Klei Yap 1:53 - Klei Aê Diê Blŭ 2015

⁵³ Ƀiădah phung Lêwi srăng dôk jŭm sang čhiăm klei bi mguôp, čiăng kơ amâo mâo klei ngêñ ôh truh kơ phung ƀuôn sang Israel bi kƀĭn; leh anăn phung Lêwi srăng djă bruă kiă kriê sang čhiăm klei bi mguôp.”

Klei Yap 1:53 Iomraidhean Croise

I Klei Yăl Dliê 23:32

Snăn yơh digơ̆ srăng djă bruă sang čhiăm klei bi kƀĭn leh anăn adŭ doh jăk, leh anăn srăng đru phung anak êkei Y-Arôn, phung ayŏng adei digơ̆ hlăm bruă kơ sang Yêhôwa.”

II Klei Yăl Dliê 13:10

Ƀiădah bi kơ hmei, Yêhôwa jing Aê Diê hmei, leh anăn hmei amâo lui wir Ñu ôh. Hmei mâo phung khua ngă yang dôk mă bruă kơ Yêhôwa jing phung anak êkei Y-Arôn, leh anăn phung Lêwi đru bruă diñu.

II Klei Yăl Dliê 13:11

Diñu myơr kơ Yêhôwa grăp aguah leh anăn grăp tlam mnơ̆ng myơr čuh leh anăn mnơ̆ng ƀâo mngưi hŏng êa ƀâo mngưi, dăp kpŭng myơr kơ Aê Diê ti dlông jhưng mah doh, leh anăn răng kriê jơ̆ng diăn mah čiăng kơ pui kđen mtrang mngač grăp tlam; kyuadah hmei djă pioh klei Yêhôwa Aê Diê hmei mtă leh, ƀiădah diih lui wir Ñu leh.

Y-Yêrêmi 23:15

Kyuanăn snei Yêhôwa kơ phung kahan lač djŏ kơ phung khua pô hưn êlâo: “Nĕ anei, Kâo srăng čiêm diñu hŏng kyâo phĭ, leh anăn brei diñu mnăm êa kêč kam, kyuadah mơ̆ng phung khua pô hưn êlâo ƀuôn Yêrusalem klei amâo mpŭ kơ Aê Diê nao leh tar ƀar čar.”

Y-Yêrêmi 5:31

phung khua pô hưn êlâo hưn klei luar, leh anăn phung khua ngă yang kiă kriê tui si klei dưi diñu pô. Phung ƀuôn sang Kâo khăp klei msĕ snăn mơh, ƀiădah ti knhal tuč ya diih srăng ngă?”

Bruă Lêwi 10:6

Y-Môis lač kơ Y-Arôn leh anăn kơ phung anak êkei Y-Arôn, Y-Êlêasar leh anăn Y-Ithamar, “Đăm brei diih mdei gĭ ƀŭk diih, leh anăn đăm hiêk ôh čhiăm ao diih, huĭdah diih srăng djiê, leh anăn huĭdah klei ngêñ truh kơ jih jang phung bi kƀĭn. Ƀiădah phung ayŏng adei diih, jih sang Israel, dưi čŏk hia kyua pui Yêhôwa čuh leh.

Klei Yap 1:50

ƀiădah jao kơ phung Lêwi kiă sang čhiăm klei bi mguôp, jih jang mnơ̆ng yua hlăm sang čhiăm, leh anăn jih jang mnơ̆ng pioh kơ sang čhiăm anăn. Diñu srăng kkung sang čhiăm anăn leh anăn jih jang mnơ̆ng yua kơ sang čhiăm anăn, leh anăn diñu srăng mă bruă hlăm gơ̆ leh anăn dôk jŭm dar sang čhiăm.

Klei Yap 1:54

Snăn phung ƀuôn sang Israel; hlue ngă jih klei Yêhôwa mtă leh kơ Y-Môis.

Klei Yap 16:46

Y-Môis lač kơ Y-Arôn, “Mă bĕ mtĭl čuh mnơ̆ng ƀâo mngưi ih, dưm pui mơ̆ng knưl hlăm anăn, leh anăn dưm mnơ̆ng ƀâo mngưi hlăm anăn, djă ba djăl kơ phung bi kƀĭn leh anăn ngă klei bi doh klei soh diñu; kyuadah klei ngêñ kbiă leh mơ̆ng Yêhôwa, klei truh jhat dơ̆ng leh.”

Klei Yap 16:9

djŏ mơ̆ jing sa klei điêt đei kơ diih klei Aê Diê phung Israel ruah diih leh mơ̆ng phung Israel bi kƀĭn, čiăng atăt diih giăm Ñu, čiăng ngă bruă hlăm sang čhiăm Yêhôwa, leh anăn dôk dơ̆ng ti anăp phung bi kƀĭn čiăng mă bruă kơ digơ̆;

Klei Yap 17:7

Y-Môis dưm jih jang giê anăn ti anăp Yêhôwa hlăm sang čhiăm klei bi mguôp.

Klei Yap 2:17

Leh anăn sang čhiăm klei bi kƀĭn srăng đuĕ nao mbĭt hŏng phung Lêwi ti krah phung mkăn. Tui si anôk diñu dôk leh, snăn diñu srăng đuĕ nao, grăp phung hlăm anôk diñu, tui si čhiăm gru diñu.

Klei Yap 3:23

Phung găp djuê Gersôn dôk ti tluôn sang čhiăm tĭng yŭ,

Klei Yap 3:29

Găp djuê phung Kôhat dôk tĭng dhŭng sang čhiăm,

Klei Yap 3:35

Khua kơ sang phung ama phung găp djuê Mêrari jing Y-Suriel anak êkei Y-Abihal; diñu dôk tĭng dưr sang čhiăm.

Klei Yap 3:38

Phung dôk ti anăp sang čhiăm tĭng ngŏ ti anăp sang čhiăm klei bi kƀĭn phă yang hruê ƀlĕ mâo Y-Môis, Y-Arôn leh anăn phung anak êkei ñu, mâo bruă kiă kriê klei kkuh mpŭ hlăm adŭ doh jăk, jih bruă djŏ kơ phung ƀuôn sang Israel; leh anăn tơdah pô mkăn hriê giăm sang čhiăm, brei arăng bi mdjiê gơ̆.

Klei Yap 31:30

Mơ̆ng dŏ mkrah kơ phung ƀuôn sang Israel brei ih mă sa hlăm êma pluh, mnuih, êmô, aseh dliê, biăp, leh anăn jih jang hlô mnơ̆ng, leh anăn brei dŏ anăn kơ phung Lêwi phung mâo bruă hŏng sang čhiăm Yêhôwa.”

Klei Yap 31:47

mơ̆ng kdrêč mkrah djŏ kơ phung ƀuôn sang Israel, Y-Môis mă sa mơ̆ng grăp êma pluh, mnuih leh anăn hlô mnơ̆ng, leh anăn brei kơ phung Lêwi phung mă bruă hŏng sang čhiăm Yêhôwa; tui si Yêhôwa mtă leh kơ Y-Môis.

Klei Yap 8:19

Leh anăn Kâo brei leh phung Lêwi jing mnơ̆ng brei kơ Y-Arôn leh anăn kơ phung anak êkei ñu mơ̆ng krah phung ƀuôn sang Israel, ngă bruă kơ phung ƀuôn sang Israel ti sang čhiăm klei bi kƀĭn, leh anăn ngă klei bi doh klei soh phung ƀuôn sang Israel, čiăng amâo mâo ôh klei truh jhat ti krah phung ƀuôn sang Israel tơdah phung ƀuôn sang Israel nao giăm adŭ doh jăk.”

II Y-Timôthê 4:2

mtô klei Aê Diê blŭ, brei ih gĭr thâodah mông găl amâodah amâo găl ôh, mblang bi klă, ƀuah, mđĭ ai, đăm kƀah ôh klei gĭr leh anăn klei mtô.

I Y-Samuel 6:19

Yêhôwa bi mdjiê đa đa phung êkei ƀuôn Bet-Sêmes kyuadah diñu iêp dlăng hlăm lam hip Yêhôwa. Ñu bi mdjiê kjuh pluh čô digơ̆. Leh anăn phung ƀuôn sang čŏk hia, kyuadah Yêhôwa bi mdjiê lu čô ti krah phung mnuih ƀuôn sang.