Klei Yap 10:9 - Klei Aê Diê Blŭ 2015

⁹ Leh anăn hlăm čar diih, tơdah diih nao bi blah hŏng roh ktư̆ juă diih, snăn diih srăng ayŭ ki brei nao bi blah, čiăng kơ Yêhôwa Aê Diê diih hdơr kơ diih, leh anăn diih srăng tlaih kơ phung roh diih.

Klei Yap 10:9 Iomraidhean Croise

Klei Mphŭn Dơ̆ng 8:1

Ƀiădah Aê Diê hdơr kơ Y-Nôê leh anăn jih jang hlô dliê leh anăn hlô mnơ̆ng rông dôk mbĭt hŏng ñu hlăm kŭmpăn. Aê Diê brei mâo angĭn thut ti lăn ala, leh anăn êa hrŏ.

II Klei Yăl Dliê 13:12

Nĕ anei, Aê Diê dôk mbĭt hŏng hmei jing khua hmei, leh anăn phung khua ngă yang Ñu djă ki klei bi blah čiăng ayŭ mtrŭt kơ klei bi blah hŏng diih. Ơ phung anak êkei Israel, đăm bi blah hŏng Yêhôwa Aê Diê phung aê diih ôh, kyuadah diih amâo srăng dưi ôh.”

II Klei Yăl Dliê 13:14

Tơdah phung Yuđa dlăng, nĕ anei mâo klei bi blah ti anăp leh anăn ti tluôn diñu; leh anăn diñu ur kwưh kơ Yêhôwa, leh anăn phung khua ngă yang ayŭ ki.

Klei Mmuñ Hđăp 106:4

Ơ Yêhôwa, brei Ih hdơr kơ kâo tơdah Ih brei klei jăk kơ phung ƀuôn sang Ih, đru kâo tơdah Ih bi mtlaih diñu,

Klei Mmuñ Hđăp 106:42

Phung roh diñu ktư̆ juă diñu, leh anăn bi mŭt diñu ti gŭ kngan phung roh.

Klei Mmuñ Hđăp 136:23

Pô hdơr kơ hmei tơdah hmei knap mñai; kyua klei khăp Ñu dôk nanao hlŏng lar.

Y-Êsai 18:3

Ơ jih jang phung dôk hlăm lăn ala, tơdah arăng mđĭ leh čhiăm gru ti dlông čư̆, diih srăng ƀuh. Tơdah arăng ayŭ ki, diih srăng hmư̆.

Y-Êsai 58:1

“Ur kraih bĕ, đăm kơ̆ng ôh; ur kraih msĕ si sa ƀĕ ki. Hưn bĕ kơ phung ƀuôn sang Kâo klei diñu gao klei bhiăn, leh anăn kơ sang Yakôp klei soh diñu.

Y-Yêrêmi 4:19

Knap mñai yơh, knap mñai yơh kâo! Kâo đih klŭng hlăm klei ruă. Ai tiê kâo ênguôt êdi! Kâo amâo dưi dôk ñăt ôh, kyuadah mngăt kâo hmư̆ leh asăp ki hưn mâo klei bi blah truh.

Y-Yêrêmi 4:21

Dŭm boh sui kâo ƀuh čhiăm gru phung roh, leh anăn hmư̆ asăp arăng ayŭ ki ksŭng kơ klei bi blah?

Y-Yêrêmi 4:5

“Hưn bĕ hlăm čar Yuđa leh anăn hlăm ƀuôn Yêrusalem, lač: ‘Ayŭ ki tar ƀar čar,’ ur kraih leh anăn lač, ‘Bi kƀĭn bĕ, leh anăn brei drei đuĕ nao kơ ƀuôn mâo mnư̆ kjăp!’

Y-Yêrêmi 49:2

Kyuanăn, nĕ anei hruê srăng truh,” Yêhôwa lač, “tơdah Kâo srăng brei arăng hmư̆ asăp ki kơ klei bi blah ngă kơ ƀuôn Raba hlăm čar Amôn; ƀuôn anăn srăng jing sa kbuôn ênguôl, leh anăn jih jang ƀuôn đơ điêt ñu arăng srăng čuh hŏng pui. Hlăk anăn phung Israel srăng plah mă dŏ dô phung plah mă dŏ dô diñu leh,” Yêhôwa lač.

Y-Yêrêmi 6:1

“Đuĕ dăp bĕ, Ơ phung ƀuôn sang krĭng Benjamin, kbiă bĕ mơ̆ng krah ƀuôn Yêrusalem! Ayŭ bĕ ki hlăm ƀuôn Têkôa, leh anăn mđĭ bĕ sa mnơ̆ng bi knăl ti ƀuôn Bet-Hakêrem; kyuadah klei jhat hriê mơ̆ng dưr, klei jhat anăn bi truh klei bi rai prŏng.

Y-Yêrêmi 6:17

Kâo mdưm leh phung gak kiă kriê diih, lač, ‘Mđing knga bĕ kơ asăp ki!’ Ƀiădah diñu lač, ‘Hmei amâo srăng dôk mđing ôh.’

Y-Êsêkiêl 7:14

Diñu ayŭ leh ki leh anăn mkra leh kơ klei bi blah; ƀiădah amâo mâo pô nao kơ klei bi blah ôh, kyuadah klei Kâo ngêñ dôk ti jih jang phung lu diñu.

Y-Ôsê 5:8

Ayŭ ki bi blah ti Gibêa, leh anăn ti Rama. Brei diih driâo brei răng ti Bet-Awen; dlăng ti tluôn ih, Ơ Benjamin!

Bruă Lêwi 23:24

“Lač bĕ kơ phung ƀuôn sang Israel, ‘Hlăm mlan tal kjuh, ti hruê tal sa hlăm mlan, brei diih mdei sa hruê hŏng klei mpŭ, jing sa klei bi hdơr arăng hưn hŏng klei ayŭ ki, mâo klei bi kƀĭn doh jăk.

Y-Amôs 3:6

Tơdah arăng ayŭ ki hlăm sa boh ƀuôn prŏng, phung ƀuôn sang amâo huĭ ôh? Mâo mơh klei jhat truh kơ sa boh ƀuôn prŏng tơdah Yêhôwa amâo ngă klei anăn?

Y-Sôphôni 1:16

hruê ayŭ ki leh anăn klei ur bi blah bi kdơ̆ng hŏng ƀuôn prŏng mâo mnư̆ kjăp leh anăn hŏng kđông dlông.

Klei Yap 31:6

Y-Môis tiŏ nao diñu kơ klei bi blah, sa êbâo čô mơ̆ng grăp găp djuê, mbĭt hŏng Y-Phinêas anak êkei khua ngă yang Y-Êlêasar djă ba mbĭt hŏng ñu mnơ̆ng yua doh jăk leh anăn ki ayŭ brei răng.

I Kôrantô 14:8

Leh anăn tơdah asăp ki amâo mngač ôh, hlei pô srăng mkra kơ klei bi blah?

Klei Mtô Mñă Klei Bhiăn 20:1

“Tơdah diih nao kơ klei bi blah hŏng phung roh diih, tơdah diih ƀuh aseh, êdeh aseh, leh anăn sa phung kahan lu hĭn kơ diih dê, đăm huĭ kơ diñu ôh, kyuadah Yêhôwa Aê Diê diih, Pô atăt diih kbiă leh mơ̆ng čar Êjip, dôk mbĭt hŏng diih.

Y-Yôsuê 6:5

Tơdah diñu ayŭ ki ktang leh anăn sui, tơdah diih hmư̆ asăp ki, brei jih jang phung ƀuôn sang ur driâo kraih ktang; hlăk anăn mnư̆ ƀuôn anăn srăng klưh, leh anăn phung ƀuôn sang srăng đĭ grăp čô phă anăp ñu pô.”

Phung Khua Phat Kđi 10:12

Msĕ mơh phung Sidôn, phung Amalek, leh anăn phung Maôn ktư̆ juă diih leh; leh anăn diih ur kơ Kâo, leh anăn Kâo bi mtlaih diih leh mơ̆ng kngan diñu.

Phung Khua Phat Kđi 10:8

Diñu juă lin phung anak Israel thŭn anăn. Êjai pluh sa păn thŭn diñu ktư̆ juă jih jang phung ƀuôn sang Israel dôk nah dih êa krông Yurdan hlăm ala čar Amôrit hlăm ala čar Galaat.

Phung Khua Phat Kđi 2:18

Tơdah Yêhôwa bi mđĭ kơ diñu phung khua phat kđi, Yêhôwa dôk mbĭt hŏng khua phat kđi anăn, leh anăn Gơ̆ bi mtlaih diñu mơ̆ng kngan phung roh diñu jih hruê khua phat kđi dôk hdĭp. Yêhôwa pap kơ diñu krao kyua phung bi knap leh anăn phung ktư̆ juă diñu.

Phung Khua Phat Kđi 3:27

Tơdah ñu truh tinăn, ñu ayŭ ki hlăm čar kngư Êphraim; leh anăn phung ƀuôn sang Israel trŭn mbĭt hŏng ñu mơ̆ng čar kngư, leh anăn ñu jing khua atăt digơ̆.

Phung Khua Phat Kđi 6:34

Mngăt Myang Yêhôwa bi bŏ Y-Gidêôn; ñu ayŭ ki, leh anăn iêô jih phung Abiêser brei tui hlue ñu.

Phung Khua Phat Kđi 6:9

Kâo bi mtlaih diih leh mơ̆ng kngan phung Êjip, leh anăn mơ̆ng kngan jih jang phung ktư̆ juă diih, leh anăn Kâo suôt diñu ti anăp diih, leh anăn brei leh ala čar diñu kơ diih.’

I Y-Samuel 10:18

Ñu lač kơ phung ƀuôn sang Israel, “Snei Yêhôwa, Aê Diê kơ phung Israel lač, ‘Kâo atăt leh phung Israel kbiă mơ̆ng čar Êjip, leh anăn Kâo bi mtlaih leh diih mơ̆ng kngan phung Êjip leh anăn mơ̆ng kngan jih jang ƀuôn ala mtao ktư̆ juă diih.’