Klei Yap 10:29 - Klei Aê Diê Blŭ 2015

²⁹ Y-Môis lač kơ Y-Hôbap anak êkei Y-Rêuel, sa čô Madian, ayŏng mô̆ Y-Môis, “Hmei đuĕ nao kơ anôk Yêhôwa lač leh, ‘Kâo srăng brei ñu kơ diih.’ Nao mbĭt hŏng hmei, leh anăn hmei srăng ngă jăk kơ ih, kyuadah Yêhôwa ƀuăn leh klei jăk kơ phung Israel.”

Klei Yap 10:29 Iomraidhean Croise

Klei Mphŭn Dơ̆ng 12:7

Khua Yang bi êdah Ñu pô kơ Y-Abram leh anăn lač, “Kâo srăng brei čar anei kơ phung anak čô ih.” Snăn tinăn ñu mdơ̆ng sa boh knưl ngă yang kơ Khua Yang, Pô bi êdah leh kơ ñu.

Phung Khua Phat Kđi 4:11

Y-Hêber sa čô Kênit bi ktlah ñu pô mơ̆ng găp djuê Kênit, jing phung anak čô Y-Hôbap kmha êkei Y-Môis, leh anăn ñu mdơ̆ng leh sang čhiăm ñu giăm ana kyâo ti ƀuôn Sananim, giăm hŏng ƀuôn Kadês.

Klei Kbiă 3:1

Y-Môis kiă biăp kmha ñu, Y-Jêtrô, khua ngă yang Madian; leh anăn ñu atăt biăp nah dih kdrăn tač, leh anăn truh kơ čư̆ Aê Diê, čư̆ Hôrep.

Klei Kbiă 2:18

Tơdah digơ̆ lŏ wĭt kơ Y-Rêuel ama digơ̆, ñu lač, “Si ngă diih wĭt ưm hruê anei?”

Klei Mphŭn Dơ̆ng 32:12

Ƀiădah Ih lač leh, ‘Kâo srăng ngă klei jăk kơ ih, leh anăn Kâo srăng brei phung anak čô ih lu msĕ si čuah êa ksĭ, arăng amâo dưi yap ôh kyuadah lu êdimima.’ ”

Klei Bi Êdah 22:17

Yang Mngăt Jăk leh anăn Mô̆ lač, “Hriê bĕ.” Leh anăn brei hlei pô hmư̆ lač, “Hriê bĕ.” Leh anăn hlei pô mhao brei ñu hriê, hlei pô čiăng brei ñu mă tŭ hơăi mang êa hdĭp.

Hêbrơ 6:18

Čiăng kơ hŏng dua klei amâo thâo mlih ôh, leh anăn hlăm dua klei anăn Aê Diê amâo dưi luar ôh, phung drei đuĕ dăp leh hlăm Ñu dưi mâo klei bi mđĭ ai ktang čiăng djă pioh klei čang hmăng Aê Diê ƀuăn leh kơ drei.

Y-Tit 1:2

hlăm klei čang hmăng kơ klei hdĭp hlŏng lar Aê Diê ƀuăn leh mơ̆ng lu ênuk êlâo — Ñu amâo tuôm luar ôh.

Bruă Phung Khua Ƀĭng Kna 7:5

Aê Diê amâo brei lăn hma kơ ñu ôh hlăm čar anăn, sa plă jơ̆ng lăn kăn mâo rei, ƀiădah Aê Diê ƀuăn srăng brei čar anăn jing dŏ ñu leh anăn dŏ phung anak čô ñu êdei, wăt tơdah hlăk anăn Y-Abraham ka mâo anak êkei ôh.

Y-Yêrêmi 50:5

Diñu srăng êmuh êlan nao kơ ƀuôn Siôn, ƀô̆ mta diñu wir phă ƀuôn Siôn, diñu srăng hriê leh anăn bi kuôl diñu pô hŏng Yêhôwa hŏng sa klei bi mguôp hlŏng lar diñu amâo srăng wơr bĭt ôh.

Y-Êsai 2:3

Lu phung ƀuôn sang srăng hriê leh anăn lač, “Bơ bĕ, brei drei đĭ nao kơ čư̆ Yêhôwa, kơ sang Aê Diê phung Yakôp, čiăng kơ Ñu bi hriăm êlan Ñu kơ drei, leh anăn čiăng kơ drei dưi êbat hlăm êlan Ñu.” Kyuadah klei bhiăn srăng kbiă mơ̆ng ƀuôn Siôn, leh anăn klei Yêhôwa blŭ srăng kbiă mơ̆ng ƀuôn Yêrusalem.

Klei Mmuñ Hđăp 34:8

Ơ, lông ksiêm leh anăn ƀuh kơ Yêhôwa jing jăk! Jăk mơak yơh mnuih đuĕ dăp hlăm Ñu.

I Y-Samuel 15:6

Y-Sôl lač kơ phung Kênit, “Đuĕ nao! Kbiă bĕ mơ̆ng krah phung Amalek, huĭdah kâo bi rai diih mbĭt hŏng diñu; kyuadah diih bi êdah leh klei pap kơ jih jang phung ƀuôn sang Israel hlăk digơ̆ kbiă mơ̆ng čar Êjip.” Snăn phung Kênit đuĕ mơ̆ng krah phung Amalek.

Phung Khua Phat Kđi 1:16

Phung anak čô Kênit, kmha êkei Y-Môis, đĭ nao mbĭt hŏng phung ƀuôn sang Yuđa mơ̆ng ƀuôn mâo ana boh đung, mŭt hlăm kdrăn tač čar Yuđa, anôk anăn hlăm čar Dhŭng giăm ƀuôn Arat. Diñu nao leh anăn dôk mbĭt hŏng phung ƀuôn sang.

Klei Yap 23:19

Aê Diê amâo jing sa čô mnuih ôh, tơl Ñu luar, amâodah sa čô anak êkei mnuih, tơl Ñu bi mlih klei Ñu mĭn. Ya klei Ñu lač leh, Ñu amâo srăng ngă klei anăn mơ̆? Ya klei Ñu hưn leh, Ñu amâo srăng bi truh klei anăn mơ̆?

Klei Kbiă 18:27

Y-Môis brei kmha ñu nao, leh anăn Y-Jêtrô đuĕ wĭt kơ čar ñu pô.

Klei Kbiă 18:1

Y-Jêtrô, khua ngă yang Madian, kmha Y-Môis, hmư̆ jih klei Aê Diê ngă brei leh kơ Y-Môis leh anăn kơ phung ƀuôn sang Ñu Israel, si klei Yêhôwa bi kbiă phung Israel mơ̆ng čar Êjip.

Klei Kbiă 3:8

leh anăn Kâo trŭn čiăng bi mtlaih diñu mơ̆ng kngan phung Êjip, leh anăn atăt diñu kbiă mơ̆ng čar anăn, đĭ nao kơ čar jăk leh anăn prŏng, kơ čar mâo mnơ̆ng ƀơ̆ng huă mnăm êbeh dlai, kơ anôk phung Kanaan, phung Hitit, phung Amôrit, phung Pêrisit, phung Hiwit, leh anăn phung Jêbusit.

Klei Mphŭn Dơ̆ng 15:18

Hlăm hruê anăn Khua Yang ngă klei bi mguôp hŏng Y-Abram, lač, “Kâo srăng brei čar anei kơ phung anak čô ih, dơ̆ng mơ̆ng êa krông čar Êjip truh ti êa krông prŏng, êa krông Ơprat,

Klei Mphŭn Dơ̆ng 13:15

jih jang lăn ih ƀuh Kâo srăng brei kơ ih leh anăn kơ phung anak čô ih hlŏng lar.

Klei Kbiă 6:4

Kâo bi kjăp leh mơh klei Kâo bi mguôp hŏng diñu, čiăng brei kơ diñu čar Kanaan, čar diñu jưh leh bhiâo.

Klei Kbiă 18:12

Y-Jêtrô kmha Y-Môis myơr kơ Aê Diê mnơ̆ng myơr čuh leh anăn lu mnơ̆ng ngă yang. Y-Arôn leh anăn jih jang phung khua mduôn Israel hriê huă ƀơ̆ng mbĭt hŏng kmha Y-Môis ti anăp Aê Diê.

Klei Yap 10:28

Anei jing pruê̆ dăp phung ƀuôn sang Israel êbat tui si phung kahan diñu tơdah diñu đuĕ nao.

Klei Mtô Mñă Klei Bhiăn 4:40

Kyuanăn brei diih djă pioh klei bhiăn Ñu leh anăn klei Ñu mtă kâo brei leh kơ diih hruê anei, čiăng kơ klei jăk truh kơ diih leh anăn kơ phung anak diih êdei, leh anăn čiăng kơ diih dôk sui hruê hlăm čar Yêhôwa Aê Diê diih brei kơ diih hlŏng lar.”

Klei Mtô Mñă Klei Bhiăn 30:5

Yêhôwa, Aê Diê diih srăng atăt ba diih mŭt hlăm ala čar phung aê diih đưm mă leh, čiăng kơ diih dưi mă bha. Ñu srăng brei diih čăt đĭ lu hĭn leh anăn jing lar êngŭm hĭn kơ phung aê diih đưm.

Klei Mmuñ Hđăp 95:1

Hriê bĕ drei mmuñ kơ Yêhôwa; brei drei ur hơ̆k kơ Boh Tâo Pô bi mtlaih drei.

Klei Mmuñ Hđăp 100:1

Ur hơ̆k bĕ kơ Yêhôwa, Ơ jih jang phung dôk ti lăn ala.

Klei Mphŭn Dơ̆ng 17:8

Jih čar Kanaan ih dôk ară anei, Kâo srăng brei kơ ih leh anăn kơ phung anak čô ih kơ êdei, srăng jing dŏ diñu hlŏng lar; leh anăn Kâo srăng jing Aê Diê diñu.”

Klei Kbiă 2:21

Y-Môis mơak dôk hlăm sang mnuih anăn; ñu brei Y-Môis dôk anak mniê ñu, H'Sêpôra.