Klei Yap 11:29 - Klei Aê Diê Blŭ 2015

²⁹ Ƀiădah Y-Môis lač kơ ñu, “Ih nač kyua kâo hĕ? Kâo čiăng kơ jih jang phung ƀuôn sang Yêhôwa jing phung khua pô hưn êlâo, čiăng kơ Yêhôwa dưm Mngăt Myang Ñu ti digơ̆.”

Klei Yap 11:29 Iomraidhean Croise

Y-Yôel 2:27

Hlăk anăn diih srăng thâo Kâo dôk ti krah phung Israel, leh anăn Kâo, Yêhôwa, jing Aê Diê diih, leh anăn amâo lŏ mâo pô mkăn ôh. Leh anăn arăng amâo srăng lŏ bi hêñ ôh phung ƀuôn sang Kâo.

Y-Yôel 3:1

“Kyuadah nĕ anei, hlăm ênuk anăn, ti hruê anăn tơdah Kâo srăng lŏ wĭt mdơ̆ng klei jăk jĭn kơ phung Yuđa leh anăn ƀuôn Yêrusalem,

Klei Yap 11:30

Leh anăn Y-Môis leh anăn phung khua mduôn phung Israel wĭt kơ wăl.

Y-Luk 10:2

Ñu lač kơ digơ̆, “Mâo lu mdiê ksă, ƀiădah mâo ƀiă phung wiă. Snăn akâo bĕ kơ Khua pô hma brei tiŏ nao phung mă bruă srăng nao wiă.

Bruă Phung Khua Ƀĭng Kna 26:29

Y-Pôl lač, “Thâodah ƀiă mông amâodah sui, kâo akâo kơ Aê Diê brei amâo djŏ knŏng hjăn ih ôh, ƀiădah wăt jih jang mnuih dôk hmư̆ kâo hruê anei srăng jing msĕ si kâo, ƀiădah knŏng amâo mâo klei săng đai anei ôh.”

I Kôrantô 13:4

Klei khăp thâo gĭr leh anăn bŏ hŏng klei jăk; klei khăp amâo nač amâodah bi mđĭ ñu pô; ñu amâo mgao,

I Kôrantô 14:5

Kâo čiăng kơ jih jang diih blŭ klei blŭ amâo mâo pô thâo, ƀiădah kâo čiăng hĭn diih blŭ klei hưn êlâo. Hlei pô hưn êlâo jing yuôm hĭn kơ pô blŭ klei blŭ amâo mâo pô thâo, knŏng tơdah mâo pô mblang brei, čiăng kơ Phung Sang Aê Diê dưi mâo klei mđĭ ai.

I Kôrantô 3:21

Snăn đăm brei arăng bi mni kơ bruă mnuih ngă. Kyuadah jih jang mnơ̆ng jing dŏ diih sơăi,

I Kôrantô 3:3

kyuadah diih ăt jing phung tui si kđeh. Kyuadah êjai mâo klei nač leh anăn klei bi mneh msao hdơ̆ng diih, amâo djŏ hĕ diih jing tui si kđeh, leh anăn dôk dơ̆ng ƀơ̆ng huă msĕ si mnuih kđeh?

Philip 2:3

Đăm ngă ôh sa mta klei hŏng klei mĭn kơ pô amâodah hŏng klei mgao, ƀiădah hŏng klei luă gŭ brei diih yap phung mkăn jing prŏng hĭn kơ diih pô.

Y-Yakơ 4:5

Diih mĭn kơ Klei Aê Diê Blŭ čih leh jing hơăi mang hĕ?, “Yang Mngăt Jăk, Aê Diê brei dôk hlăm drei khăp kơ drei tơl Ñu trih”

Y-Yakơ 5:9

Ơ phung ayŏng amai adei, đăm blŭ dŭñ dŭñ hdơ̆ng diih ôh, čiăng kơ arăng amâo phat kđi kơ diih ôh. Nĕ anei, Khua phat kđi dôk dơ̆ng ti ƀăng bhă.

I Y-Pêtrôs 2:1

Kyuanăn brei diih lui klei ƀai, jih klei mnêč, klei ai ngăm, klei nač, leh anăn jih klei mčeh luar.

I Y-Samuel 10:6

Hlăk anăn Mngăt Myang Yêhôwa srăng hriê dôk mbĭt hŏng ih hŏng klei myang, leh anăn ih srăng hưn êlâo mbĭt hŏng diñu, leh anăn ih srăng bi mlih jing sa čô mnuih mkăn.