Klei Yap 12:13 - Klei Aê Diê Blŭ 2015

¹³ Y-Môis ur kơ Yêhôwa, “Ơ Aê Diê, kâo kwưh kơ Ih, bi hlao brei gơ̆.”

Klei Yap 12:13 Iomraidhean Croise

Klei Mphŭn Dơ̆ng 20:17

Y-Abraham wah lač kơ Aê Diê, leh anăn Aê Diê bi hlao Y-Abimêlek, mô̆ gơ̆, leh anăn phung dĭng buăl mniê gơ̆, leh anăn digơ̆ dưi lŏ kkiêng kơ anak.

I Bruă Mtao 13:6

Leh anăn mtao lač kơ mnuih Aê Diê, “Kwưh bĕ kơ klei pap mơ̆ng Yêhôwa Aê Diê ih, leh anăn wah lač brei kơ kâo đa, čiăng kơ kngan kâo hlao.” Mnuih Aê Diê kwưh kơ Yêhôwa, leh anăn kngan mtao hlao, lŏ jing msĕ si êlâo.

Klei Mmuñ Hđăp 30:2

Ơ Yêhôwa, Aê Diê kâo, kâo kwưh kơ Ih đru, leh anăn ih bi hlao kâo leh.

Klei Mmuñ Hđăp 41:4

Kâo lač leh, “Ơ Yêhôwa, pap mñai kơ kâo đa; bi hlao mngăt kâo, kyuadah kâo ngă soh leh hŏng Ih.”

Klei Kbiă 15:26

Ñu lač, “Tơdah ih dôk hmư̆ bi nik kơ asăp Yêhôwa, Aê Diê ih, leh anăn ngă klei djŏ ti anăp ală Kâo, tơdah ih mđing knga kơ klei Kâo mtă leh anăn gưt jih jang klei bhiăn Kâo, kâo amâo srăng bi truh kơ ih ôh sa mta klei ruă Kâo ngă leh kơ phung Êjip; kyuadah Kâo jing Yêhôwa, Pô bi hlao ih.”

Klei Kbiă 4:7

Yêhôwa lač, “Lŏ dưm kngan ih hlăm lam ao ti đah da ih.” Snăn ñu lŏ dưm kngan ñu hlăm lam ao ti đah da ñu; leh anăn tơdah ñu lŏ suê̆ gơ̆ mơ̆ng anăn, nĕ anei gơ̆ lŏ jing msĕ si kđeh ñu pô.

Y-Êsai 30:26

Wăt klei mngač mlan srăng jing msĕ si klei mngač yang hruê, leh anăn klei mngač yang hruê srăng jing kjuh blư̆ ktang hĭn, msĕ si klei mngač kjuh hruê, hlăm hruê Yêhôwa srăng guôm hĕ anôk êka phung ƀuôn sang Ñu, leh anăn bi hlao anôk Ñu čăm bi êka leh.

Y-Yêrêmi 17:14

Bi hlao bĕ kâo, Ơ Yêhôwa, leh anăn kâo srăng hlao; bi mtlaih bĕ kâo, leh anăn kâo srăng tlaih; kyuadah Ih jing pô kâo bi mni.

Klei Yap 11:2

Hlăk anăn phung ƀuôn sang ur kơ Y-Môis; Y-Môis wah lač kơ Yêhôwa, leh anăn pui mdei hĕ.

Klei Yap 12:12

Đăm brei gơ̆ jing msĕ si sa čô hđeh ĭ djiê ksŏk, mkrah wah kđeh gơ̆ rai leh, tơdah gơ̆ kbiă mơ̆ng tian amĭ gơ̆.”

Klei Yap 14:2

Jih jang phung ƀuôn sang Israel blŭ dŭñ dŭñ bi kdơ̆ng hŏng Y-Môis leh anăn Y-Arôn. Jih jang phung bi kƀĭn lač kơ diñu, “Jăk hĭn hmei djiê hĕ leh hlăm čar Êjip! Amâodah jăk hĭn hmei djiê hĕ leh hlăm kdrăn tač anei.

Klei Yap 16:41

Ƀiădah tơl si mgi jih jang phung ƀuôn sang Israel bi kƀĭn blŭ dŭñ dŭñ bi kdơ̆ng hŏng Y-Môis leh anăn Y-Arôn, lač, “Diih bi mdjiê leh phung ƀuôn sang Yêhôwa.”

Y-Luk 23:34

Yêsu lač, “Ơ Ama, pap brei kơ diñu; kyuadah diñu amâo thâo ôh ya klei diñu ngă.” Leh anăn diñu bi mbha čhiăm ao Yêsu hŏng klei bi mđăo.

Y-Luk 6:28

Hơêč hmưi klei jăk jĭn bĕ kơ phung tăm pah kơ diih; wah lač brei bĕ kơ phung ngă jhat kơ diih.

Bruă Phung Khua Ƀĭng Kna 7:60

Gơ̆ čuôn kơŭt leh anăn ur kraih ktang, “Ơ Khua Yang, đăm yap klei soh anei kơ diñu ôh.” Leh gơ̆ lač klei anăn, gơ̆ hlŏng pĭt yơh.

Hră Y-Pôl Mơĭt kơ Phung Rôm 12:21

Đăm brei klei jhat dưi hŏng ih ôh, ƀiădah brei klei jăk ih ngă dưi hŏng klei jhat.

Y-Yakơ 5:15

Klei wah lač hŏng klei đăo srăng bi mtlaih pô ruă anăn, Khua Yang srăng bi hlao ñu; leh anăn tơdah ñu ngă soh leh, Aê Diê srăng pap brei kơ ñu.

I Y-Samuel 12:23

Bi kâo dê, êbeh kơ anăn, hơăi kâo amâo srăng ngă soh ôh hŏng Yêhôwa tơdah mdei hĕ wah lač kyua diih. Kâo srăng mtô kơ diih êlan jăk leh anăn êlan kpă.

I Y-Samuel 15:11

“Kâo hƀlŏk kơ klei Kâo mjing leh Y-Sôl mtao; kyuadah ñu lui wir leh amâo lŏ tui hlue Kâo ôh, leh anăn amâo ngă ôh tui si klei Kâo mtă leh.” Y-Samuel ngêñ snăk leh anăn ur kơ Yêhôwa jih mlam.