Klei Yap 1:16 - Klei Aê Diê Blŭ 2015

¹⁶ Phung anei jing phung arăng ruah mơ̆ng phung bi kƀĭn, phung khua kơ găp djuê phung aê diñu, phung khua kahan kơ djuê Israel.

Klei Yap 1:16 Iomraidhean Croise

Klei Kbiă 18:21

Leh anăn ruah bĕ mơ̆ng phung ƀuôn sang phung êkei mâo klei dưi, thâo huĭ mpŭ kơ Aê Diê, ênuah ênô, bi êmut kơ klei sun ngăn. Brei phung anăn jing khua kơ sa êbâo čô, kơ sa êtuh čô, kơ êma pluh čô, leh anăn kơ pluh čô.

Klei Kbiă 18:25

Y-Môis ruah phung êkei mâo klei dưi mơ̆ng krah jih phung Israel, leh anăn mdưm digơ̆ khua kơ phung ƀuôn sang, khua kơ sa êbâo čô, kơ sa êtuh čô, kơ êma pluh čô, leh anăn kơ pluh čô.

Y-Mika 5:2

Ƀiădah ih, Ơ ƀuôn Betlêhem Êphrata, wăt tơdah ih jing ƀuôn điêt ti krah phung găp djuê čar Yuđa, mơ̆ng ih srăng kbiă hriê kơ Kâo sa čô srăng jing khua gai gĭt hlăm phung Israel, Pô mâo phŭn mơ̆ng ênuk đưm, mơ̆ng ênuk hlŏng lar.

Klei Yap 1:15

mơ̆ng phung Naptali mâo Y-Ahira anak êkei Y-Ênan.”

Klei Yap 1:17

Y-Môis leh anăn Y-Arôn tŭ jum phung êkei anei arăng ruah leh,

Klei Yap 1:4

Brei mâo mbĭt hŏng diih sa čô êkei mơ̆ng grăp găp djuê, pô jing khua kơ sang aê phŭn ñu.

Klei Yap 10:4

Ƀiădah tơdah arăng ayŭ knŏng sa ƀĕ, hlăk anăn phung khua phung găp djuê Israel srăng bi kƀĭn hŏng ih.

Klei Yap 11:17

Kâo srăng trŭn leh anăn tinăn Kâo srăng blŭ hŏng ih; Kâo srăng mă Mngăt Myang dôk ti dlông ih leh anăn dưm gơ̆ msĕ mơh ti dlông diñu; leh anăn diñu srăng klam klei ktrŏ phung ƀuôn sang mbĭt hŏng ih, čiăng kơ ih amâo klam hjăn ih ôh klei anăn.

Klei Yap 16:2

jak phung dua êtuh êma pluh čô phung khua hlăm phung Israel bi kƀĭn, phung arăng ruah leh, phung mâo hing ang, leh anăn diñu bi kdơ̆ng hŏng Y-Môis.

Klei Yap 26:9

Phung anak êkei Y-Êliap: Y-Nêmuel, Y-Dathan, leh anăn Y-Abiram. Y-Dathan leh anăn Y-Abiram anăn yơh arăng ruah leh mơ̆ng phung bi kƀĭn bi kdơ̆ng hŏng Y-Môis leh anăn Y-Arôn mbĭt hŏng Y-Kôrê, tơdah diñu bi kdơ̆ng hŏng Yêhôwa,

Klei Yap 30:1

Y-Môis lač kơ phung khua găp djuê phung ƀuôn sang Israel, “Anei klei Yêhôwa mtă leh.

Klei Yap 7:2

phung khua Israel, phung khua kơ sang ama diñu, phung khua kơ phung găp djuê kiă kriê phung arăng yap leh,

Klei Mtô Mñă Klei Bhiăn 1:15

Snăn kâo mă phung khua mơ̆ng găp djuê diih, phung thâo mĭn leh anăn găn lu klei truh, leh anăn mdưm digơ̆ jing khua kơ diih, khua kơ êbâo, khua kơ êtuh, khua kơ êma pluh, leh anăn khua kơ pluh čô, leh anăn khua kiă hlăm phung găp djuê diih.

Phung Khua Phat Kđi 6:15

Y-Gidêôn lŏ wĭt lač kơ Ñu, “Ơ Khua Yang, si kâo dưi bi mtlaih phung Israel? Nĕ anei, găp djuê kâo jing awăt hĭn hlăm phung Manasê, leh anăn kâo jing pô điêt hĭn hlăm găp djuê kâo.”

I Y-Samuel 22:7

Y-Sôl lač kơ phung dĭng buăl dôk dơ̆ng jŭm ñu, “Dôk hmư̆ bĕ, Ơ phung Benjamin. Anak êkei Y-Yêsê srăng brei kơ grăp čô diih hma leh anăn đang boh kriăk ƀâo mơ̆? Ñu srăng mjing jih jang diih phung khua kơ êbâo čô leh anăn khua kơ êtuh čô,

I Y-Samuel 23:23

Snăn dlăng leh anăn ksiêm bi nik jih jang anôk ñu đuĕ dăp, leh anăn lŏ wĭt hưn klei diih thâo sĭt leh kơ kâo. Snăn kâo srăng nao mbĭt hŏng diih. Tơdah ñu dôk hlăm čar, kâo srăng duah ñu tơl ƀuh ti krah lu êbâo phung Yuđa.”