Klei Yap 12:6 - Klei Aê Diê Blŭ 2015

⁶ Ñu lač, “Dôk hmư̆ klei Kâo blŭ: Tơdah mâo khua pô hưn êlâo hlăm phung diih, Kâo gơ̆ Yêhôwa, Pô bi êdah Kâo pô kơ diñu hlăm klei bi ƀuh, Kâo blŭ kơ diñu hlăm klei êpei.

Klei Yap 12:6 Iomraidhean Croise

Klei Mphŭn Dơ̆ng 15:1

Leh klei anăn Khua Yang blŭ kơ Y-Abram hlăm klei bi ƀuh, “Đăm huĭ ôh, Ơ Y-Abram. Kâo jing khil ih, leh anăn klei mưn ih srăng jing prŏng êdi.”

Klei Mphŭn Dơ̆ng 20:7

Snăn ară anei bi wĭt bĕ kơ êkei anăn mô̆ ñu, kyuadah ñu jing sa čô khua pô hưn êlâo. Ñu srăng wah lač kơ ih, leh anăn ih srăng dôk hdĭp. Ƀiădah tơdah ih amâo bi wĭt gơ̆ ôh, brei ih thâo ih srăng djiê sĭt nik, wăt jih jang mnuih hlăm sang ih.”

Klei Mphŭn Dơ̆ng 28:12

Ñu mâo klei êpei. Nĕ anei, mâo sa ƀĕ êñan mdơ̆ng ti lăn leh anăn kŏ êñan sô̆ truh ti adiê; leh anăn nĕ anei, phung dĭng buăl jăk Aê Diê đĭ leh anăn trŭn ti êñan anăn.

Klei Mphŭn Dơ̆ng 28:16

Y-Yakôp mdih pĭt leh anăn lač, “Sĭt nik, Yêhôwa dôk hlăm anôk anei, leh anăn kâo amâo yŏng thâo klei anăn ôh.”

Klei Mphŭn Dơ̆ng 37:5

Sa hruê Y-Yôsep mâo klei êpei, leh anăn tơdah gơ̆ yăl dliê klei anăn kơ phung ayŏng adei gơ̆, diñu bi êmut kơ gơ̆ lu hĭn.

Klei Mphŭn Dơ̆ng 37:9

Y-Yôsep lŏ mâo klei êpei mkăn, leh anăn yăl dliê klei anăn kơ phung ayŏng adei ñu. Ñu lač, “Nĕ anei, kâo lŏ mâo klei êpei: yang hruê, mlan, leh anăn pluh sa asăr mtŭ buôn kkuh ti anăp kâo!”

Klei Mphŭn Dơ̆ng 46:2

Aê Diê blŭ kơ Y-Israel hlăm klei bi ƀuh êjai mlam leh anăn lač, “Y-Yakôp ơi, Y-Yakôp ơi.” Y-Israel lač, “Nĕ tinei kâo.”

II Y-Samuel 7:4

Ƀiădah mlam anăn mơh Yêhôwa blŭ kơ Y-Nathan,

I Bruă Mtao 3:15

Y-Salômôn mdih pĭt, leh anăn nĕ anei klei anăn jing klei êpei. Leh anăn ñu nao kơ ƀuôn Yêrusalem leh anăn dôk dơ̆ng ti anăp hip klei bi mguôp Yêhôwa, leh anăn myơr mnơ̆ng myơr čuh leh anăn mnơ̆ng myơr kơ klei êđăp ênang, leh anăn ngă sa klei huă mnăm kơ jih jang phung dĭng buăl ñu.

I Bruă Mtao 3:5

Ti ƀuôn Gabaôn Yêhôwa bi êdah Ñu pô kơ Y-Salômôn hlăm klei êpei êjai mlam; leh anăn Aê Diê lač, “Akâo bĕ ya Kâo srăng brei kơ ih.”

Y-Yôp 33:15

Hlăm klei êpei, hlăm klei bi ƀuh êjai mlam, êjai mnuih pĭt snăk, êjai diñu dôk đih pĭt ti jhưng diñu,

Y-Yôp 4:13

Êjai dôk mĭn kơ klei bi ƀuh êjai mlam, êjai phung mnuih dôk pĭt snăk,

Klei Mmuñ Hđăp 105:15

lač, “Đăm ruêh ôh phung Kâo trôč êa ƀâo mngưi, đăm ngă jhat ôh kơ phung khua pô hưn êlâo Kâo.”

Klei Mmuñ Hđăp 89:19

Hlăk anăn, Ih blŭ kơ phung doh jăk Ih hlăm klei bi ƀuh, leh anăn lač: “Kâo brei leh sa čô jhŏng ktang kăp đru; kâo bi mđĭ leh sa čô êkei hlăk ai mơ̆ng phung ƀuôn sang.

Klei Kbiă 7:1

Yêhôwa lač kơ Y-Môis, “Nĕ anei Kâo brei ih jing msĕ si Aê Diê kơ Pharaôn; leh anăn Y-Arôn ayŏng ih srăng jing khua pô hưn êlâo ih.

Y-Yêrêmi 23:25

“Kâo hmư̆ leh klei phung khua pô hưn êlâo lač, phung hưn êlâo klei luar hlăm anăn Kâo, lač, ‘Kâo êpei leh, Kâo êpei leh!’

Y-Yêrêmi 23:28

Brei khua pô hưn êlâo mâo leh sa klei êpei hưn klei êpei anăn, ƀiădah brei hlei pô mâo leh klei Kâo blŭ, blŭ bĕ klei Kâo hŏng klei sĭt suôr. Ya yuôm adrăng tơdah bi msĕ hŏng mdiê?” Yêhôwa lač.

Y-Êsêkiêl 1:1

Hlăm thŭn tal tlâo pluh, ti mlan pă, hruê êma hlăm mlan anăn, êjai kâo dôk mbĭt hŏng phung mnă arăng suôt leh mơ̆ng čar ti hang êa krông Kêbar, phung adiê pŏk mdah, leh anăn kâo mâo klei bi ƀuh kơ Aê Diê.

Y-Đaniel 10:8

Snăn kâo dôk hjăn leh anăn ƀuh klei bi ƀuh prŏng anei; kâo amâo lŏ mâo klei ktang ôh; ƀô̆ mta kâo bi mlih msĕ si djiê, leh anăn kâo amâo lŏ mâo klei mơai ôh.

Y-Đaniel 2:19

Leh anăn Aê Diê bi êdah klei hgăm anăn kơ Y-Đaniel hlăm klei bi ƀuh êjai mlam. Leh anăn Y-Đaniel mpŭ mni kơ Aê Diê hlăm adiê.

Y-Đaniel 7:1

Thŭn tal sa Y-Belsasar mtao čar Ƀaƀilôn, Y-Đaniel mâo klei êpei ƀuh êjai ñu dôk đih ti jhưng pĭt. Ñu čih klei ñu êpei ƀuh leh anăn yăl dliê klei anăn.

Y-Đaniel 8:2

Tơdah kâo ƀuh klei bi ƀuh anăn kâo dôk ti ƀuôn Susa sang mtao hlăm čar Êlam. Êjai klei bi ƀuh anăn kâo dôk giăm êa krông Ulai.

Y-Ôsê 12:11

Galaat jing jhat ƀai, Sĭt nik diñu jing phung amâo yuôm ôh; diñu ngă yang hŏng êmô knô hlăm ƀuôn Gilgal, knưl diñu srăng jing msĕ si kăm boh tâo hlăm klông wăng kai ti hma.

Y-Yôel 3:1

“Kyuadah nĕ anei, hlăm ênuk anăn, ti hruê anăn tơdah Kâo srăng lŏ wĭt mdơ̆ng klei jăk jĭn kơ phung Yuđa leh anăn ƀuôn Yêrusalem,

Y-Sakari 1:8

Kâo ƀuh êjai mlam, nĕ anei mâo sa čô êkei đĭ sa drei aseh hrah! Ñu dôk dơ̆ng ti krah ana kyâo mirtơ hlăm tlung; ti tluôn ñu mâo aseh hrah, kñĭ, leh anăn kô̆.

Klei Yap 24:4

klei blŭ mơ̆ng pô hmư̆ leh klei Aê Diê blŭ, pô ƀuh leh klei bi ƀuh mơ̆ng Pô Mâo Jih Klei Myang, pô lĕ buh, ƀiădah mâo ală pŏk leh:

Y-Mathiơ 1:20

Ƀiădah êjai ñu mĭn snăn, nĕ anei mâo sa čô dĭng buăl jăk Khua Yang bi êdah kơ ñu hlăm klei êpei, lač, “Ơ Y-Yôsep, anak čô Y-Đawit, đăm huĭ ôh mă H'Mari jing mô̆ ih, kyuadah gơ̆ ba tian kơ anak anăn hŏng Yang Mngăt Jăk.

Y-Mathiơ 2:19

Leh mtao Hêrôt djiê, sa čô dĭng buăl jăk Khua Yang bi êdah hlăm klei êpei kơ Y-Yôsep ti čar Êjip, lač,

Y-Mathiơ 23:31

Snăn diih hưn bi sĭt diih pô kơ diih jing anak phung bi mdjiê leh phung khua pô hưn êlâo.

Y-Mathiơ 23:34

Kyuanăn Kâo tiŏ nao kơ diih phung khua pô hưn êlâo, phung thâo mĭn, leh anăn phung khua čih hră. Đa đa hlăm phung anăn diih srăng bi mdjiê leh anăn pơ̆ng ti kyâo bi kal, đa đa diih srăng čăm hŏng giê hlăm sang bi kƀĭn, leh anăn tiŏ ngă jhat mơ̆ng ƀuôn anei truh kơ ƀuôn mkăn.

Y-Mathiơ 23:37

“Ơ ƀuôn Yêrusalem, ƀuôn Yêrusalem, ih bi mdjiê phung khua pô hưn êlâo leh anăn bhĭr boh tâo kơ phung arăng tiŏ nao kơ ih! Jêñ jêñ leh Kâo čiăng bi kƀĭn mbĭt phung anak ih msĕ si sa drei mnŭ ana bi kƀĭn êđai gơ̆ ti gŭ siap gơ̆, ƀiădah diih amâo čiăng ôh!

Y-Mathiơ 27:19

Êjai ñu dôk phat kđi, mô̆ ñu tiŏ nao arăng lač kơ ñu, “Đăm ngă kơ mnuih kpă anăn ôh, kyuadah kâo mâo lu klei rŭng răng hruê anei kyua gơ̆ hlăm klei kâo êpei.”

Y-Luk 1:11

Hlăk anăn mâo sa čô dĭng buăl jăk Khua Yang bi êdah kơ ñu dôk dơ̆ng tĭng hnuă knưl čuh mnơ̆ng ƀâo mngưi.

Y-Luk 1:22

Tơdah ñu kbiă, ñu amâo dưi blŭ kơ digơ̆ ôh, leh anăn digơ̆ thâo kơ ñu mâo leh klei bi ƀuh hlăm Sang Kkuh Mpŭ. Kyua amâo dưi blŭ ôh, snăn ñu bi hmô hŏng kngan ñu kơ digơ̆.

Y-Luk 20:6

Ƀiădah tơdah drei lač, ‘Mơ̆ng mnuih,’ jih jang phung ƀuôn sang srăng bhĭr boh tâo kơ drei, kyuadah diñu đăo kơ Y-Yôhan jing sa čô khua pô hưn êlâo.”

Bruă Phung Khua Ƀĭng Kna 10:11

Ñu ƀuh adiê pŏk mdah, leh anăn mâo mnơ̆ng msĕ si sa blah čhiăm prŏng kă leh ti pă bĭt kiêng mtrŭn truh ti lăn.

Bruă Phung Khua Ƀĭng Kna 10:17

Êjai Y-Pêtrôs rŭng răng amâo thâo săng ôh si mblang klei bi ƀuh anăn, nĕ anei phung mnuih Y-Kornei tiŏ nao truh leh. Digơ̆ êmuh duah leh kơ sang Y-Simôn, leh anăn dôk ti anăp ƀăng jang.

Êphêsô 4:11

Leh anăn klei Ñu brei jing snei: đa đa jing phung khua ƀĭng kna, đa đa jing phung khua pô hưn êlâo, đa đa jing phung hiu mtô klei mrâo mrang jăk, đa đa jing phung khua pô mtô leh anăn phung bi hriăm,

Klei Mtô Mñă Klei Bhiăn 18:15

“Yêhôwa Aê Diê diih srăng mđĭ kơ diih sa čô khua pô hưn êlâo msĕ si kâo mơ̆ng krah diih, mơ̆ng phung ayŏng adei diih. Brei diih dôk hmư̆ ñu.

Klei Mtô Mñă Klei Bhiăn 18:18

Kâo srăng mđĭ kơ diñu sa čô khua pô hưn êlâo msĕ si ih mơ̆ng krah phung ayŏng adei diñu; Kâo srăng dưm klei Kâo blŭ hlăm ƀăng êgei ñu, leh anăn ñu srăng blŭ kơ diñu jih klei Kâo mtă kơ ñu.

Hêbrơ 1:1

Lu blư̆ leh anăn hlăm lu êlan mdê mdê Aê Diê blŭ leh mphŭn dô kơ phung aê drei hŏng phung khua pô hưn êlâo;

Klei Bi Êdah 11:10

Phung dôk ti lăn ala srăng hơ̆k mơak kyua klei truh kơ diñu, ngă klei huă mnăm, leh anăn bi mơĭt mnơ̆ng brei hdơ̆ng diñu, kyuadah dua čô khua pô hưn êlâo anăn bi knap leh phung dôk ti lăn ala.

Klei Bi Êdah 11:3

Kâo srăng mơĭt dua čô phung hưn bi sĭt kơ Kâo, hơô ao klŭng, diñu srăng hưn êlâo êjai sa êbâo dua êtuh năm pluh hruê.”

I Y-Samuel 28:6

Tơdah Y-Sôl êmuh kơ Yêhôwa, Yêhôwa amâo lŏ wĭt lač kơ ñu ôh, kăn hŏng klei êpei, hŏng Urim, amâodah hŏng phung khua pô hưn êlâo rei.

I Y-Samuel 3:15

Y-Samuel dôk đih tơl aguah; leh anăn ñu pŏk ƀăng bhă sang Yêhôwa. Y-Samuel huĭ hưn klei bi ƀuh anăn kơ Y-Hêli.

I Y-Samuel 3:21

Yêhôwa lŏ bi êdah ti ƀuôn Silô, kyuadah Yêhôwa bi êdah Ñu pô kơ Y-Samuel ti ƀuôn Silô hŏng klei Yêhôwa blŭ.