Klei Yap 11:16 - Klei Aê Diê Blŭ 2015

¹⁶ Yêhôwa lač kơ Y-Môis, “Bi kƀĭn bĕ kơ Kâo kjuh pluh čô êkei phung khua mduôn Israel, đơ phung ih thâo kral leh jing khua mduôn hlăm phung ƀuôn sang leh anăn khua ti dlông diñu; leh anăn atăt ba diñu kơ sang čhiăm klei bi kƀĭn; leh anăn brei diñu dôk dơ̆ng tinăn mbĭt hŏng ih.

Klei Yap 11:16 Iomraidhean Croise

Klei Mphŭn Dơ̆ng 46:27

Phung anak êkei Y-Yôsep arăng kkiêng kơ ñu hlăm čar Êjip, dua čô. Jih jang phung mnuih sang Y-Yakôp truh kơ čar Êjip, kjuh pluh čô.

Klei Kbiă 18:25

Y-Môis ruah phung êkei mâo klei dưi mơ̆ng krah jih phung Israel, leh anăn mdưm digơ̆ khua kơ phung ƀuôn sang, khua kơ sa êbâo čô, kơ sa êtuh čô, kơ êma pluh čô, leh anăn kơ pluh čô.

Klei Kbiă 24:1

Yêhôwa lač kơ Y-Môis, “Đĭ bĕ kơ Yêhôwa, ih leh anăn Y-Arôn, Y-Nadap, Y-Abihu, leh anăn kjuh pluh čô khua mduôn phung Israel, leh anăn brei diih kkuh mpŭ mơ̆ng kbưi.

Klei Kbiă 24:9

Y-Môis đĭ mbĭt hŏng Y-Arôn, Y-Nadap, Y-Abihu, leh anăn kjuh pluh čô khua mduôn phung Israel.

Klei Kbiă 4:29

Snăn Y-Môis leh anăn Y-Arôn nao bi kƀĭn jih jang phung khua mduôn phung ƀuôn sang Israel.

Y-Yêrêmi 19:1

Snei Yêhôwa blŭ, “Nao blei bĕ sa boh čeh lăn, leh anăn atăt ba mbĭt đa đa phung khua mduôn hlăm phung ƀuôn sang leh anăn đa đa phung khua ngă yang mduôn hĭn,

Y-Êsêkiêl 8:11

Ti anăp rup anăn mâo kjuh pluh čô khua mduôn sang Israel dôk dơ̆ng, mbĭt hŏng Y-Jasania anak êkei Y-Saphan. Grăp čô djă mtĭl čuh mnơ̆ng ƀâo mngưi, leh anăn săp pui mnơ̆ng ƀâo mngưi đĭ phă dlông.

Klei Yap 11:24

Snăn Y-Môis kbiă nao leh anăn hưn kơ phung ƀuôn sang klei Yêhôwa blŭ; leh anăn ñu bi kƀĭn kjuh pluh čô êkei mduôn hlăm phung ƀuôn sang, leh anăn dưm digơ̆ jŭm sang čhiăm.

Klei Yap 16:25

Leh anăn Y-Môis kgŭ nao kơ Y-Dathan leh anăn Y-Abiram; leh anăn phung khua mduôn phung Israel tui hlue ñu.

Y-Luk 10:1

Leh klei anăn Khua Yang ruah kjuh pluh čô mkăn leh anăn tiŏ digơ̆ nao mdua mdua êlâo kơ Ñu hlăm jih jang ƀuôn leh anăn anôk Ñu pô srăng nao.

Y-Luk 10:17

Phung kjuh pluh čô lŏ wĭt hŏng klei hơ̆k lač, “Ơ Khua Yang, wăt phung yang jhat gưt kơ hmei hlăm anăn Ih!”

Klei Mtô Mñă Klei Bhiăn 1:15

Snăn kâo mă phung khua mơ̆ng găp djuê diih, phung thâo mĭn leh anăn găn lu klei truh, leh anăn mdưm digơ̆ jing khua kơ diih, khua kơ êbâo, khua kơ êtuh, khua kơ êma pluh, leh anăn khua kơ pluh čô, leh anăn khua kiă hlăm phung găp djuê diih.

Klei Mtô Mñă Klei Bhiăn 16:18

“Brei diih mdưm phung khua phat kđi leh anăn phung khua kiă kriê hlăm jih jang ƀuôn Yêhôwa Aê Diê diih brei kơ ih, tui si găp djuê diih; leh anăn diñu srăng phat kđi phung ƀuôn sang hŏng klei kpă.

Klei Mtô Mñă Klei Bhiăn 31:28

Bi kƀĭn bĕ ti anăp kâo jih jang phung khua mduôn hlăm phung găp djuê diih, leh anăn phung khua kiă kriê diih, čiăng kơ kâo dưi blŭ klei anei kơ knga diñu leh anăn iêô adiê leh anăn lăn ala čiăng hưn bi kdơ̆ng hŏng diñu.