Klei Mphŭn Dơ̆ng 9:2 - Klei Aê Diê Blŭ 2015

² Jih jang hlô mnơ̆ng hlăm lăn ala leh anăn jih jang čĭm hlăm adiê, jih jang mnơ̆ng êbat ban rui ti lăn, leh anăn jih jang kan hlăm êa ksĭ srăng huĭ kơ diih. Kâo jao leh jih jang mnơ̆ng anăn hlăm kngan diih sơăi.

Klei Mphŭn Dơ̆ng 9:2 Iomraidhean Croise

Klei Mphŭn Dơ̆ng 1:21

Snăn Aê Diê hrih lu kan prŏng leh anăn lu mnơ̆ng hdĭp kpư̆ hiu hlăm êa lar êngŭm tui si mta diñu, leh anăn lu čĭm mâo siap tui si mta diñu. Aê Diê ƀuh klei anăn jing jăk.

Klei Mphŭn Dơ̆ng 1:26

Hlăk anăn Aê Diê lač, “Brei Drei mjing mnuih tui si rup Drei, msĕ si Drei pô; leh anăn brei diñu kiă kriê kan hlăm êa ksĭ, čĭm hlăm adiê, hlô mnơ̆ng rông, jih jang hlô dliê tar ƀar lăn ala leh anăn jih jang mnơ̆ng êbat ban ti rŏng lăn ala.”

Klei Mphŭn Dơ̆ng 1:28

Aê Diê hơêč hmưi klei jăk jĭn kơ digơ̆ leh anăn lač kơ digơ̆, “Brei diih mâo anak leh anăn bi lar êngŭm, bi bŏ lăn ala, leh anăn brei diih jing khua kơ lăn ala; brei diih kiă kriê kan hlăm êa ksĭ, čĭm hlăm adiê, leh anăn jih jang mnơ̆ng hdĭp kpư̆ hiu ti lăn ala.”

Klei Mphŭn Dơ̆ng 2:19

Khua Yang Aê Diê mjing hŏng lăn jih jang hlô mnơ̆ng hlăm dliê leh anăn jih jang čĭm čap hlăm adiê. Ñu atăt ba mnơ̆ng anăn ti anăp êkei anăn čiăng thâo si gơ̆ srăng bi anăn jih jang diñu. Jih jang mnơ̆ng hdĭp djă pioh anăn diñu tui si êkei anăn bi anăn.

Klei Mphŭn Dơ̆ng 35:5

Êjai diñu đuĕ nao, Aê Diê bi huĭ phung dôk hlăm jih jang ƀuôn jŭm dar diñu, snăn phung anăn amâo tiŏ ôh phung anak Y-Yakôp.

Klei Mphŭn Dơ̆ng 9:1

Aê Diê hơêč hmưi klei jăk jĭn kơ Y-Nôê leh anăn kơ phung anak êkei ñu, leh anăn lač kơ digơ̆, “Brei diih jing lar êngŭm leh anăn bi bŏ lăn ala.

Klei Mphŭn Dơ̆ng 9:3

Jih jang mnơ̆ng hdĭp kpư̆ hiu srăng jing mnơ̆ng diih dưi ƀơ̆ng; Kâo brei kơ diih jih jang mnơ̆ng anăn msĕ si Kâo brei leh êlâo ana djam mtah.

Y-Yôp 39:11

Ih srăng knang kơ ñu kyua klei ktang ñu prŏng mơ̆, leh anăn ih srăng jao mơ̆ kơ ñu bruă dleh ih?

Y-Êsêkiêl 34:25

Kâo srăng ngă hŏng diñu sa klei bi mguôp êđăp ênang leh anăn suôt hlô dliê mơ̆ng čar, čiăng kơ diñu dôk hơĭt hlăm kdrăn tač leh anăn dôk pĭt hlăm kmrơ̆ng hŏng klei êđăp ênang.

Y-Ôsê 2:18

Hlăm hruê anăn Kâo srăng ngă brei kơ diih sa klei bi mguôp hŏng hlô dliê, čĭm phiơr hlăm adiê, leh anăn hlô êbat ban ti lăn; Kâo srăng bi luč hna, đao gưm, leh anăn klei bi blah mơ̆ng čar; leh anăn Kâo srăng brei diih đih mdei hŏng klei hơĭt.

Bruă Lêwi 26:22

Kâo srăng mơĭt lu hlô dliê ti krah diih, diñu srăng tlĕ mă phung anak diih, leh anăn bi rai êmô biăp diih, leh anăn bi hrŏ ênoh diih tơl diih jing ƀiă, leh anăn êlan diih amâo lŏ mâo mnuih êrô êbat ôh.

Bruă Lêwi 26:6

Kâo srăng brei klei êđăp ênang hlăm čar diih, diih srăng pĭt mdei, amâo mâo pô bi huĭ diih ôh. Kâo srăng suôt hĕ hlô jhŏng mơ̆ng čar diih, leh anăn đao gưm amâo srăng găn ôh ti čar diih.

Y-Yakơ 3:7

Mnuih dưi mđăo bi ƀlum djăp mta hlô mnơ̆ng, čĭm čap, mnơ̆ng êbat ban, wăt mnơ̆ng hlăm êa ksĭ.