Klei Yap 11:25 - Klei Aê Diê Blŭ 2015

²⁵ Hlăk anăn Yêhôwa trŭn hlăm knam leh anăn blŭ kơ Y-Môis. Ñu mă Mngăt Myang dôk ti dlông Y-Môis leh anăn dưm msĕ mơh ti dlông kjuh pluh čô khua mduôn; leh anăn tơdah Mngăt Myang dôk ti dlông digơ̆, digơ̆ hưn êlâo. Ƀiădah digơ̆ amâo lŏ hưn êlâo msĕ snăn ôh.

Klei Yap 11:25 Iomraidhean Croise

II Bruă Mtao 2:15

Tơdah phung anak êkei phung khua pô hưn êlâo dôk ti ƀuôn Yêrikô ƀuh ñu ti anăp digơ̆, digơ̆ lač, “Mngăt myang Y-Êli dôk leh ti Y-Êlisê.” Digơ̆ nao bi tuôm hŏng ñu, leh anăn buôn ti lăn ti anăp ñu.

Y-Nêhêmi 9:20

Ih brei leh Yang Mngăt Jăk Ih bi hriăm diñu, leh anăn Ih amâo hngah ôh mana Ih kơ ƀăng êgei diñu, leh anăn brei êa kyua klei diñu mhao.

Klei Mmuñ Hđăp 99:7

Yêhôwa blŭ kơ digơ̆ hlăm kmeh knam; digơ̆ djă pioh klei Yêhôwa hưn leh anăn klei bhiăn Ñu brei leh kơ digơ̆.

Klei Kbiă 32:32

Ƀiădah ară anei, akâo kơ Ih pap brei kơ klei soh diñu — ƀiădah tơdah Ih amâo čiăng ôh, akâo kơ Ih lăm hĕ anăn Kâo mơ̆ng hdruôm hră Ih čih leh.”

Klei Kbiă 34:5

Yêhôwa trŭn hlăm knam, dôk tinăn mbĭt hŏng ñu, leh anăn hưn anăn Ñu, Yêhôwa.

Klei Kbiă 40:38

Kyuadah êjai jih klei diñu hiu êbat, knam Yêhôwa dôk ti dlông sang čhiăm êjai hruê, leh anăn mâo pui hlăm anăn êjai mlam, ti anăp ală jih jang sang Israel.

Y-Êsai 63:11

Leh anăn phung ƀuôn sang Ñu hdơr kơ hruê ênuk đưm, leh anăn kơ Y-Môis dĭng buăl Ñu. Ti Pô brei diñu kbiă đĭ mơ̆ng êa ksĭ mbĭt hŏng mgăt biăp kơ phung biăp Ñu? Ti Pô dưm leh Yang Mngăt Doh Jăk Ñu ti krah digơ̆,

Y-Êsêkiêl 8:11

Ti anăp rup anăn mâo kjuh pluh čô khua mduôn sang Israel dôk dơ̆ng, mbĭt hŏng Y-Jasania anak êkei Y-Saphan. Grăp čô djă mtĭl čuh mnơ̆ng ƀâo mngưi, leh anăn săp pui mnơ̆ng ƀâo mngưi đĭ phă dlông.

Klei Yap 11:17

Kâo srăng trŭn leh anăn tinăn Kâo srăng blŭ hŏng ih; Kâo srăng mă Mngăt Myang dôk ti dlông ih leh anăn dưm gơ̆ msĕ mơh ti dlông diñu; leh anăn diñu srăng klam klei ktrŏ phung ƀuôn sang mbĭt hŏng ih, čiăng kơ ih amâo klam hjăn ih ôh klei anăn.

Klei Yap 12:5

Yêhôwa trŭn hriê hlăm kmeh knam leh anăn dôk ti ƀăng bhă sang čhiăm, iêô Y-Arôn leh anăn H'Miriam; leh anăn jih dua diñu nao phă anăp.

Klei Yap 16:25

Leh anăn Y-Môis kgŭ nao kơ Y-Dathan leh anăn Y-Abiram; leh anăn phung khua mduôn phung Israel tui hlue ñu.

Klei Yap 24:2

Y-Balaam kngưr ală ñu leh anăn ƀuh Israel dôk jưh tui si găp djuê diñu mdê mdê. Leh anăn Mngăt Myang Aê Diê hriê dôk ti ñu.

Klei Yap 27:18

Yêhôwa lač kơ Y-Môis, “Mă bĕ Y-Yôsuê anak êkei Y-Nun, sa čô êkei mâo Mngăt Myang hlăm ñu, leh anăn ênă kngan ih ti ñu.

Bruă Phung Khua Ƀĭng Kna 11:28

Sa čô hlăm phung diñu, anăn gơ̆ Y-Agabus, kgŭ leh anăn hưn êlâo hŏng Yang Mngăt Jăk srăng mâo klei ư̆ êpa prŏng tar ƀar lăn ala. Klei ư̆ êpa anăn truh sĭt hlăm ênuk mtao Klôd kiă kriê.

I Kôrantô 14:32

Mngăt phung khua pô hưn êlâo dôk ti gŭ phung khua pô hưn êlâo.

Y-Yakơ 1:17

Jih jang klei brei jăk leh anăn klei brei klă ênŭm trŭn mơ̆ng adiê mơ̆ng Ama klei mngač sơăi. Hlăm Ñu amâo mâo klei bi mlih ôh, kăn mâo êyui klei bi mlih rei.

II Y-Pêtrôs 1:21

kyuadah amâo tuôm mâo ôh sa mta klei hưn êlâo kbiă hriê mơ̆ng klei mnuih mĭn, ƀiădah Yang Mngăt Jăk mtrŭt mnuih blŭ klei kbiă mơ̆ng Aê Diê.

Phung Khua Phat Kđi 3:10

Mngăt Myang Yêhôwa trŭn kơ ñu, leh anăn ñu phat kđi phung Israel. Ñu kbiă nao bi blah, leh anăn Yêhôwa jao Y-Kusan-Risathaim mtao čar Mêsôpôtami hlăm kngan ñu; leh anăn ñu dưi hŏng Y-Kusan-Risathaim.

I Y-Samuel 10:10

Tơdah diñu truh ti ƀuôn Gibêa, nĕ anei sa phung khua pô hưn êlâo bi tuôm hŏng ñu. Mngăt Myang Aê Diê hriê dôk mbĭt hŏng ñu hŏng klei myang, leh anăn ñu hưn êlâo ti krah digơ̆.