Klei Mphŭn Dơ̆ng 9:6 - Klei Aê Diê Blŭ 2015

⁶ Hlei pô tuh êrah mnuih, mnuih mơh srăng tuh êrah pô anăn; kyuadah Aê Diê mjing mnuih tui si rup Ñu pô.

Klei Mphŭn Dơ̆ng 9:6 Iomraidhean Croise

Klei Mphŭn Dơ̆ng 4:14

Nĕ anei, Ih suôt kâo leh hruê anei mơ̆ng lăn anei, leh anăn mdăp kâo mơ̆ng ƀô̆ mta Ih; kâo srăng jing sa čô pô đuĕ nanao leh anăn hiu rưng ti lăn ala, leh anăn hlei pô tuôm hŏng kâo srăng bi mdjiê hĕ kâo.”

Klei Mphŭn Dơ̆ng 42:22

Y-Ruben lŏ wĭt lač kơ diñu, “Amâo djŏ hĕ kâo lač kơ diih, ‘Đăm diih ngă soh hŏng hđeh anei ôh’? Ƀiădah diih amâo čiăng hmư̆ ôh. Snăn drei tŭ ară anei klei phat kđi kyua klei tuh êrah ñu leh.”

Klei Mphŭn Dơ̆ng 5:1

Anei jing klei čih djŏ kơ phung anak čô Y-Ađam. Tơdah Aê Diê hrih mnuih, Ñu mjing digơ̆ tui si rup Aê Diê pô.

II Y-Samuel 4:11

Kdlưn hĭn kơ anăn tơdah phung ƀai bi mdjiê hĕ sa čô mnuih kpă ênô hlăm sang gơ̆ pô ti dlông jhưng pĭt gơ̆, amâo djŏ hĕ kâo srăng rŭ ênua êrah gơ̆ ti kngan diih, leh anăn bi rai hĕ diih mơ̆ng lăn ala?”

I Bruă Mtao 2:9

Kyuanăn ară anei đăm yap ôh ñu amâo mâo klei soh, kyuadah ih jing sa čô mnuih thâo mĭn. Ih srăng thâo ya jing djŏ srăng ngă kơ ñu, leh anăn ih srăng mtrŭn ƀŭk ñu kơ Ƀuôn Phung Djiê hŏng êrah.”

II Bruă Mtao 11:1

Tơdah H'Athali amĭ Y-Ahasia ƀuh anak êkei ñu djiê leh, ñu kgŭ leh anăn bi rai hĕ jih jang găp djuê mtao.

II Bruă Mtao 11:16

Snăn digơ̆ mă ñu, leh anăn ñu êbat ti êlan aseh mŭt kơ sang mtao, leh anăn tinăn yơh arăng bi mdjiê hĕ ñu.

II Bruă Mtao 11:20

Snăn jih jang phung ƀuôn sang hlăm čar hơ̆k mơak, leh anăn ƀuôn dôk êđăp ênang leh arăng bi mdjiê H'Athali hŏng đao gưm ti sang mtao.

II Klei Yăl Dliê 33:24

Phung dĭng buăl ñu trông čhai ngă kơ ñu leh anăn bi mdjiê ñu hlăm sang mtao ñu pô.

Klei Mmuñ Hđăp 51:4

Kâo ngă soh hŏng Ih, knŏng hŏng Ih yơh, leh anăn kâo ngă leh klei jhat ƀai ti anăp ală Ih; snăn Ih jing kpă tơdah Ih blŭ kđi, leh anăn amâo mâo klei arăng dưi ƀuah ôh tơdah Ih bi kmhal kâo.

Klei Kbiă 20:13

Đăm bi mdjiê mnuih ôh.

Klei Bi Hriêng 28:17

Sa čô mnuih tuh êrah mnuih mkăn srăng đuĕ nanao tơl djiê; đăm brei arăng kơ̆ng ñu ôh.

Khua Pô Mtô 3:3

hlăk bi mdjiê, leh anăn hlăk bi hlao, hlăk ruh sang, leh anăn hlăk mdơ̆ng sang,

Bruă Lêwi 17:4

leh anăn amâo djă ba ôh gơ̆ ti ƀăng bhă sang čhiăm klei bi kƀĭn, čiăng myơr gơ̆ jing mnơ̆ng myơr kơ Yêhôwa ti anăp sang čhiăm Yêhôwa, arăng srăng yap klei soh tuh êrah ti êkei anăn; ñu tuh êrah leh; brei arăng khăt hĕ ñu mơ̆ng phung ƀuôn sang ñu.

Bruă Lêwi 24:17

Hlei pô bi mdjiê sa čô mnuih, brei arăng bi mdjiê ñu.

Klei Yap 35:16

Ƀiădah tơdah ñu čăm gơ̆ hŏng dŏ msei, snăn gơ̆ djiê hĕ, ñu jing pô bi mdjiê mnuih; pô bi mdjiê mnuih anăn brei arăng bi mdjiê hĕ.

Klei Yap 35:25

Leh anăn phung bi kƀĭn srăng dŏng pô bi mdjiê mnuih mơ̆ng kngan pô rŭ ênua kơ êrah, leh anăn phung bi kƀĭn srăng brei ñu wĭt kơ ƀuôn đuĕ dăp, anôk ñu đuĕ dăp leh, leh anăn ñu srăng dôk tinăn tơl khua ngă yang prŏng pô arăng trôč leh êa ƀâo mngưi doh jăk djiê.

Klei Yap 35:33

Snăn đăm bi čhŏ ôh lăn diih dôk; kyuadah êrah bi čhŏ lăn, leh anăn amâo mâo ôh klei bi doh arăng dưi ngă kơ lăn kyua êrah tuh leh tinăn, knŏng hŏng êrah pô tuh êrah leh.

Y-Mathiơ 26:52

Yêsu lač kơ ñu, “Lŏ hrô đao gưm ih hlăm hrŭm; kyuadah hlei pô yua đao gưm srăng rai tuč hŏng đao gưm mơh.

Hră Y-Pôl Mơĭt kơ Phung Rôm 13:4

Kyuadah khua kiă kriê jing dĭng buăl kơ Aê Diê čiăng ngă klei jăk kơ ih. Ƀiădah tơdah ih ngă klei jhat, huĭ bĕ: kyuadah ñu amâo djă đao gưm hơăi mang ôh. Kyuadah ñu jing dĭng buăl Aê Diê čiăng bi truh klei Aê Diê ngêñ kơ hlei pô ngă klei jhat.

I Kôrantô 11:7

Sa čô êkei amâo bhiăn ôh guôm boh kŏ ñu, kyuadah ñu jing rup leh anăn klei guh kơang kơ Aê Diê; ƀiădah mniê jing klei guh kơang kơ êkei.

Klei Mtô Mñă Klei Bhiăn 19:11

Ƀiădah tơdah sa čô êkei bi êmut kơ pô riêng gah ñu, leh anăn dôk kăp gơ̆, ngă kơ gơ̆, leh anăn bi êka gơ̆ kjham tơl djiê, leh anăn êkei anăn đuĕ mŭt hlăm sa boh ƀuôn anei,

Klei Mtô Mñă Klei Bhiăn 5:17

Đăm ih bi mdjiê mnuih ôh.

Y-Yakơ 3:9

Hŏng êlah drei mpŭ mni kơ Khua Yang leh anăn Ama drei, ƀiădah hŏng êlah mơh drei tăm pah kơ mnuih, phung Aê Diê hrih leh tui si rup Ñu pô.

Klei Bi Êdah 13:10

Hlei pô čuăn leh jing mnă, ñu srăng nao kơ anôk jing mnă; hlei pô čuăn leh tŭ klei bi mdjiê hŏng đao gưm, srăng tŭ klei bi mdjiê hŏng đao gưm. Tinei jing klei gĭr leh anăn klei đăo kơ phung doh jăk.

Phung Khua Phat Kđi 9:56

Snăn Aê Diê lŏ bi wĭt klei jhat Y-Abimêlek ngă leh kơ ama ñu êjai bi mdjiê kjuh pluh čô ayŏng adei ñu.

I Y-Samuel 15:33

Y-Samuel lač, “Msĕ si đao gưm ih brei leh lu mniê luč anak, snăn mơh amĭ ih srăng luč anak mbĭt hŏng phung mniê mkăn.” Leh anăn Y-Samuel koh Y-Agak lu kdrêč ti anăp Yêhôwa, ti ƀuôn Gilgal.