Klei Yap 1:3 - Klei Aê Diê Blŭ 2015

³ mơ̆ng pô mâo dua pluh thŭn kơ dlông, jih jang phung Israel dưi nao kơ klei bi blah. Brei ih leh anăn Y-Arôn yap diñu, sa phung sa phung.

Klei Yap 1:3 Iomraidhean Croise

II Y-Samuel 24:9

Y-Jôap brei ênoh yap phung ƀuôn sang kơ mtao: hlăm phung Israel mâo sa păn êtuh êbâo kahan jhŏng ktang djă đao gưm, leh anăn phung kahan Yuđa mâo êma êtuh êbâo čô.

I Klei Yăl Dliê 5:18

Phung Ruben, phung Gat, leh anăn sa mkrah găp djuê Manasê mâo phung êkei jhŏng ktang djă khil leh anăn đao gưm, leh anăn mnah hna, knhăk hlăm klei bi blah, mâo pă pluh pă êbâo kjuh êtuh năm pluh čô mkra leh kăp bi blah.

II Klei Yăl Dliê 25:5

Y-Amasia bi kƀĭn phung êkei Yuđa leh anăn bi mbha diñu tui si sang ama diñu ti gŭ klei kiă kriê phung khua kơ sa êbâo čô leh anăn sa êtuh čô phung Yuđa leh anăn phung Benjamin. Ñu rĭng phung mâo dua pluh thŭn kơ dlông, leh anăn ênoh yap diñu mâo tlâo êtuh êbâo čô êkei jăk hĭn, thâo bi blah, dưi djă kju leh anăn khil.

Klei Kbiă 12:17

Brei diih hdơr pioh Klei Knăm Kpŭng Amâo Mâo Kpei, kyuadah djŏ hruê anei mơh Kâo bi kbiă leh phung găp djuê diih mơ̆ng čar Êjip. Kyuanăn brei diih hdơr pioh hruê anei hlăm jih jang ênuk diih, jing klei mtă hlŏng lar.

Klei Kbiă 30:14

Grăp čô phung arăng yap mơ̆ng pô mâo dua pluh thŭn kơ dlông srăng brei mnơ̆ng myơr anăn kơ Yêhôwa.

Klei Kbiă 38:26

Snăn jing sa mkrah sêkel grăp čô tui si sêkel mơ̆ng adŭ doh jăk, kơ grăp čô êkei arăng yap leh dơ̆ng mơ̆ng dua pluh thŭn kơ dlông mâo năm êtuh tlâo êbâo êma êtuh êma pluh čô êkei.

Klei Yap 14:29

asei mlei diih djiê srăng êbuh hlăm kdrăn tač anei; leh anăn hlăm jih jang ênoh yap diih arăng yap leh mơ̆ng pô mâo dua pluh thŭn kơ dlông, phung blŭ dŭñ dŭñ bi kdơ̆ng leh hŏng Kâo,

Klei Yap 26:2

“Ngă bĕ klei yap jih jang phung ƀuôn sang Israel bi kƀĭn mơ̆ng pô mâo dua pluh thŭn kơ dlông, tui si sang ama diñu, jih jang phung Israel dưi nao kơ klei bi blah.”

Klei Yap 3:15

“Čih yap bĕ phung anak êkei Lêwi tui si sang ama diñu, tui si găp djuê diñu; brei ih čih yap jih jang êkei mơ̆ng phung mâo sa mlan kơ dlông.”

Klei Yap 32:11

‘Sĭt nik amâo mâo sa čô ôh hlăm phung mnuih kbiă leh mơ̆ng čar Êjip, mơ̆ng phung mâo dua pluh thŭn kơ dlông, srăng ƀuh čar Kâo kat asei leh čiăng brei kơ Y-Abraham, kơ Y-Isăk, leh anăn kơ Y-Yakôp, kyuadah diñu amâo tui hlue Kâo hŏng jih ai tiê ôh;

Klei Yap 33:1

Anei dŭm anôk phung ƀuôn sang Israel hiu êbat, tơdah diñu kbiă mơ̆ng čar Êjip tui si phung kahan diñu ti gŭ klei Y-Môis leh anăn Y-Arôn atăt gai.

Klei Yap 4:3

mơ̆ng phung mâo tlâo pluh thŭn truh kơ êma pluh thŭn, jih jang phung dưi mŭt hlăm bruă pioh ngă bruă hlăm sang čhiăm klei bi kƀĭn.

Klei Mtô Mñă Klei Bhiăn 24:5

Tơdah sa čô êkei mrâo bi dôk ung mô̆, ñu amâo srăng nao mbĭt hŏng phung kahan amâodah djă sa mta bruă ôh; ñu srăng dôk êngiê ti sang ñu êjai sa thŭn, čiăng mâo klei hơ̆k mơak hŏng mô̆ ñu mă leh.”

Klei Mtô Mñă Klei Bhiăn 3:18

Hlăk anăn kâo mtă kơ diih, lač, ‘Yêhôwa Aê Diê diih jao leh ala čar anei jing dŏ diih; jih jang phung kahan jhŏng diih srăng găn djă ba mnơ̆ng bi blah ti anăp phung ayŏng adei diih, phung ƀuôn sang Israel.