Klei Yap 1:1 - Klei Aê Diê Blŭ 2015

¹ Yêhôwa blŭ kơ Y-Môis hlăm kdrăn tač Sinai, hlăm sang čhiăm klei bi kƀĭn, ti hruê tal êlâo mlan dua, thŭn tal dua, leh diñu kbiă mơ̆ng čar Êjip, lač,

Klei Yap 1:1 Iomraidhean Croise

I Bruă Mtao 6:1

Thŭn tal pă êtuh sa păn pluh leh phung ƀuôn sang Israel kbiă mơ̆ng čar Êjip, hlăm thŭn tal pă Y-Salômôn kiă kriê phung Israel, hlăm mlan Siwơ, jing mlan tal dua, ñu dơ̆ng mdơ̆ng sang Yêhôwa.

Klei Kbiă 19:1

Mlan tal tlâo leh diñu kbiă mơ̆ng čar Êjip, ti hruê tal sa phung ƀuôn sang Israel truh kơ kdrăn tač Sinai.

Klei Kbiă 19:2

Kbiă mơ̆ng Rêphidim, diñu truh kơ kdrăn tač Sinai, leh anăn diñu jưh hlăm kdrăn tač ti anăp čư̆.

Klei Kbiă 25:22

Tinăn Kâo srăng bi tuôm hŏng ih, leh anăn ti dlông kđhăp klei pap brei ti plah wah rup čêrubim dôk ti dlông hip klei bi mguôp anăn, Kâo srăng blŭ kơ ih jih jang klei Kâo srăng mtă kơ phung ƀuôn sang Israel.”

Klei Kbiă 40:17

Hruê tal sa hlăm mlan tal sa thŭn tal dua diñu bi leh mdơ̆ng sang čhiăm.

Klei Kbiă 40:2

“Hruê tal sa hlăm mlan tal sa brei ih mdơ̆ng sang čhiăm klei bi kƀĭn.

Bruă Lêwi 1:1

Yêhôwa iêô Y-Môis leh anăn blŭ kơ ñu mơ̆ng sang čhiăm klei bi kƀĭn, lač:

Bruă Lêwi 27:34

Anăn jing klei mtă Yêhôwa brei leh kơ Y-Môis ti dlông čư̆ Sinai kơ phung ƀuôn sang Israel.

Klei Yap 1:18

leh anăn ti hruê tal sa mlan dua diñu bi kƀĭn jih jang phung ƀuôn sang mbĭt, čih anăn digơ̆ pô tui si boh gŏ, tui si sang ama digơ̆, tui si dŭm anăn mâo mơ̆ng phung mâo dua pluh thŭn kơ dlông, sa čô sa čô,

Klei Yap 12:4

Bhiâo riâo rit Yêhôwa lač kơ Y-Môis, kơ Y-Arôn, leh anăn kơ H'Miriam, “Hriê bĕ jih diih tlâo kơ sang čhiăm klei bi kƀĭn.” Leh anăn tlâo čô diñu kbiă nao.

Klei Yap 9:1

Yêhôwa lač kơ Y-Môis hlăm kdrăn tač Sinai, mlan tal sa, thŭn tal dua leh diñu kbiă mơ̆ng čar Êjip, lač,

Klei Mtô Mñă Klei Bhiăn 1:3

Hlăm thŭn tal pă pluh, ti hruê sa mlan pluh sa Y-Môis blŭ kơ phung ƀuôn sang Israel tui si jih jang klei Yêhôwa brei leh kơ ñu mtă kơ digơ̆,

Klei Mtô Mñă Klei Bhiăn 2:14

Boh sui drei đuĕ mơ̆ng Kadês-Barnêa tơl drei găn êa hnoh Sêret mâo leh tlâo pluh sa păn thŭn, tơl jih ênuk anăn, phung êkei bi blah rai tuč leh mơ̆ng wăl, tui si Yêhôwa kat asei leh.

Klei Mtô Mñă Klei Bhiăn 2:7

Kyuadah Yêhôwa Aê Diê ih hơêč hmưi klei jăk jĭn leh kơ ih hlăm jih jang bruă kngan ih ngă. Ñu thâo kral leh klei ih hiu găn kdrăn tač prŏng anei; êjai pă pluh thŭn anei Yêhôwa Aê Diê ih dôk mbĭt hŏng ih leh; ih amâo kƀah sa mnơ̆ng ôh.’