Klei Yap 11:20 - Klei Aê Diê Blŭ 2015

²⁰ ƀiădah jih sa mlan, tơl čĭm anăn kbiă ti ƀăng adŭng diih leh anăn tơl diih bi êmut kơ dŏ anăn, kyuadah diih hngah leh Yêhôwa, pô dôk ti krah diih, leh anăn hia leh ti anăp Ñu, lač, “Si ngă hmei kbiă hĕ leh mơ̆ng čar Êjip?” ’ ”

Klei Yap 11:20 Iomraidhean Croise

II Y-Samuel 12:10

Kyuanăn klei yua đao gưm amâo srăng mdei ôh mơ̆ng sang ih, kyuadah ih bi êmut leh kơ Kâo, leh anăn mă leh mô̆ Y-Uri mnuih Hitit mjing mô̆ ih.’

Klei Mmuñ Hđăp 106:15

Aê Diê brei kơ diñu ya klei diñu akâo, ƀiădah bi truh klei ruă bi rai diñu.

Klei Kbiă 16:13

Ti mmăt wai băk čĭm wăt truh leh anăn guôm anôk diñu jưh; leh anăn ti aguah mâo êa nguôm jŭm anôk diñu jưh.

Klei Kbiă 16:3

Phung ƀuôn sang Israel lač kơ diñu, “Jăk hĭn drei djiê leh hŏng kngan Yêhôwa hlăm čar Êjip, êjai drei dôk gŭ giăm gŏ čĭm leh anăn ƀơ̆ng tơl trei; kyuadah diih atăt hmei leh hlăm kdrăn tač anei čiăng bi mdjiê hŏng klei êpa jih jang phung bi kƀĭn anei.”

Klei Kbiă 16:8

Y-Môis lač, “Tơdah Yêhôwa brei kơ diih tlam anei čĭm ƀơ̆ng, leh anăn ti aguah kpŭng tơl trei, kyuadah Yêhôwa hmư̆ leh klei diih blŭ dŭñ dŭñ kơ Ñu — hlei hmei jing? Amâo djŏ kơ hmei ôh diih blŭ dŭñ dŭñ, ƀiădah kơ Yêhôwa yơh.”

Klei Bi Hriêng 27:7

Hlei pô trei leh juă êa hnuê ti gŭ jơ̆ng, ƀiădah kơ hlei pô êpa wăt mnơ̆ng phĭ jing mmih kơ ñu.

Y-Malaki 1:6

“Sa čô anak êkei mpŭ kơ ama ñu, leh anăn sa čô dĭng buăl mpŭ kơ khua ñu. Tơdah Kâo jing sa čô ama, ti lei klei mpŭ năng kơ Kâo? Tơdah Kâo jing sa čô khua, ti lei klei arăng huĭ năng kơ Kâo?” Yêhôwa kơ phung kahan lač. “Diih, Ơ phung khua ngă yang, jing phung bi êmut kơ anăn Kâo? Diih lač, ‘Si klei hmei bi êmut leh kơ anăn ih?’

Klei Yap 11:13

Ti anôk kâo dưi mă čĭm čiăng brei kơ jih jang phung ƀuôn sang anei? Kyuadah diñu hia ti anăp kâo leh anăn lač, ‘Brei kơ hmei čĭm ƀơ̆ng.’

Klei Yap 11:19

Diih srăng ƀơ̆ng amâo djŏ ôh sa hruê, amâodah dua hruê, amâodah êma hruê, amâodah pluh hruê, amâodah dua pluh hruê,

Klei Yap 11:21

Ƀiădah Y-Môis lač, “Phung ƀuôn sang kâo dôk mbĭt mâo năm êtuh êbâo čô êbat jơ̆ng; leh anăn Ih lač leh, ‘Kâo srăng brei čĭm kơ diñu, čiăng kơ diñu dưi ƀơ̆ng jih sa mlan’

Klei Yap 14:3

Si ngă Yêhôwa brei hmei mŭt hlăm čar anei čiăng brei hmei djiê hĕ hŏng đao gưm? Phung mô̆ anak hmei srăng jing mnơ̆ng diñu plah mă. Amâo djŏ hĕ jing jăk hĭn hmei lŏ wĭt kơ čar Êjip?”

Klei Yap 14:4

Diñu bi lač hdơ̆ng diñu, “Brei drei ruah sa čô khua leh anăn lŏ wĭt kơ čar Êjip.”

Klei Yap 16:13

Djŏ mơ̆ jing sa klei điêt klei ih brei hmei kbiă mơ̆ng čar mâo mnơ̆ng ƀơ̆ng huă mnăm êbeh dlai, čiăng bi mdjiê hmei hlăm kdrăn tač, čiăng mjing ih pô khua hmei?

Klei Yap 20:4

Si ngă ih atăt leh phung Yêhôwa bi kƀĭn hlăm kdrăn tač anei, čiăng kơ hmei djiê tinei, hmei leh anăn hlô mnơ̆ng hmei rông?

Klei Yap 21:5

Phung ƀuôn sang blŭ bi kdơ̆ng hŏng Aê Diê leh anăn hŏng Y-Môis, “Si ngă diih atăt hmei kbiă leh mơ̆ng čar Êjip brei djiê hlăm kdrăn tač? Kyuadah amâo mâo mnơ̆ng ƀơ̆ng huă leh anăn êa mnăm ôh, leh anăn hmei bi êmut kơ mnơ̆ng ƀơ̆ng huă hơăi mang anei.”

Bruă Phung Khua Ƀĭng Kna 13:41

‘Dlăng bĕ, Ơ phung mưč, bi kngăr bĕ leh anăn rai tuč bĕ, kyuadah Kâo ngă sa mta bruă hlăm ênuk diih, sa mta bruă diih amâo srăng đăo ôh, wăt tơdah arăng hưn klei anăn kơ diih.’ ”

I Têsalônik 4:8

Snăn hlei pô hngah klei mtă anei, ñu hngah amâo djŏ kơ mnuih ôh, ƀiădah kơ Aê Diê yơh, Pô brei leh kơ diih Yang Mngăt Jăk Ñu.

Y-Yôsuê 24:27

Y-Yôsuê lač kơ jih jang phung ƀuôn sang, “Nĕ anei, boh tâo anei srăng jing klei hưn bi sĭt bi kdơ̆ng hŏng drei; kyuadah boh tâo anei hmư̆ bi sĭt leh jih klei blŭ Yêhôwa lač kơ drei. Kyuanăn boh tâo anei srăng jing sa klei hưn bi kdơ̆ng hŏng diih, huĭdah diih ngă klei luar hŏng Aê Diê diih.”

I Y-Samuel 10:19

Ƀiădah hruê anei diih hngah leh kơ Aê Diê diih, Pô bi mtlaih diih mơ̆ng jih jang klei jhat leh anăn klei rŭng răng diih; leh anăn diih lač leh, ‘Hơăi, ƀiădah mdưm bĕ sa čô mtao kiă kriê hmei.’ Snăn ară anei bi êdah bĕ diih pô ti anăp Yêhôwa tui si găp djuê diih leh anăn sang ama diih.”

I Y-Samuel 2:30

Kyua anăn Yêhôwa, Aê Diê Israel hưn, ‘Kâo ƀuăn leh kơ sang ih leh anăn kơ sang aê ih srăng mă bruă kơ Kâo nanao hlŏng lar.’ Ƀiădah ară anei Yêhôwa hưn, ‘Hơăi, Kâo amâo lŏ ngă snăn ôh. Kyuadah Kâo srăng mpŭ kơ hlei phung mpŭ kơ Kâo, leh anăn phung bi êmut kơ Kâo, Kâo amâo srăng mpŭ ôh kơ phung diñu.