Klei Yap 12:2 - Klei Aê Diê Blŭ 2015

² Diñu lač, “Djŏ mơ̆ knŏng hŏng Y-Môis hĕ Yêhôwa blŭ leh? Amâo djŏ hĕ Ñu blŭ leh hŏng drei mơh?” Leh anăn Yêhôwa hmư̆ klei anăn.

Klei Yap 12:2 Iomraidhean Croise

Klei Mphŭn Dơ̆ng 29:33

Ñu lŏ ba tian leh anăn kkiêng kơ sa čô anak êkei leh anăn lač, “Kyuadah Yêhôwa hmư̆ leh arăng amâo khăp ôh kơ kâo, snăn Ñu lŏ brei anak êkei anei kơ kâo.” Leh anăn ñu bi anăn gơ̆ Y-Simêôn.

II Y-Samuel 11:27

Tơdah klei kơŭ kyăm êgao leh, Y-Đawit tiŏ arăng nao atăt ba gơ̆ kơ sang ñu, leh anăn gơ̆ jing mô̆ ñu, leh anăn kkiêng sa čô anak êkei kơ ñu. Ƀiădah klei Y-Đawit ngă anăn bi ênguôt kơ Yêhôwa.

II Bruă Mtao 19:4

Năng ai Yêhôwa Aê Diê ih hmư̆ leh jih jang klei Rapsaka blŭ, pô khua ñu mtao Asiri tiŏ hriê leh brei mưč kơ Aê Diê hdĭp, leh anăn srăng ƀuah klei blŭ Yêhôwa Aê Diê ih hmư̆ leh. Kyuanăn wah lač bĕ kyua phung ăt dôk.”

Klei Kbiă 4:14

Snăn Yêhôwa đĭ ai ăl kơ Y-Môis leh anăn Ñu lač, “Amâo djŏ hĕ mâo Y-Arôn, ayŏng ih, sa čô Lêwi? Kâo thâo ñu dưi blŭ jăk. Nĕ anei, ñu hriê čiăng bi tuôm hŏng ih, leh anăn tơdah ñu ƀuh ih, ñu srăng mâo klei mơak hlăm ai tiê ñu.

Klei Kbiă 4:30

Y-Arôn yăl dliê jih jang boh blŭ Yêhôwa blŭ leh kơ Y-Môis, leh anăn Y-Môis ngă jih klei bi knăl ti anăp phung ƀuôn sang.

Klei Kbiă 5:1

Êdei tinăn Y-Môis leh anăn Y-Arôn nao kơ Pharaôn leh anăn lač, “Snei Yêhôwa, Aê Diê phung Israel, lač, ‘Brei phung ƀuôn sang Kâo đuĕ nao, čiăng kơ diñu dưi mkra knăm kkuh mpŭ kơ Kâo hlăm kdrăn tač.’ ”

Klei Kbiă 7:10

Snăn Y-Môis leh anăn Y-Arôn nao ti anăp Pharaôn leh anăn ngă tui si klei Yêhôwa mtă leh. Y-Arôn dlăm giê dra ñu ti anăp Pharaôn leh anăn phung dĭng buăl ñu, leh anăn giê dra jing sa drei ala.

Klei Bi Hriêng 13:10

Klei mgao knŏng bi truh klei bi mneh msao, ƀiădah klei thâo mĭn dôk mbĭt hŏng phung dôk hmư̆ klei kčĕ.

Y-Êsai 37:4

Năng ai Yêhôwa Aê Diê ih hmư̆ leh klei khua prŏng anăn blŭ, pô mtao čar Asiri khua ñu tiŏ hriê brei mưč kơ Aê Diê hdĭp, leh anăn srăng ƀuah klei blŭ anăn Yêhôwa Aê Diê ih hmư̆ leh. Kyuanăn brei ih wah lač kyua kdrêč phung mnuih adôk.’ ”

Y-Mika 6:4

Kyuadah Kâo atăt ih kbiă leh mơ̆ng čar Êjip, bi tui ih leh mơ̆ng sang jing hlŭn; leh anăn Kâo tiŏ nao leh ti anăp ih Y-Môis, wăt Y-Arôn leh anăn H'Miriam msĕ mơh.

Klei Yap 11:1

Phung ƀuôn sang blŭ dŭñ dŭñ kơ knga Yêhôwa kyua klei dleh diñu. Tơdah Yêhôwa hmư̆ klei anăn, Ñu čuh ai ngêñ, leh anăn pui Yêhôwa čuh ti krah diñu, leh anăn ƀơ̆ng ti knhal wăl.

Klei Yap 11:29

Ƀiădah Y-Môis lač kơ ñu, “Ih nač kyua kâo hĕ? Kâo čiăng kơ jih jang phung ƀuôn sang Yêhôwa jing phung khua pô hưn êlâo, čiăng kơ Yêhôwa dưm Mngăt Myang Ñu ti digơ̆.”

Klei Yap 12:3

Y-Môis jing sa čô êkei luă gŭ hĭn kơ jih jang mnuih ti rŏng lăn ala.

Klei Yap 16:3

Diñu bi kƀĭn mbĭt bi kdơ̆ng hŏng Y-Môis leh anăn Y-Arôn leh anăn lač kơ digơ̆, “Diih ngă leh êbeh đei! Kyuadah jih jang phung bi kƀĭn jing doh jăk, grăp čô diñu, leh anăn Yêhôwa dôk ti krah diñu. Snăn si ngă diih bi mđĭ diih pô ti dlông hĭn kơ phung ƀuôn sang Yêhôwa bi kƀĭn?”

Hră Y-Pôl Mơĭt kơ Phung Rôm 12:10

Brei diih bi khăp hdơ̆ng diih msĕ si ayŏng adei; brei diih hdơr mpŭ hdơ̆ng diih.

Hră Y-Pôl Mơĭt kơ Phung Rôm 12:3

Kyuadah hŏng klei pap Aê Diê brei leh kơ kâo, kâo mtrŭt grăp čô hlăm phung diih đăm mĭn kơ ñu pô êgao hnơ̆ng djŏ kơ ñu ôh, ƀiădah brei grăp čô mĭn bi djŏ tui si hnơ̆ng klei đăo Aê Diê brei leh kơ ñu.

Philip 2:14

Ngă bĕ jih jang bruă amâo blŭ dŭñ dŭñ amâodah kĭ kơ̆ ôh,

Philip 2:3

Đăm ngă ôh sa mta klei hŏng klei mĭn kơ pô amâodah hŏng klei mgao, ƀiădah hŏng klei luă gŭ brei diih yap phung mkăn jing prŏng hĭn kơ diih pô.

I Y-Pêtrôs 5:5

Msĕ mơh kơ diih jing phung hlăk ai, brei diih gưt kơ phung khua mduôn. Brei jih jang diih hơô klei luă gŭ êjai hdĭp hdơ̆ng diih, kyuadah “Aê Diê bi kdơ̆ng hŏng phung mgao, ƀiădah brei klei pap kơ phung luă gŭ.”