sang Israel.

Y-Êsêkiêl 20:49

Leh anăn kâo lač, “Hƀơih, Ơ Yêhôwa Aê Diê! Diñu lač djŏ kơ kâo, ‘Amâo djŏ hĕ ñu jing sa čô blŭ klei bi hriêng?’ ”

Y-Ôsê 12:13

Hŏng sa čô khua pô hưn êlâo Yêhôwa atăt ba leh Israel mơ̆ng čar Êjip, leh anăn hŏng sa čô khua pô hưn êlâo ñu răng kriê leh Israel.

Klei Yap 14:14

leh anăn diñu srăng hưn kơ phung ƀuôn sang čar anei. Ơ Yêhôwa, diñu hmư̆ leh kơ Ih dôk ti krah phung ƀuôn sang anei; kyuadah Ih bi êdah leh brei arăng ƀuh Ih, Ơ Yêhôwa, knam Ih dôk ti dlông diñu leh anăn Ih êbat ti anăp diñu hlăm kmeh knam êjai hruê leh anăn hlăm kmeh pui êjai mlam.

Klei Yap 7:89

Tơdah Y-Môis mŭt hlăm sang čhiăm klei bi kƀĭn čiăng blŭ hrăm hŏng Yêhôwa, ñu hmư̆ asăp blŭ kơ ñu mơ̆ng dlông kđhăp klei pap brei ti dlông hip klei bi mguôp, plah wah dua čêrubim, leh anăn asăp anăn blŭ kơ ñu.

Y-Mathiơ 13:35

Klei anăn čiăng bi sĭt klei khua pô hưn êlâo blŭ leh snei: “Kâo srăng ha blŭ hŏng klei bi hriêng, Kâo srăng hưn klei mdăp leh dơ̆ng mơ̆ng klei hrih lăn ala.”

Y-Luk 10:16

Hlei pô dôk hmư̆ diih dôk hmư̆ Kâo yơh; leh anăn hlei pô hngah kơ diih hngah kơ Kâo yơh; leh anăn hlei pô hngah kơ Kâo hngah kơ Pô tiŏ hriê Kâo leh.”

Y-Yôhan 1:18

Amâo mâo sa čô mnuih tuôm ƀuh Aê Diê ôh; Anak mâo knŏng sa čô, Gơ̆ jing Aê Diê mơh, Pô dôk ti djiêô Ama, Gơ̆ yơh bi êdah leh Aê Diê arăng amâo tuôm ƀuh ôh.

Y-Yôhan 15:15

Kâo amâo lŏ pia kơ diih dĭng buăl ôh, kyuadah dĭng buăl amâo thâo ôh ya klei khua ñu ngă. Ƀiădah Kâo pia kơ diih mah jiăng, kyuadah jih jang klei Kâo hmư̆ mơ̆ng Ama, Kâo bi êdah leh kơ diih.

Y-Yôhan 15:24

Tơdah Kâo amâo tuôm ngă ti krah diñu bruă pô mkăn amâo tuôm ngă, diñu amâo mâo klei soh ôh. Ƀiădah ară anei diñu ƀuh, leh anăn bi êmut leh kơ Kâo wăt kơ Ama Kâo.

I Kôrantô 13:12

Kyuadah ară anei drei ƀuh amâo mngač ôh msĕ si hlăm ală kĭng; hlăk anăn drei srăng ƀuh klă ti anăp. Ară anei kâo thâo săng sa kdrêč; hlăk anăn kâo srăng thâo săng jih, msĕ si Aê Diê thâo kral kâo leh.

II Kôrantô 3:18

Leh anăn jih jang drei hŏng ƀô̆ mta amâo guôm ôh dôk dlăng kơ klei guh kơang Khua Yang msĕ si hlăm ală kĭng, mâo klei bi mlih jing tui rup Ñu, mơ̆ng sa mta klei guh kơang kơ sa mta klei guh kơang mkăn. Kyuadah klei anei kbiă hriê mơ̆ng Khua Yang, Pô jing Mngăt Myang.

Klei Mtô Mñă Klei Bhiăn 18:15

“Yêhôwa Aê Diê diih srăng mđĭ kơ diih sa čô khua pô hưn êlâo msĕ si kâo mơ̆ng krah diih, mơ̆ng phung ayŏng adei diih. Brei diih dôk hmư̆ ñu.

Klei Mtô Mñă Klei Bhiăn 34:10

Leh anăn mơ̆ng hruê anăn amâo lŏ mâo ôh hlăm Israel sa čô khua pô hưn êlâo msĕ si Y-Môis, pô Yêhôwa tuôm blŭ hrăm bi tlă anăp,

Klei Mtô Mñă Klei Bhiăn 4:15

“Snăn răng bĕ kơ diih pô. Kyuadah diih amâo ƀuh ôh rup asei mlei ti hruê Yêhôwa blŭ kơ diih ti čư̆ Hôrep mơ̆ng krah pui,

Klei Mtô Mñă Klei Bhiăn 5:8

Đăm ih ngă kơ ih pô ôh rup krah, amâodah rup msĕ si mnơ̆ng hlăm adiê ti dlông, amâodah hlăm lăn ala ti gŭ, amâodah hlăm êa ti gŭ lăn;

Kôlôs 1:15

Ñu jing rup Aê Diê Pô arăng amâo thâo ƀuh ôh. Ñu jing Pô kkiêng êlâo hĭn, Pô ti dlông hĭn kơ jih jang mnơ̆ng hrih leh.

I Têsalônik 4:8

Snăn hlei pô hngah klei mtă anei, ñu hngah amâo djŏ kơ mnuih ôh, ƀiădah kơ Aê Diê yơh, Pô brei leh kơ diih Yang Mngăt Jăk Ñu.

I Y-Timôthê 6:16

knŏng hjăn Ñu yơh mâo klei amâo thâo djiê, leh anăn dôk hlăm klei mngač arăng amâo dưi nao giăm, Pô mnuih amâo tuôm ƀuh ôh, kăn dưi ƀuh rei. Kơ Ñu yơh brei klei mpŭ leh anăn klei myang hlŏng lar. Amen.

Hêbrơ 1:1

Lu blư̆ leh anăn hlăm lu êlan mdê mdê Aê Diê blŭ leh mphŭn dô kơ phung aê drei hŏng phung khua pô hưn êlâo;

Hêbrơ 1:3

Gơ̆ jing klei ktlă klei guh kơang Aê Diê, leh anăn jing rup kdrưh nik hŏng Aê Diê. Gơ̆ krơ̆ng lăn adiê hŏng klei Gơ̆ blŭ myang. Tơdah leh Gơ̆ ngă klei bi doh klei soh mnuih, Gơ̆ dôk gŭ tĭng hnuă kơ Pô Guh Kơang ti dlông.

II Y-Pêtrôs 2:10

boh nik nak kơ phung tui klei kđeh čiăng čhŏ mrŏ, leh anăn bi êmut kơ klei phung khua kiă kriê. Phung anăn jhŏng leh anăn mgao, amâo huĭ ôh dlao wač kơ phung guh kơang,

Y-Yut 1:8

Msĕ snăn phung mnuih anei hŏng klei diñu êpei ƀuh bi čhŏ kđeh diñu, bi êmut kơ phung mâo klei dưi, leh anăn dlao wač kơ phung guh kơang.