Klei Yap 10:10 - Klei Aê Diê Blŭ 2015

¹⁰ Msĕ mơh hlăm hruê diih hơ̆k mơak, hlăm hruê klei huă mnăm bi kčah leh, leh anăn ti phŭn mlan diih, brei diih ayŭ ki êjai diih myơr mnơ̆ng myơr čuh leh anăn êjai diih ngă yang myơr mnơ̆ng kơ klei êđăp ênang. Diñu srăng đru diih mâo klei bi hdơr ti anăp Aê Diê diih; Kâo jing Yêhôwa Aê Diê diih.”

Klei Yap 10:10 Iomraidhean Croise

II Bruă Mtao 4:23

Ung ñu lač, “Si ngă ih čiăng nao kơ ñu hruê anei? Amâo djŏ mâo mlan mrâo ƀlĕ amâodah hruê sabat ôh.” Gơ̆ lač, “Srăng jing jăk.”

I Klei Yăl Dliê 15:24

Y-Sêbania, Y-Jôsaphat, Y-Nêthanel, Y-Amasai, Y-Sakari, Y-Bênaya, leh anăn Y-Êliêser phung khua ngă yang srăng ayŭ ki ti anăp hip Aê Diê. Y-Ôbet-Êđôm leh anăn Y-Jêhia msĕ mơh jing phung kiă ƀăng jang kơ hip.

I Klei Yăl Dliê 15:28

Snăn jih jang phung Israel atăt ba hip klei bi mguôp Yêhôwa hŏng klei ur driâo, hŏng asăp ki, dang, leh anăn asăp ênai kraih ktang mơ̆ng brô̆ leh anăn đĭng kliă.

I Klei Yăl Dliê 16:42

Y-Hêman leh anăn Y-Yêduthun mâo ki leh anăn dang pioh ayŭ êyuh leh anăn mnơ̆ng mkăn pioh kơ klei mmuñ doh jăk. Arăng mdưm leh phung anak êkei Y-Yêduthun kơ bruă kiă ƀăng jang.

II Klei Yăl Dliê 29:26

Phung Lêwi dôk dơ̆ng djă mnơ̆ng kưt mmuñ Y-Đawit leh anăn phung khua ngă yang djă ki.

II Klei Yăl Dliê 29:28

Jih jang phung bi kƀĭn kkuh mpŭ, leh anăn phung mmuñ dôk mmuñ, leh anăn phung ayŭ ki dôk ayŭ ki. Arăng ngă klei anăn tơl ruê̆ leh bruă myơr mnơ̆ng myơr čuh.

II Klei Yăl Dliê 7:6

Phung khua ngă yang dôk ngă bruă diñu; phung Lêwi msĕ mơh, mbĭt hŏng mnơ̆ng kưt mmuñ diñu ngă klei mpŭ kơ Yêhôwa, dŏ anăn Mtao Đawit ngă leh čiăng bi mni kơ Yêhôwa — kyuadah klei Ñu khăp sĭt suôr dôk nanao hlŏng lar — hlăk Y-Đawit myơr klei bi mni hŏng bruă diñu; phă hŏng diñu phung khua ngă yang ayŭ ki; leh anăn jih jang phung Israel dôk dơ̆ng.

Y-Êsra 3:10

Tơdah phung mdơ̆ng dưm leh atur sang yang Yêhôwa, phung khua ngă yang hơô čhiăm ao diñu êbat ti anăp ayŭ ki êjai, leh anăn phung Lêwi phung anak êkei Y-Asap djă đang čiăng mpŭ mni kơ Yêhôwa, tui si klei Y-Đawit mtao Israel mtă.

Y-Nêhêmi 12:35

leh anăn đa đa hlăm phung anak êkei phung khua ngă yang djă ki ayŭ: Y-Sakari anak êkei Y-Jônathan, čô Y-Sêmaya, čĕ Y-Matania, rĕ Y-Mika, anak êkei Y-Sakur, čô Y-Asap;

Klei Mmuñ Hđăp 150:3

Bi mni bĕ kơ Ñu hŏng asăp ki, bi mni bĕ kơ Ñu hŏng đĭng kliă leh anăn hŏng brô̆.

Klei Mmuñ Hđăp 81:3

Ayŭ ki ti hruê mlan mrâo ƀlĕ, ti mlan pŭr, ti hruê knăm drei.

Klei Mmuñ Hđăp 81:4

Kyuadah klei anăn jing sa mta klei bhiăn kơ phung Israel, sa klei mtă mơ̆ng Aê Diê Yakôp.

Klei Mmuñ Hđăp 89:15

Jăk mơak yơh kơ phung ƀuôn sang thâo bi mni kơ Ih, phung êbat hlăm klei mngač mơ̆ng ƀô̆ mta Ih, Ơ Yêhôwa.

Klei Kbiă 28:29

Tơdah Y-Arôn mŭt hlăm anôk doh jăk, ñu srăng djă anăn phung anak êkei Y-Israel hlăm mnal đah da klei phat kđi ti dlông tiê boh ñu, čiăng jing sa klei bi hdơr nanao ti anăp Yêhôwa.

Klei Kbiă 30:16

Brei ih mă tŭ mơ̆ng phung ƀuôn sang Israel prăk kơ klei bi doh klei soh, leh anăn yua prăk anăn kơ bruă hlăm sang čhiăm klei bi kƀĭn, čiăng jing mnơ̆ng brei Yêhôwa hdơr kơ phung ƀuôn sang Israel, čiăng bi doh diih pô kơ klei soh.”

Y-Êsai 27:13

Hlăm hruê anăn arăng srăng ayŭ ki prŏng. Phung luč leh hlăm čar Asiri leh anăn phung arăng suôt leh kơ čar Êjip srăng hriê kkuh mpŭ kơ Yêhôwa ti čư̆ doh jăk ti ƀuôn Yêrusalem.

Bruă Lêwi 23:24

“Lač bĕ kơ phung ƀuôn sang Israel, ‘Hlăm mlan tal kjuh, ti hruê tal sa hlăm mlan, brei diih mdei sa hruê hŏng klei mpŭ, jing sa klei bi hdơr arăng hưn hŏng klei ayŭ ki, mâo klei bi kƀĭn doh jăk.

Klei Yap 10:9

Leh anăn hlăm čar diih, tơdah diih nao bi blah hŏng roh ktư̆ juă diih, snăn diih srăng ayŭ ki brei nao bi blah, čiăng kơ Yêhôwa Aê Diê diih hdơr kơ diih, leh anăn diih srăng tlaih kơ phung roh diih.

Klei Yap 28:11

Ti grăp akŏ mlan brei ih myơr sa mnơ̆ng myơr čuh kơ Yêhôwa: dua drei êmô knô dam, sa drei biăp knô, leh anăn kjuh drei êđai biăp knô mâo sa thŭn amâo mâo anôk jhat ôh;

Klei Yap 29:1

“Ti hruê tal sa mlan tal kjuh brei diih mâo klei bi kƀĭn doh jăk; diih amâo dưi ngă sa mta bruă kơ diih pô ôh; jing sa hruê kơ diih ayŭ ki.

Y-Mathiơ 11:28

Hriê bĕ kơ Kâo, Ơ jih jang mnuih êmăn leh anăn gui ktrŏ, leh anăn Kâo srăng brei diih mdei.

Bruă Phung Khua Ƀĭng Kna 10:4

Hŏng klei huĭ snăk ñu dlăng amâo kƀreh ală ôh kơ dĭng buăl jăk leh anăn lač, “Ya klei mâo, Ơ Khua?” Dĭng buăl jăk lač kơ ñu, “Klei ih wah lač leh anăn mnơ̆ng ih brei pap đĭ leh truh kơ Aê Diê, leh anăn Aê Diê hdơr kơ klei anăn.

I Kôrantô 15:52

bhiâo riâo rit msĕ si kđhĭt ală, êjai hmư̆ asăp ki knhal tuč. Hlăk anăn phung djiê srăng kbiă lŏ hdĭp amâo lŏ thâo brŭ rai ôh, leh anăn drei srăng mâo klei bi mlih.

I Têsalônik 4:16

Kyuadah Khua Yang pô srăng trŭn hriê mơ̆ng adiê hŏng klei ur mjan, hŏng asăp khua dĭng buăl jăk Aê Diê, leh anăn hŏng asăp ki Aê Diê. Leh anăn phung djiê leh hlăm Krist srăng kbiă lŏ hdĭp tal êlâo hĭn.

I Têsalônik 4:18

Kyuanăn brei diih bi juh hdơ̆ng diih hŏng klei blŭ anăn.

Y-Yôsuê 4:7

Hlăk anăn diih srăng lač kơ diñu, Êa krông Yurdan khuôt hĕ ti anăp hip klei bi mguôp Yêhôwa; tơdah hip găn êa krông Yurdan, êa khuôt hĕ. Snăn yơh boh tâo anei srăng jing nanao sa klei bi hdơr kơ phung ƀuôn sang Israel.”

Y-Yôsuê 6:4

Kjuh čô khua ngă yang srăng djă kjuh ƀĕ ki ngă hŏng ki biăp knô ti anăp hip. Hruê tal kjuh brei diih êbat dar ƀuôn kjuh blư̆ êjai phung khua ngă yang ayŭ ki.

Klei Bi Êdah 22:17

Yang Mngăt Jăk leh anăn Mô̆ lač, “Hriê bĕ.” Leh anăn brei hlei pô hmư̆ lač, “Hriê bĕ.” Leh anăn hlei pô mhao brei ñu hriê, hlei pô čiăng brei ñu mă tŭ hơăi mang êa hdĭp.

I Y-Samuel 20:5

Y-Đawit lač kơ Y-Jônathan, “Nĕ anei, mgi mâo mlan mrâo, leh anăn tui si klei djŏ kâo srăng dôk gŭ huă ƀơ̆ng mbĭt hŏng mtao. Ƀiădah brei kâo nao čiăng kơ kâo dưi đuĕ dăp hlăm hma truh ti tlam hruê tal tlâo.