Klei Yap 11:24 - Klei Aê Diê Blŭ 2015

²⁴ Snăn Y-Môis kbiă nao leh anăn hưn kơ phung ƀuôn sang klei Yêhôwa blŭ; leh anăn ñu bi kƀĭn kjuh pluh čô êkei mduôn hlăm phung ƀuôn sang, leh anăn dưm digơ̆ jŭm sang čhiăm.

Klei Yap 11:24 Iomraidhean Croise

Klei Mphŭn Dơ̆ng 3:24

Khua Yang Aê Diê suôt mnuih anăn, leh anăn ti ngŏ war djam Êđen Ñu dưm phung čêrubim djă đao gưm trơ̆ng hŏng êlah pui dar wir nanao čiăng mgang êlan nao kơ ana kyâo klei hdĭp.

Klei Yap 11:16

Yêhôwa lač kơ Y-Môis, “Bi kƀĭn bĕ kơ Kâo kjuh pluh čô êkei phung khua mduôn Israel, đơ phung ih thâo kral leh jing khua mduôn hlăm phung ƀuôn sang leh anăn khua ti dlông diñu; leh anăn atăt ba diñu kơ sang čhiăm klei bi kƀĭn; leh anăn brei diñu dôk dơ̆ng tinăn mbĭt hŏng ih.

Klei Yap 11:26

Mâo dua čô êkei ăt dôk hlăm wăl, sa čô bi anăn Y-Êldat, leh anăn sa čô mkăn bi anăn Y-Mêdat, leh anăn Mngăt Myang dôk ti dlông diñu. Diñu jing hlăm phung arăng čih anăn leh, ƀiădah diñu amâo nao kơ sang čhiăm ôh, snăn diñu hưn êlâo hlăm wăl.